Iri ku kɔ̃ 2:2 - Bibeli do fee

² Ilaalui ilɛ ŋa à dede nɔ amanlu ŋa à tɔtɔɔ a ba a ce igũ do Aɔ̃ Lafɛ̃ɛ do inɛ iyi í cica í jɛ ilaaluu à waa ni,

Iri ku kɔ̃ 2:2 Iomraidhean Croise

Iri ku kɔ̃ 110:5

Aɔ̃ Lafɛ̃ɛ í wa awɔ njɛɛ. Á ce nfei ilaalu ŋai ajɔ iyi idɔɔkɔ̃ɛ á dede.

Iri ku kɔ̃ 2:10

Na nŋu, iŋɛ ilaalu ŋa i ce lasabu ku ce ncɛɛ si mii iyi aa ce ŋa. I ce laakai si ideu ihɛ̃, iŋɛ inɛ ngboi ilɛ ŋau fei.

Iri ku kɔ̃ 45:7

Ilaaɔ̃, bommaɛ á maa wɛɛi do ajɔ fei. Do dee dee ku jɛi ì waa muò bommaɛ.

Iri ku kɔ̃ 48:4

Aɔ̃ Lafɛ̃ɛ si bi kuwaɛ í jɔ̀ à mà gbugbãɛ.

Iri ku kɔ̃ 48:5

Ilaalu ŋa à tɔtɔɔ njɛ à naa igũ ku ce si ilui Siɔ̃ɔ.

Iri ku kɔ̃ 74:18

Aɔ̃ Lafɛ̃ɛ, ye gigi iyi mbɛɛu wa yaako iriɛ. Dimi ŋa iyi a kù nɛ bisiu à waa buɛ.

Iri ku kɔ̃ 74:23

Maà gbɛjɛ mbɛɛɛ ŋa si anu ku dɔ̃ nŋa. Wakata hai nɛ kɔɔ nŋa wa naa hee bi tɛɛ.

Iri ku kɔ̃ 83:6

À koo à yɛ njɛ aŋa fei, nɔ à ce anu akã na iriɛ.

Iri ku kɔ̃ 89:20

Ajɔ nŋu gɔ, ì ba inɛɛ ŋa ide ku fɔ si kuyɛ, ì ni, ǹ sobi ilu wɔɔkɔ, nɔ ǹ so inɛ iyi ǹ cicau lele hai si inɔ zamaau.

Kufita 16:7

á na ŋɛ iŋa i ŋɔ ŋa, domi í gbɔ ì waa weeweea si nŋu ŋa. Nɔ ala daakɔ á na ŋɛ pɛ̃ɛ ŋa zaka bɛi á to ŋɛ nɔ aa yɛ amboeɛ ŋa. Yooi awa à jɛ hee ì maa gbagba si wa ŋa. Kù jɛ si awai aa gbagba si ŋa, si Aɔ̃ Lafɛ̃ɛi.

Mɔnda ŋa 21:30

Bisi do kumà do ikɔ iyi amanɛ í nɛ, kãma kaa sinda idɔɔbii Aɔ̃ Lafɛ̃ɛ.

Ezai 61:1

Hundei Aɔ̃ Lafɛ̃ɛ í wa sim, domi Aɔ̃ Lafɛ̃ɛi í nyam ikã. Nŋui í bɛm n koo n sisia ilu are ŋa laabaau jiida, inɛ ŋa mɔ iyi à wɛɛò inɔ kufɔ, n tũ idɔ nŋa, nɔ n sɔ̃ aru ŋa n ni à nɛ ara nŋa mbɛ, inɛi piisɔ̃ɔ ŋa mɔ, n sɔ̃ ŋa n ni a fita.

Matie 2:16

Ŋɔi ilaalu Herodu í yɛ iyi woo mà leleaɔ̃ ŋau à lɛlɛ nŋui, ŋɔi idɔɛ í kɔ̃ jiida jiida. Ŋɔi í ce dooi waati iyi woo mà ŋau à yɛ leleaɔ̃u í fita, ŋɔi í jɔ̀ à koo à kpa ama inɛmɔkɔ kpɔtɔɔ ŋa hee ku koo si do amai adɔ̃ minji ŋa fei si ilui Betelehɛmu do ilɛɛkoɛ ŋa fei.

Matie 26:3

Waati iyi Jesu wa sɔ̃ mɔcɔɛ ŋa ideu, inɛ ngboi woo weei Ilaaɔ̃ ŋau do inɛ ngboi Zuifu ŋau à tɔtɔɔ kabai Kaifu woo wee nlau.

Matie 26:59

Waati nŋu inɛ ngboi woo weei Ilaaɔ̃ ŋa do igbɛi woo kiiti ŋau fei à waa dɛ a má Jesu ide iyi aa yɛò taaleɛ ku ba a kpaa.

Matie 27:1

Ŋɔi daadaakɔ inɛ ngboi woo weei Ilaaɔ̃ ŋa do inɛ ngboi Zuifu ŋa fei à jilɔɔ si aŋa a kpa Jesu.

Luku 13:31

Waati nŋu, Farisi gɔ ŋa à naa à sɔ̃ Jesu à ni, koo, fita hai ihɛ̃ domi Herodu wa bi ku kpaɛi.

Laabaau jiida iyi Zãa í kɔ 1:41

Iyi í sɛkɛɛ hai bi Jesu gbakã í koo í kpe Simɔɔ igbãɛ nɔ í sɔ̃ɔ í ni, à yɛ inɛ iyi Ilaaɔ̃ í cicau.

Laabaau jiida iyi Zãa í kɔ 15:23

Inɛ iyi í cém í cé Baam mɔi.

Laabaau jiida iyi Zãa í kɔ 3:34

Inɛ iyi Ilaaɔ̃ í bɛ wa idei Ilaaɔ̃i wa fɔ, domi Ilaaɔ̃ í muaa Hundeɛ do inɔ akã.

Woo bɛ ŋa 10:38

Ì mà bɛi Ilaaɔ̃ í mua Jesu inɛi Nazarɛtiu Hundeɛ ŋa do bɛi í muaa gbugbã. Nɔ í dabii si ilɛu fei wa ce jiida nɔ í jɔ̀ inɛ ŋa iyi à wa si awɔi Seetam fei à ba iri. Í ya maa ce bɛɛbɛi si na iyi í jɔ̀ Ilaaɔ̃ í wɛɛ do nŋu.

Woo bɛ ŋa 9:4

Ŋɔi í cuku ilɛ nɔ í gbɔ imui inɛ gɔ í ni, Sɔlu, Sɔlu, na mii í ce ì waa kpãm iju.

Ebɛɛ 1:9

Ì bi jiida nɔ ì cé laalɔ. Na ŋɔi í ce amu Ilaaɔ̃ ǹ cicaɛ, awɔ Ilaaɔ̃. Do inɔ didɔ̃ ǹ tontooɛ ikpo si iri ǹ nyaa ikã hai si inɔi kpaasi ŋa.