Iri ku kɔ̃ 2:4 - Bibeli do fee

⁴ Amma inɛ iyi wa buba lelei Aɔ̃ wa nyaanyi ŋa, nŋu Aɔ̃ Lafɛ̃ɛ wa yaako ŋa.

Iri ku kɔ̃ 2:4 Iomraidhean Croise

Ilaalu 2, 19:21

Ide iyi í fɔ si gãmɛi Senakeribuu wee. Í ni, awɔ Senakeribu, Siɔ̃ɔ nŋu iyi í yɛ bɛi abo kusĩau wa buɛi nɔ wa yaakoɛ. Siɔ̃ɔ, waatɔ Zeruzalɛmu ilu kusĩau, wa nyaanyiɛ wa gbugbãò iri.

Iri ku kɔ̃ 11:4

Aɔ̃ Lafɛ̃ɛ í wa si kpasɛ̃ kumáɛ wa buba lelei Aɔ̃ si kitãi bommaɛ. Wa cɔ amanɛ ŋa, nɔ wa yɛ ŋa.

Iri ku kɔ̃ 115:3

Ilaaɔ̃ Lafɛ̃ɛ nwa lelei í wa. Nɔ mii iyi í bi feii í ya ce.

Iri ku kɔ̃ 123:1

Iri ku kɔ̃i kutɔɔ ku bɔ ku ce. Aɔ̃ Lafɛ̃ɛ, ǹ wu iju lele ikpa bi tɛɛ, awɔ iyi ì waa buba lelei Aɔ̃.

Iri ku kɔ̃ 37:13

Aɔ̃ Lafɛ̃ɛ wa nyaanyiɛ domi wa yɛ iyi ajɔi kiitiɛ í maai wa.

Iri ku kɔ̃ 53:5

Ŋɔi Ilaaɔ̃ í ni, ntɔ ntɔ, woo ce laalɔ ŋau ihɛ̃, a kù nɛ kumà kãma. Aŋa iyi à waa ŋɔ inɛm ŋa bɛi à ya ŋɔ pɛ̃ɛ, nɔ a kù waa tɔɔm ajɔ kãma.

Iri ku kɔ̃ 59:8

Gɛlɛ nŋa wa kɔ̃i do laalɔ. Ide nŋa í yɛi bɛi taakuba. Nɔ à ya maa ni yooi á gbɔ idei aŋa.

Iri ku kɔ̃ 59:9

Amma Aɔ̃ Lafɛ̃ɛ, awɔ ì waa nyaanyi ŋai nɔ ì waa yaako dimi ŋau aŋa fei.

Iri ku kɔ̃ 68:33

Iŋɛ bommai ilɛ ŋa, i kɔ̃a Ilaaɔ̃ iri ŋa. I kɔ̃ iri i na Ilaaɔ̃ Lafɛ̃ɛ bɛɛrɛ ŋa. Kusĩmi.

Mɔnda ŋa 1:26

Na nŋu, amu mɔ an nyaanyi ŋɛi waati iyi laalɔ á naa si ŋɛ. An yaako ŋɛi waati iyi zigiidau á to wa si ŋɛ.

Ezai 40:22

Aɔ̃ Lafɛ̃ɛi, nŋu iyi lelei Aɔ̃i í jɛ bi kuwaɛ si antaii ku kaakoi ilɛ iyi í ce bokotou, nɔ wa cɔ inɛ ŋa iyi à wa si ilɛu wa bɛi cɛ̃cɛ̃ɛ ŋa. Í tɛ́ lelei Aɔ̃i bɛi acɔ nla nla gɔ, nɔ í fũui bɛi ilei acɔ ku ba ku coo bi kuwaɛ.

Ezai 57:15

Ntɔ ntɔ inɛ iyi í wa hee lele feiu, nŋu iyi kuwɛɛɛ kù nɛ kɔɔ, nɔ iriɛ í máu í fɔ í ni, lele bii í mái ǹ wa amma ǹ nyi ǹ wa bi inɛ ŋa iyi à waa taa gbugbã nɔ à waa ba wahala ku ba n dede ŋa nɔ n mu nŋa gbugbã.

Ezai 66:1

Aɔ̃ Lafɛ̃ɛ í ni, lelei Aɔ̃i í jɛ batai bommam, nɔ ilɛ mɔi í jɛ bi ku lesi kutɛm. Debɛi, dimii ile yoomai aa yɔkɔ i maam ŋa. Tengi iwoi á jɛ inya bi kusĩmim.