12 Baa ilu kuku ci ya jɛ ilu kuku bi tɛɛ, nɔ idũ inya í ya mái bɛi dasã. Ilu kuku do inya kumá fei bi titɛɛ akãi.
Nkãma kù waa manjia Ilaaɔ̃ si bi kuwai iku ŋa. Mii fei í wai gbugbãa.
Ilu kùkù walakɔ jĩjĩ kù wɛɛ bii woo ce laalɔ ŋa aa ba a manji.
Í koo í wa si afei inɛi Izirɛli ŋa do inɛi Ezibiti ŋau. Kudũi ijĩu í ce ilu kuku do ikpa akã, ikpa akã mɔ í ce inya kumá. Si bɛɛbɛ inɛi ŋau, kãma nŋa ci ya maai si njɛ idũ.
Inɛi Izirɛli ŋau à leekĩi hee jĩijĩ amma Moizi í tɛkɛɛ si kudũi ijĩ tengi bii Ilaaɔ̃ í wau.
Nŋui í ya sisia inɛ mii iyi í jĩisa nɔ wa manji. Nŋui í mà mii iyi í wa si ilu kuku, nɔ bi titɛɛi inya kumá í wa.
Nkãma kù wɛɛ iyi wa manjia Ilaaɔ̃ woo taka. Fei ndɛɛ í cĩ wa jilɛi si wajuɛ. Nɔ nŋui awa fei aa ka tusɛa kuwɛɛ nwa.