Iri ku kɔ̃ 21:3 - Bibeli do fee

³ Mii iyi idɔɛ í bii ì naa, nɔ i kù kɔ̀ɔ mii iyi gɛlɛɛ í tɔɔɛ. Kusĩmi.

Iri ku kɔ̃ 21:3 Iomraidhean Croise

Samuɛli 2, 12:30

Ŋɔi í nya fulai bommau hai si irii ilaalu nŋau. Fulau do wurai à coo. Kuwoɛ í to kiloo kuntaa do ku lesi nɔ à masi kuta ku nɛ fia gɔ. Ŋɔi à daa Davidi si fulau, nɔ í ko amani nkpɔ nkpɔ hai iluu í nɛò.

Samuɛli 2, 2:4

Si anyiɛ ŋɔi inɛi Zudaa ŋa à naa Eborɔ̃ɔ bɛ ku ba a tontooa Davidi ikpo si iri ku jɛ ilaalui inɛi Zudaa ŋa fei. Nɔ si anyiɛ à sɔ̃ Davidi à ni, inɛi ilui Yabɛsi ŋa si ilɛi Galaadi, aŋai à si Saulu.

Samuɛli 2, 5:3

Do yaase bɛɛbɛi inɛ ngboi ilɛi Izirɛli ŋau fei à bɔ Eborɔ̃ɔ bi ilaaluu, nɔ í dĩ akabuu aŋaò ŋa si wajui Aɔ̃ Lafɛ̃ɛ. Ŋɔi à tontooa ikpo si iri à cicaɛ ku jɛ ilaalui inɛi Izirɛli ŋa.

Bomma 1, 20:2

Ŋɔi Davidi í nya fulai bommau hai si irii ilaalu nŋau nɔ í ba wee kuwoɛ do ti wura kiloo kuntaa wa mungai nɔ í nɛ kuta ku nɛ fia gɔ. Ŋɔi à daa Davidi si fulau, nɔ í ko amani nkpɔ nkpɔ hai iluu í nɛò.

Bomma 2, 6:41

Nsɛi Aɔ̃ Lafɛ̃ɛ, dede i naa si inya bi kusĩmiɛu awɔ do kpakoi akabuuɛu, kpako si bii gbugbãɛ í wau. Aɔ̃ Lafɛ̃ɛ, jɔ̀ faabau ku jɛ ibɔi woo weeɛ ŋau nɔ inɛ ŋa iyi naanɛ nŋa í wa siɛ, a gbɔ ididɔ̃.

Zɔɔbu 41:11

Ina sasai í ya maa fita wa hai si gɛlɛɛ.

Iri ku kɔ̃ 18:18

Aɔ̃ Lafɛ̃ɛi í nyam hai si awɔi mbɛɛm ŋa iyi à gaabu, do hai si awɔi inɛ ŋa iyi à cém, aŋa iyi à rem do gbugbãu.

Iri ku kɔ̃ 20:5

Aɔ̃ Lafɛ̃ɛ ku muuɛ mii iyi ì bi si idɔɛ, nɔ ku jɔ̀ mii iyi ì dasi idɔ i ce fei ku kɔ̃.

Iri ku kɔ̃ 31:19

Jɔ̀ woo sɔ ibo ŋa do ilu faau ŋa iyi à waa yaako inɛ dee dee nɔ à waa taa gbugbãu a coko.

Iri ku kɔ̃ 59:10

Awɔ woo degbem, do ikpa bi tɛɛi ǹ wa n cɔ. Awɔ Aɔ̃ Lafɛ̃ɛ, awɔi ì jɛ bi ku manji ilu gbugbãm.

Romu 11:35

Yooi í tako í muaa ngɔgɔ ku bɛi ku maa degbe ku sãa nŋu gbese.

Romu 2:4

Mà ì donda kulai jiida ku jɛɛ do temuaɛ do suuru ku nɛɛi. I kù mà iyi jiida ku jɛi Ilaaɔ̃ í mɔsi wa koo si gãmɛɛ ku ba i kpaasi idɔɛ?

Efɛɛzu 1:3

I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Ebɛɛ 2:9

Do nŋu fei Jesu nŋu iyi à kaye wo, nsɛi à waa yɔɔ do amboe do jirima nla nla na wahala iyi í yɛ í kuò. Ntɔi, didɔ̃i Ilaaɔ̃ í tako í jɔ̀ kù to amaleka ŋa si waati keeke gɔ. Ilaaɔ̃ í ce bɛɛbɛi ku ba ku yɛ wahala ku kuò na irii inɛ fei.

Kuyɛi Zãa 19:12

Ijuɛ í yɛi bɛi amɛi ina, nɔ wa dasi fulai bomma nkpɔ si iriɛ. Nɔ à kɔ iri gɔ siɛ iyi inɛ gɔ kù mà bii kù jɛ nŋu akã.

Samuɛli 1, 16:13

Samuɛli í so ngou í tontooa Davidi ikpo si iriɛ si wajui igbãɛ ŋa. Ŋɔi hundei Aɔ̃ Lafɛ̃ɛ í naa si Davidi hai ajɔ nŋu bɛ. Si anyii nŋu ŋɔi Samuɛli í nɛ Rama.