Iri ku kɔ̃ 16:3 - Bibeli do fee

³ Si ilɛu ihɛ̃ inɛ ŋa à wɛɛ iyi à waa tɔɔ iwɛ̃ ŋa. Nɔ amu mɔ ǹ ya n nɛ si ŋa inɔ didɔ̃i wo.

Iri ku kɔ̃ 16:3 Iomraidhean Croise

Bomma 2, 6:41

Nsɛi Aɔ̃ Lafɛ̃ɛ, dede i naa si inya bi kusĩmiɛu awɔ do kpakoi akabuuɛu, kpako si bii gbugbãɛ í wau. Aɔ̃ Lafɛ̃ɛ, jɔ̀ faabau ku jɛ ibɔi woo weeɛ ŋau nɔ inɛ ŋa iyi naanɛ nŋa í wa siɛ, a gbɔ ididɔ̃.

Iri ku kɔ̃ 101:6

Ijum á maa wai si inɛ ŋa iyi à jɛ ilu naanɛ ŋa si ilɛu, ku ba a maa wa kɔkɔm. Inɛ iyi wa nɛ si dee dee ku jɛ, lafɛ̃ɛi á jɛ woo ce icɛm.

Iri ku kɔ̃ 116:15

Aɔ̃ Lafɛ̃ɛ í ya nɛ ara kuro bii í yɛ inɛɛ ŋa à waa ku.

Iri ku kɔ̃ 119:63

Inɛ ŋa iyi à mà bɛɛrɛɛ ŋa, do inɛ ŋa iyi à waa jirima woodaɛ ŋa, inɛ akã nŋai ǹ jɛ.

Iri ku kɔ̃ 122:8

Na kubii nyaanzem ŋa do kpaasim ŋa, ǹ wa n tɔɔ laakai ku sũ ku wɛɛa Zeruzalɛmu ntɔ ntɔ.

Iri ku kɔ̃ 30:4

Aɔ̃ Lafɛ̃ɛ, awɔi ì nyam wa hai bi kuwai iku ŋa. Waati iyi ǹ ce amɛɛ do iku, ì baam wa si kuwɛɛ.

Mɔnda ŋa 12:26

Inɛ dee dee í ya nyisi kpaasiɛ kpãa jiidai, amma kucei inɛ laalɔ ŋa í ya nyɔ ŋai.

Mɔnda ŋa 13:20

Inɛ iyi í ya wa bi ilu bisi ŋa, á jɛ ilu bisii, amma inɛ iyi wa too nnyɛi ŋa á dasi ide laalɔ.

Mɔnda ŋa 8:31

hee do si bantumai ilɛɛ, nɔ ǹ ya n nɛ inɔ didɔ̃i si inɔi amanɛ ŋa.

Iri ku kɔ̃ iyi í dɔ̃ í re 7:10

Gɛlɛɛ ku cɔ̃ɔcɔ̃ɔ í yɛi bɛi vɛ̃ɛ didɔ̃. Ntɔ ntɔ, nŋui ǹ jilɛa inɛ iyi ǹ biu. Í ya lɔ si anu leleɛ do anu lɛlɛɛ do si inyíɛ ŋai.

Ezai 62:4

A kaa ya kpeɛ ilu iyi à kɔ̀si má, amma aa ya kpeɛi a ni, inɔ didɔ̃m í wa siɛ. A kaa ya kpeɛ bomma má, amma abo titɔ̃i aa ya kpeɛ, domi Aɔ̃ Lafɛ̃ɛ í nɛ inɔ didɔ̃ siɛ nɔ ilɛɛ á yɛi bɛi abo iyi í so mɔkɔ.

Malasi 3:17

Ŋɔi Aɔ̃ Lafɛ̃ɛi lele do ilɛu í ni, aŋai aa jɛ inɛm ŋa ajɔ iyi an nyisi yiikom nɔu. An ce araare nŋa bɛi baa í ya ce araarei ama inɛmɔkɔɛ iyi wa jirimaɛ.

Woo bɛ ŋa 9:13

Amma Ananiasi í ni, Lafɛ̃ɛ, inɛ nkpɔi í sɔ̃m laabaaui mɔkɔu bɛ do laalɔ ŋa iyi í cea inɛɛ ŋa Zeruzalɛmu fei.

Galati 6:10

Bɛɛbɛ mɔi waati iyi à ba awɔɛ fei, ka cea inɛ fei jiidaɛ. Nɔ kpaasi woo dasi Jesu naanɛ ŋai à nɛ ka cea ku re.

Efɛɛzu 1:1

Amui Pɔlu amu iyi ǹ jɛ woo bɛi Jesu Kirisi do idɔɔbii Ilaaɔ̃. Iŋɛ inɛi Efɛɛzu ŋa, iŋɛ iyi ì waa temua si anu akã nŋɛ do Jesu Kirisi ŋa, ǹ wa n ce ŋɛ fɔɔ, iŋɛ iyi Ilaaɔ̃ í cicau.

Titee 3:8

Ideu í nɛ naanɛ. Ǹ bi i fɔ ideu i sisi ku ba inɛ ŋa iyi à dasi Ilaaɔ̃ naanɛ a ce kookaai a ceò icɛ jiida. Ideu ide jiidai nɔ í nɛ aranfãani bi inɛ ŋa.

Ebɛɛ 6:10

Ilaaɔ̃ í jɛ inɛ dee dee, kaa gbɛjɛ icɛ nŋɛ do kubi iyi ì nyisi na iriɛ ŋa, si bɛi ì gbɔa inɛɛ ŋa wo ŋa, nɔ ì waa gbɔ nŋa baa nsɛi ŋa.