Iri ku kɔ̃ 26:1 - Bibeli do fee

¹ Iriu ihɛ̃ ti Davidii. Aɔ̃ Lafɛ̃ɛ, jɔ̀ n jɛ dee dee, domi isɛɛnɛm kù nɛ lɛɛfi. Aɔ̃ Lafɛ̃ɛi ǹ dasi naanɛ, n kaa n koosɛ pai.

Iri ku kɔ̃ 26:1 Iomraidhean Croise

Ilaalu 2, 20:3

Si kutɔɔɛu wa nii, Aɔ̃ Lafɛ̃ɛ, ǹ wa n tɔɔɛi, ye gigi iyi ǹ ce isɛɛnɛm nii si dee dee ku jɛ si wajuɛ muafiti kù wa si, nɔ ǹ ce mii iyi í dɔ̃ɛ si. Si anyiɛ, nɔ Ezekiasi wa kpata ntɔ ntɔ.

Zɔɔbu 2:3

Nɔ Aɔ̃ Lafɛ̃ɛ í beeɛ má í ni, i kù yɛ Zɔɔbu woo ce icɛm bɛ? Inɛ kãma kù wɛɛ si andunya iyi í yɛ bɛi nŋu. Mɔkɔu kù nɛ taale kãma, í jɛ inɛ dee dee, í ya jirimam, nɔ í ya saa laalɔ. Wa leekĩ dim dim si dee dee kú jɛɛ nɔ wee awɔ ì talesim n kpãa iju hai kù ce taale kãma.

Zɔɔbu 4:6

Si bɛi ì mà bɛɛrɛi Ilaaɔ̃, nɔ isɛɛnɛɛ kù nɛ lɛɛfi kãma, i kaa jɔ̀ naanɛɛ do kpãa ku cɔɛ ku wa si Ilaaɔ̃?

Iri ku kɔ̃ 121:3

Kaa jɔ̀ i koosɛ. Nŋu iyi wa muɛ ci ya siiko.

Iri ku kɔ̃ 15:2

Inɛ iyi wa nɛ si dee dee ku jɛ, inɛ iyi wa ceò ntɔ icɛ, iyi wa fɔ ntɔ do idɔɛ fei.

Iri ku kɔ̃ 21:7

Kuwee jiidaɛ í ya maa wɛɛi do nŋu ajɔ fei. Ì ya maa wɛɛi do nŋu ajɔ fei nɔ ì ya maa muaa inɔ didɔ̃i.

Iri ku kɔ̃ 25:2

Aɔ̃ Lafɛ̃ɛm, awɔi ǹ wa n naanɛ, maà jɔ̀ n yɛ anyɔ. Maà jɔ̀ mbɛɛm ŋa a nɛ inɔ didɔ̃ sim.

Iri ku kɔ̃ 25:21

Jɔ̀ dee dee ku jɛ do ntɔ a biim domi siɛi kpãa ku cɔm í wa.

Iri ku kɔ̃ 26:11

Aɔ̃ Lafɛ̃ɛ, amu ǹ wa n nɛ si dee dee ku jɛm, ceem didɔ̃ nɔ i jɔ̀ n nɛ aram.

Iri ku kɔ̃ 28:7

Aɔ̃ Lafɛ̃ɛi í jɛ gbugbãm nɔ í jɛ bɛi tɛlim. Siɛi naanɛm í wa nɔ wa faabam. Ǹ wɛɛò inɔ didɔ̃ nla nla si idɔm nɔ an na iriɛ bɛɛrɛ do iri ku kɔ̃m ŋa.

Iri ku kɔ̃ 31:14

Ǹ gbɔ ide laalɔ ŋa iyi inɛ ŋa à waa fɔɔm, nɔ njo wa mum si inɛ ŋa iyi à waa kaakom domi à waa busi njɛ a ba a kpam.

Iri ku kɔ̃ 35:24

Aɔ̃ Lafɛ̃ɛm, kiitim si dee dee ku jɛɛ. Maà jɔ̀ a nɛ inɔ didɔ̃ si gãmɛm.

