Iri ku kɔ̃ 23:1 - Bibeli do fee

¹ Iriu ihɛ̃ ti Davidii. Aɔ̃ Lafɛ̃ɛ í jɛ woo degbem. N kaa n kua nkãma.

Iri ku kɔ̃ 23:1 Iomraidhean Croise

Iri ku kɔ̃ 34:11

Ilu gbugbã ŋa à ya kua mii ŋa nɔ ari ku kpa ŋa. Amma inɛ ŋa iyi à mà bɛɛrɛi Aɔ̃ Lafɛ̃ɛ, a ci ya kua mii jiida kãma.

Iri ku kɔ̃ 78:52

Í jɔ̀ inɛɛ ŋa à fita wai bɛi mɛɛmu gaa ŋa iyi à fita hai bi ku so nŋa. Do yaase bɛɛbɛi í gbãò inɛɛ ŋa wa si gbaau.

Iri ku kɔ̃ 79:13

Amma, awa inɛɛ ŋa iyi à jɛ bɛi mɛɛmu gaa iyi ì waa degbe, aa ka maa cĩɛi ajɔ fei. Awa inɛɛ ŋa, aa ka maa cĩɛi hee ku koo si tɔku do tɔku nwa ŋa fei.

Iri ku kɔ̃ 84:11

Ajɔ akã iyi aa ka ce si bantumaɛ, í re ajɔ dubu iyi aa ka ce inya mmu. Amu, ǹ cica n koo n wa andɛ kpasɛ̃i Aɔ̃ Lafɛ̃ɛ do iyi an koo n wa si kpasɛ̃i ilu inɔ kukã,

Ezai 40:11

Í yɛi bɛi woo degbe iyi wa gbã mɛɛmu gaaɛ, nɔ wa tɔtɔɔ ŋa do awɔɛ iyi í wu si ŋa. Í ya so ama angudã ŋau wai si ikpaɛ, nɔ ku gbã iye ŋau ku naaò ŋa wa ku ba a mɔmɔ.

Zeremi 31:10

Iŋɛ inɛi andunya ŋa, i sotĩ i gbɔ idei Aɔ̃ Lafɛ̃ɛ ŋa, nɔ i sisi laabaauɛ si gũngũm ŋa iyi à wa hee jĩijĩ ŋa. I fɔ i ni ŋa, inɛ iyi í fangaa inɛi Izirɛli ŋau á nyi ku tɔtɔɔ ŋa má, nɔ á maa degbe ŋai bɛi woo degbe í ya maa degbe mɛɛmu gaaɛ ŋa.

Ezekiɛli 34:14

An bɔò ŋai si inyai sɔnda jiida si iri kutai Izirɛli ŋau. Tengi bɛi aa ya ba a sũ si inya jiida, nɔ aa ya ba sɔnda jiida a jɛ si iri kutai Izirɛli ŋau.

Misee 5:2

Na ŋɔi í ce, Aɔ̃ Lafɛ̃ɛ á fũsi inɛɛ ŋa awɔ hee koo to waati iyi abo iyi á bí amau ku bí, nɔ inɛɛ ŋa iyi à gbe à wɛɛ si hunde ilɛ mmu a baa a na a tɔtɔɔ do inɛi Izirɛli ŋau.

Misee 5:4

Nŋui á jɔ̀ laakai ku sũ ku wɛɛ nŋa. Bii inɛi Asiri ŋa à naa si ilɛ nwa, waati iyi aa lɔ si kabai bomma nwa ŋa, aa ka jɔ̀ inɛ ngbo nkpɔ nkpɔ nwa ŋa a dede si ŋa.

Matie 6:33

Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í gbe bɛi fei Ilaaɔ̃i á kɔ̃ɔ nŋɛ si.

Laabaau jiida iyi Zãa í kɔ 10:11

Amui ǹ jɛ woo degbe jiida. Woo degbe jiida í ya jɛsi nŋu ku kui na irii angudãɛ ŋa.

Laabaau jiida iyi Zãa í kɔ 10:14

Amui ǹ jɛ woo degbe jiida. Si bɛi Baam í màm nɔ amu mɔ ǹ màa, bɛɛbɛ mɔi ǹ mà angudãm ŋa nɔ aŋa mɔ à màm, nɔ ǹ jɛsi n ku na iri nŋa.

Romu 8:32

Ilaaɔ̃ kù kɔ̀ò Amai nŋu takaɛ, amma í jɔ̀ à daa inɛ ŋa si awɔ à kpaa na irii awa fei. Nŋu iyi í na wa Amaɛu bɛɛbɛ, bɛirei á ce iyi kù mu nwa mii iyi í gbe fei.

Filipi 4:19

Do saabui Jesu Kirisi Ilaaɔ̃ á mua iŋɛ fei bukaatai mii iyi ì nɛ ŋa si bɛi amanii amboeɛ í to.

Ebɛɛ 13:20

Lafɛ̃ɛ nwa Jesui í jɛ Woo degbe iyi í re. Na njɛɛ iyi í nikã, í jilɛ nwa akabuu titɔ̃ iyi ci ya tã. Na nŋu Ilaaɔ̃ ilu laakai ku sũ, nŋu iyi í dedeɛ hai si balɛ,

Piɛɛ 1, 2:25

Tako wo ì yɛ ŋai bɛi angudã ŋa iyi à nyɔ, amma nsɛi ì nyi wa bi woo degbeu ŋa, nŋu iyi wa degbe ŋɛ.

Piɛɛ 1, 5:4

Nɔ waati iyi Kirisi á faata wa, nŋu iyi í jɛ inɛ ngboi woo degbe ŋau, aa gba riba ilu amboe iyi kusĩaɛ kaa tã ŋa.

Kuyɛi Zãa 7:17

Angudã iyi wa leekĩ bi kitãi bommau á gbã ŋa ku bɔò ŋa isɔ̃i kuwɛɛ. Ilaaɔ̃ mɔ á gbã cikãaju nŋa fei.