Iri ku kɔ̃ 24:3 - Bibeli do fee

³ Yooi á yɔkɔ ku gũ iri kutai Aɔ̃ Lafɛ̃ɛ, yooi á yɔkɔ ku bɔ hee si kpasɛ̃ kumáɛ koo leekĩ.

Iri ku kɔ̃ 24:3 Iomraidhean Croise

Bomma 1, 15:1

Davidi í jɔ̀ à maa ile ŋa si ilui Davidi. Nɔ í ce bi kuwai kpakoi Ilaaɔ̃u nɔ í gũa ilei acɔ.

Iri ku kɔ̃ 15:1

Iriu ihɛ̃ ti Davidii. Aɔ̃ Lafɛ̃ɛ, yooi aa gba si inɔ kpasɛ̃ɛ, yooi á buba si iri kuta kumáɛ.

Iri ku kɔ̃ 2:6

Í ni, amui ǹ cica ilaalum ǹ jilɔɔ Siɔ̃ɔ si iri kuta kumám.

Iri ku kɔ̃ 65:4

Ntɔ ntɔ, kuwoi kuraram ŋau í caa sim. Awɔi aa kpa idei kurara nwa ŋau.

Iri ku kɔ̃ 68:18

Ilaaɔ̃ í nɛ sarɛtii igũ ŋa dubu dubu. Ilaaɔ̃ Lafɛ̃ɛ í wa anini nŋa. Iri kutai Sinaiu í wa si ile kumáu.

Ezekiɛli 44:5

Ŋɔi Aɔ̃ Lafɛ̃ɛ í sɔ̃m í ni, awɔ amanɛ, ce laakai ntɔ ntɔ. Cĩ ijuɛ nɔ i sotĩ i gbɔ idei wooda ŋa do asaiya ŋa iyi ǹ wa n sɔ̃ɛ si gãmɛi idei kpasɛ̃u. Nɔ i ce laakai má ntɔ ntɔ si gãmɛi kpasɛ̃ kumáu kulɔɛ do kufitaɛ.

Ezekiɛli 44:9

Na nŋu, amu Aɔ̃ Lafɛ̃ɛ ǹ ni, isɛ mmu kãma iyi kù ce bango nɔ kù waa jirimam, kaa lɔ inɔ kpasɛ̃m baa bii í wa bi iŋɛ inɛi Izirɛli ŋa.

Kuwee 10:3

Ŋɔi Moizi í sɔ̃ Arɔ̃ɔ í ni, bɛɛbɛi Aɔ̃ Lafɛ̃ɛ í fɔ si waati iyi í ni, ǹ bi inɛ ŋa iyi à waa sɛkɛɛ sim wa ku ba a ceem kuwee a mà iyi amu inɛ kumái, nɔ a ya naa do jirima, nɔ a ya jɔ̀ zamaau fei ku mà bɛɛrɛm. Ŋɔi Arɔ̃ɔ wa coko.

Malasi 3:1

Ŋɔi Aɔ̃ Lafɛ̃ɛi lele do ilɛ í jɛ í ni, an bɛ amaacɛm wa ku na ku teesem kpãa. Lafɛ̃ɛ iyi ì waa dɛdɛ ŋau á lɔ si kpasɛ̃ɛu anu akã. Amaabɛ iyi ì bi ŋau wa naa ku na ku fɔ idei akabuum.

Laabaau jiida iyi Zãa í kɔ 13:36

Ŋɔi Simɔɔ Piɛɛ í bee Jesu í ni, iwoi ì waa bɔ Lafɛ̃ɛ. Ŋɔi Jesu í jɛaa í ni, bii ǹ wa n bɔ i kaa yɔkɔ i toom bɛ nsɛi, amma bii í kɔ̃ɔsi aa toom wa bɛ.

Laabaau jiida iyi Zãa í kɔ 20:17

Ŋɔi Jesu í sɔ̃ɔ í ni, jɔ̀m, maà lum, domi n kù bɔ lele bi Baam titã. Amma bɔ bi mɔcɔm ŋa, sɔ̃ ŋa i ni ǹ wa n bɔ bi Ilaaɔ̃. Nŋui í jɛ baam, nɔ í jɛ baai iŋɛ mɔ.

Ebɛɛ 12:28

Na nŋu, ka saabu Ilaaɔ̃ domi à nɛ bomma iyi kaa yaya nɔ ka tɔɔɛ si bɛi í bi nɔ ka mà bɛɛrɛɛ ka jirimaɛ.