Iri ku kɔ̃ 26:11 - Bibeli do fee

¹¹ Aɔ̃ Lafɛ̃ɛ, amu ǹ wa n nɛ si dee dee ku jɛm, ceem didɔ̃ nɔ i jɔ̀ n nɛ aram.

Iri ku kɔ̃ 26:11 Iomraidhean Croise

Neemi 13:14

Na nŋu Aɔ̃ Lafɛ̃ɛm, jɔ̀ i ye gigim. Maà gbɛjɛ icɛ iyi ǹ ce do naanɛ si gãmɛi wooda ŋa iyi à jɛ ti kpasɛ̃ɛu.

Neemi 13:22

Ŋɔi ǹ ni inɛi Levii ŋau mɔ a cea ara nŋa buki iyi á jɔ̀ a maaju nɔ a naa a degbe anu koofa ŋau ku ba a jɔ̀ ajɔi kusĩmiu ku má. Na nŋu, jɔ̀ i ye gigim Aɔ̃ Lafɛ̃ɛm, nɔ i degbem na didɔ̃ nla nlaɛ.

Neemi 13:31

Nɔ ǹ teese ǹ jilɛ wooda amuai jĩi ŋau do ti amaajɛ sinte ŋa si waati ikã ikãu. Aɔ̃ Lafɛ̃ɛm, ye gigim do inɔ akã.

Neemi 5:15

Amma hee n maa n to bɛ ilu ilɛ ŋa iyi à tako à wa bɛ ŋau à ya daa inɛ ŋa mii nkpɔ nkpɔi iyi aa sã. Inɛ akã fei isɔ fũfũ kpɛkɛlɛ ciijii à ya gba siɛ do sɔnda do atɛ̃. Si anyiɛ, woo ce icɛ nŋa ŋau à ya taa inɛ ŋa gbugbãi. Amma amu n kù ce bɛɛbɛ si na iyi í jɔ̀ ǹ wa n jirima Ilaaɔ̃.

Zɔɔbu 1:1

Mɔkɔ gɔi í wɛɛ wo si ilɛi Usi à ya kpoo Zɔɔbu. Mɔkɔu kù nɛ taale kãma, í jɛ inɛ dee dee, í ya jirima Ilaaɔ̃, nɔ í ya saa laalɔ.

Iri ku kɔ̃ 101:2

Ǹ bi n gbɔ yaasei kpãa iyi í jɛ dee dee, nɔ n tooɛ. Waati yoomai aa naa bi tom. An maa n nɛi do idɔ iyi í má si aninii inɛi kpasɛ̃m ŋa.

Iri ku kɔ̃ 26:1

Iriu ihɛ̃ ti Davidii. Aɔ̃ Lafɛ̃ɛ, jɔ̀ n jɛ dee dee, domi isɛɛnɛm kù nɛ lɛɛfi. Aɔ̃ Lafɛ̃ɛi ǹ dasi naanɛ, n kaa n koosɛ pai.

Iri ku kɔ̃ 49:15

À yɛi bɛi angudã gaa ŋa iyi à tale si ŋa bi kuwai iku ŋa. Ikui á jɛ woo degbe nŋa, nɔ kaa kpɛ inɛ dee dee ŋa a sɔ ŋa laga. Bɛɛrɛ nŋa ku tã nɔ bi kuwai iku ŋa ku jɛ ide nŋa.

Iri ku kɔ̃ 49:7

Si amani nŋai naanɛ nŋa í wa, nɔ na kulai amaniui à waa tɔɔò fufu.

Iri ku kɔ̃ 69:18

Maà singaa amu woo ce icɛɛ wajuɛ, si bɛi ǹ wa si wahala, jɛɛm gbãa gbãa.

Ezai 38:3

Si kutɔɔɛu wa nii, Aɔ̃ Lafɛ̃ɛ, ǹ wa n tɔɔɛi, ye gigi iyi ǹ ce isɛɛnɛm nii si dee dee ku jɛ si wajuɛ muafiti kù wa si, nɔ ǹ ce mii iyi í dɔ̃ɛ si. Si anyiɛ, nɔ Ezekiasi wa kpata ntɔ ntɔ.

Luku 1:6

Aŋa minji fei à jɛ dee dee si wajui Ilaaɔ̃ Lafɛ̃ɛ nɔ à waa jirima woodaɛ ŋa do ideɛ fei mam mam.

Tɛsalonika 1, 2:10

Iŋɛi ì jɛ sɛɛda nwa ŋa do Ilaaɔ̃ takaɛ iyi isɛɛnɛ nwa si wajui iŋɛ woo dasi Jesu naanɛ ŋau í má, í jɛ dee dee, nɔ taale kãma kù wa si.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.