Iri ku kɔ̃ 139:3 - Bibeli do fee

³ Ì mà waati iyi ǹ wa n nɛ walakɔ ǹ wa n sũ. Ì mà mii ŋa iyi ǹ wa n ce fei.

Iri ku kɔ̃ 139:3 Iomraidhean Croise

Samuɛli 2, 11:27

Waati iyi akũu í tã, ŋɔi Davidi í bɛ inɛ gɔ koo gbãa wa nɔ í gbaa kpasɛ̃ɛ. Í soo abo nɔ í bíaa ama inɛmɔkɔ. Mii iyi Davidi í ceu kù dɔ̃a Aɔ̃ Lafɛ̃ɛ si.

Samuɛli 2, 8:14

Ŋɔi í jilɛ soogeɛ ŋa si ilɛi Edɔmu fei, nɔ inɛi Edɔmu ŋau fei à baa à jɛ aruɛ ŋa. Aɔ̃ Lafɛ̃ɛ í ya jɔ̀ Davidi ku jɛ igũi tengi bii í bɔ fei.

Zɔɔbu 23:10

Nŋu de í mà kpãa iyi ǹ wa n too sãa sãa. Nŋui wa cɔ laakaim, amma an fita si hai nɛ riisi bɛi wura iyi à yɔ do ina.

Zɔɔbu 31:4

Nsɛi Ilaaɔ̃ kù waa mà kucem nii? Ku waa mà jiai isɛ bɛi ǹ wa n wu fei?

Iri ku kɔ̃ 119:168

Ntɔ ntɔ ǹ wa n jirima ideɛ do woodaɛ ŋa. Mii iyi ǹ wa n ce fei ì waa yɔɔ.

Iri ku kɔ̃ 139:18

Bii ǹ wa n ka ŋa, à kpɔ à re baa kuta wɛwɛɛi sãa. Baa bii ǹ yɔkɔ ǹ ka ŋa feii, n kaa n yɔkɔ n mà yaaseɛ.

Woo lasabu 12:14

domi Ilaaɔ̃ á kiiti wa si mii jiida do laalɔ ŋa iyi à ce fei, hee do iyi à ce si asii fei.

Ezai 29:15

Inɔ kufɔi í jɛ ti inɛ ŋa iyi à sa à waa manjia Aɔ̃ Lafɛ̃ɛ ku ba a singaa mii ŋa iyi à dasi idɔ aŋa a ce. Inɛ ŋau à ya maa ce kookoosu laalɔ nŋa ŋai si ilu kuku ŋa, nɔ à ya fɔi a maa ni, yooi wa yɛ wa. Yooi í mà wa.

Zeremi 23:24

Ŋɔi Aɔ̃ Lafɛ̃ɛ í nyi í bee má í ni, inɛ gɔ á yɔkɔ ku manji bii gɔ iyi n kù yɔɔi? Ǹ wai bii fei, lele do ilɛ.

Matie 3:12

Wa mu mii ku fɛ bileeɛ si awɔ, nɔ ku kpã bileeu bii à kpokpoɛ, nɔ ku ko yɔyɔu ku dasi aka, sakou mɔ ku dasi ina iyi ci ya ku.

Laabaau jiida iyi Zãa í kɔ 13:2

Ŋɔi Jesu do mɔcɔɛ ŋa à waa jɛ ajɔ. Wee Seetam í tale si Zudasi Isikariɔti amai Simɔɔu ku zambaɛ tã.

Laabaau jiida iyi Zãa í kɔ 13:21

Iyi Jesu í fɔ bɛɛbɛ í tã, ŋɔi inɔɛ í fɔ kaa kaa. Ŋɔi í sɔ̃ ŋa sãa sãa í ni, ntɔ ntɔ an sɔ̃ ŋɛ, inɛ akã nŋɛi á zambam.