Iri ku kɔ̃ 37:31

Ci ya koosɛ, domi í mà wooda ŋa iyi Aɔ̃ Lafɛ̃ɛɛ í jilɛ.

Iri ku kɔ̃ 4:5

Bii idɔ nŋɛ í kɔ̃, i maà ce dulum ŋa. I ce lasabu ŋa si idɔ nŋɛ bii ì waa sũ nɔ i coko ŋa. Kusĩmi.

Iri ku kɔ̃ 43:1

Aɔ̃ Lafɛ̃ɛ, kiitim nɔ i jɔ̀ n ba ntɔ. Kɔ̀ɔm bi inɛ ŋa iyi a kù jɛ dee dee. Nyam hai si awɔi ilu ibo ŋa do inɛ laalɔ ŋa.

Iri ku kɔ̃ 54:1

Iriu ihɛ̃ ti inɛ ngboi woo kɔ̃ iri ŋai do Davidi. À ya kɔ̃ɔi do mɔɔlɔ.

Iri ku kɔ̃ 62:2

Ntɔ ntɔ, bi Ilaaɔ̃i hundem í ya ba laakai ku sũ. Hai bi titɛɛi faabam wa naa.

Iri ku kɔ̃ 62:6

Ntɔ ntɔ, bi Ilaaɔ̃ nŋu akãi an dɛdɛ laakai ku sũ domi bi titɛɛi kpãa ku cɔm í wa.

Iri ku kɔ̃ 7:8

Aɔ̃ Lafɛ̃ɛ, awɔ iyi ì waa buba hee lele si kitãi bommaɛ, jɔ̀ dimi ŋa a tɔtɔɔ wa a kaakoɛ.

Iri ku kɔ̃ 94:18

Waati iyi ǹ ni, ǹ kua gbugbã, Aɔ̃ Lafɛ̃ɛ, jiida ku jɛɛ í ya muum gbugbãi.

Mɔnda ŋa 20:7

Inɛ jiida í ya jɛ kuwɛɛi dee dee. Inɔ didɔ̃i í ya na ku jɛ ti amaɛ ŋa.

Mɔnda ŋa 29:25

Njoi amanɛ ŋa iyi ì waa ce ŋai í jɛ bɛi cɛkũm du ŋɛ. Amma nkãma ci ya ba inɛ iyi í dasi Aɔ̃ Lafɛ̃ɛ naanɛ.

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Ebɛɛ 10:23

Ka jɔ̀ ka leekĩ dim dim si kpãa ku cɔ iyi à waa jɛ sɛɛdaɛu ihɛ̃, domi Ilaaɔ̃, nŋu iyi í ce kuwã í jɛ ilu naanɛ.

Piɛɛ 1, 1:5

iŋɛ iyi gbugbãi Ilaaɔ̃ wa degbe do saabui naanɛ ku dasi ku ba i faaba mam mam ŋa. Faabau Ilaaɔ̃ í ce sɔɔluɛ ku nyisi ŋɛ si ajɔi ankãanyiu.

Piɛɛ 2, 1:10

Na nŋu, iŋɛ inɛm ŋa, i kɔ̃ɔsi himma ku ba i mà sãa sãa iyi Ilaaɔ̃i í kpe ŋɛ nɔ í cica ŋɛ, domi bii ì waa ce bɛɛbɛ ŋa, i kaa dasi dulum ajɔ kãma ŋa.

Samuɛli 1, 2:9

Awɔi ì waa gbã inɛɛ ŋa si isɛɛnɛ nŋa. Amma aa jɔ̀ inɛ laalɔ ŋa a ce nfe si ilu kuku, domi amanɛ kaa yɔkɔ ku jɛ igũ do gbugbãi nŋu takaɛ.

Samuɛli 1, 24:15

Awɔ ilaalui Izirɛli, yooi ì wasi ku dɛdɛ. Amui. Ì waa lelem, amu iyi n kù re aja iku walakɔ gãi.