Iri ku kɔ̃ 139:4 - Bibeli do fee

⁴ Hai ide kù naa si gɛlɛm mɔm, ì mà tã ide iyi an fɔ.

Iri ku kɔ̃ 139:4 Iomraidhean Croise

Zɔɔbu 38:2

yooi ì jɛ iyi ì waa bɛjɛ yaase bɛi ǹ jilɛ si bɛi ì waa fɔ idei mii iyi i kù mà.

Zɔɔbu 42:3

Ì fɔɔ tã, amui ǹ bi n bɛjɛ yaase bɛi ì jilɛ si bɛi ǹ wasi ku fɔ idei mii iyi n kù mà. Ntɔi, ǹ fɔ idei mii iyi í rem n kù mà baa bɛirei mɔm.

Zɔɔbu 8:2

hee waati yoomai ì waa degbe i bɛi i jɔ̀ ide dimi bɛɛbɛ ku fɔ. Hee waati yoomai aa jɔ̀ ideɛ ŋa iyi à jɔ fufu dabii ŋau bɛ ku fɔ.

Iri ku kɔ̃ 19:14

Amu woo ce icɛɛ, jɔ̀ ilu faau ŋa a jĩim, maà jɔ̀ a kãmiam. Waati bɛɛbɛ, an jɛ inɛ dee dee iyi kù nɛ taale nla nla.

Zeremi 29:23

Iyi bɛ í ba ŋai si na iyi í jɔ̀ à ce ide laalɔ si ilɛi Izirɛli. À ce sakarai do aboi kpaasi ŋa, nɔ à sɔ ibo do irim baa do iyi n kù ba ŋa ide ku fɔ. Amu Aɔ̃ Lafɛ̃ɛ ǹ mà fei ndɛɛ nɔ ǹ jɛ sɛɛda.

Sofoni 1:12

Waati bɛɛbɛ, an wusɛ ilui Zeruzalɛmui do fitila ŋa, nɔ n kpã inɛ ŋa iyi à wɛɛ sɛ̃ɛ ŋau iju, aŋa iyi à fɔ à waa ni, Aɔ̃ Lafɛ̃ɛ ci ya ce jiida, ci ya nɔ ku ce laalɔ.

Zaaki 1:26

Inɛ iyi wa tamaa nŋu wa too kpãai Ilaaɔ̃ nɔ kù waa nɔ amɛɛ, lafɛ̃ɛ wa sɔa araɛ iboi. Kpãai Ilaaɔ̃ ku tooɛ ngbɛi.