Iri ku kɔ̃ 139:1 - Bibeli do fee

¹ Iriu ihɛ̃ ti inɛ ngboi woo kɔ̃ iri ŋai do Davidi. Aɔ̃ Lafɛ̃ɛ, awɔi ì wusɛm hee lɛlɛ, nɔ ì màm.

Iri ku kɔ̃ 139:1 Iomraidhean Croise

Samuɛli 2, 7:20

Mii ǹ nɛ an sɔ̃ɛ má. Ì màm tã, amu woo ce icɛɛ.

Ilaalu 1, 8:39

gbɔ kutɔɔ nŋa wa hai lelei Aɔ̃ bi kuwaɛ. Kpa idei dulum du ŋa, nɔ i cea inɛ fei bɛi daaɛ í yɛ, domi awɔ akãi ì mà idɔi amanɛ ŋa fei sãa sãa.

Ilaalu 2, 19:27

Ǹ mà mii fei si gãmɛɛ. Bii ì waa dede walakɔ bii ì waa buba. Bii ì waa fita walakɔ bii ì waa lɔ wa, do bii ì waa ce idɔɔkɔ̃ do amu.

Bomma 1, 17:18

Mii ǹ nɛ iyi an sɔ̃ɛ má si bɛɛrɛ iyi ì jɔ̀ ǹ nɛ. Ì màm tã, amu woo ce icɛɛ.

Bomma 1, 28:9

Nɔ awɔ mɔ amam Salomɔɔ, jɔ̀ i mà Aɔ̃ Lafɛ̃ɛi baaɛ. Jɔ̀ i tɔɔɛ do inɔ akã, do lasabu jiida, domi Aɔ̃ Lafɛ̃ɛ wa yɛ idɔi amanɛ ŋa nɔ í ya wusɛ idɔɛ ku mà lasabuɛ ŋa fei. Bii ì waa dɛdɛɛ, á jɔ̀ i yɔɔ. Amma bii ì kɔ̀siɛ á fũsiɛ awɔi hee do ajɔ fei.

Iri ku kɔ̃ 139:23

Ilaaɔ̃, wusɛm, nɔ i yɛ idɔm. Cɔ laakaim, nɔ i mà lasabum ŋa.

Iri ku kɔ̃ 17:3

Ì naa bi tom idũ, ì wusɛ idɔm, ì cɔ laakaim, amma i kù yɛ nkãma. N kù ce dulum kãma si ide ku fɔm.

Iri ku kɔ̃ 44:21

Bii í jɛ à gbɛjɛ irii Aɔ̃ Lafɛ̃ɛ nwa walakɔ à koo à tɔɔ iwɛ̃ gɔi,

Zeremi 12:3

Nɔ amu, ì màm Aɔ̃ Lafɛ̃ɛ. Ì waa yɛm, ì wusɛ idɔm ì yɔɔ iyi í wa bi titɛɛ. Amma aŋa iyi à gbe ŋau, nya ŋa ikã bɛi angudã ŋa iyi à waa bɔò bi ku kpa mɛɛmu ŋa. Nya ŋa ikã a maa degbeò ajɔi kukpa nŋa.

Laabaau jiida iyi Zãa í kɔ 21:17

Nɔ í sisi í beeɛ má isɛ gbɛɛtasia í ni, Simɔɔ amai Zãa, ì bim? Nɔ inɔi Piɛɛ í fɔ do si bɛi í beeɛ isɛ gbɛɛtasia í ni, ì bim? Ŋɔi Piɛɛ í jɛaa í ni, Lafɛ̃ɛ, ì mà fei ndɛɛ, ì mà kãm kãm iyi ǹ biɛ. Nɔ Jesu í sɔ̃ɔ í ni, to, gbã angudãm ŋa.

Ebɛɛ 4:13

Nkãma kù wɛɛ iyi wa manjia Ilaaɔ̃ woo taka. Fei ndɛɛ í cĩ wa jilɛi si wajuɛ. Nɔ nŋui awa fei aa ka tusɛa kuwɛɛ nwa.

Kuyɛi Zãa 2:18

Kirisi í ni má, kɔa amalekai igbɛi inɛm ŋa iyi í wa Tiatii. Kɔaa i ni, Amai Ilaaɔ̃ iyi ijuɛ í yɛ bɛi amɛi ina, nɔ isɛɛ wa daana bɛi isɔ danya iyi à yɔ si ina à wiɛ í ni,

Kuyɛi Zãa 2:23

Si anyiɛ an kpa inɛi anyiɛ ŋa. Waati bɛɛbɛ igbɛi inɛi Jesu ŋa fei aa mà iyi ǹ mà idɔi inɛ ŋa do lasabu nŋa. An sãa inɛ fei si bɛi kookoosuɛ í to.