Iri ku kɔ̃ 13:2 - Bibeli do fee

² Aɔ̃ Lafɛ̃ɛ hee waati yoomai aa kɔ̀ i maa gbɛjɛ idem. Hee waati yoomai aa kɔ̀ i maa i singaam wajuɛ.

Iri ku kɔ̃ 13:2 Iomraidhean Croise

Neemi 2:2

Ŋɔi í beem í ni, bɛirei í ce ì waa wu bɛɛbɛ. I kù nɔ i kù jɔ inɛ iyi wa ce bɔ̃ɔ mɛɛ. Á yɔkɔ ku jɛ inɔ kufɔi í wa siɛ. Ŋɔi njo í mum ntɔ ntɔ.

Ɛsitɛɛ 7:6

Nɔ Ɛsitɛɛ í jɛa í ni, mbɛɛ nwa iyi wa kpã wa iju, nŋui í jɛ Hamaa inɛ laalɔu ihɛ̃. Ŋɔi njo í mu Hamaa si wajui ilaaluu do si wajui Ɛsitɛɛ.

Zɔɔbu 10:15

Nɔ bii í jɛ ǹ nɛ taalei, inɔ kufɔi á jɛ titom. Baa bii í nɔ í jɛ n kù nɛ taale gɔi n kaa n nɛ n fĩ awɔ má na anyɔ nla nla do ilu are nla ku jɛm.

Iri ku kɔ̃ 10:18

ku ba i nyaa kɔyɔ do inɛ iyi à waa taa gbugbã asaiya. Do yaase bɛɛbɛ, inɛ kãma si ilɛu ihɛ̃ kaa maa mɔsi do inɛ ŋa ku taa gbugbã.

Iri ku kɔ̃ 116:3

Iku í dĩm do seseeɛ ŋa. Inɔ kufɔi bi kuwai iku ŋa í to sim. Ǹ nɛ zigiida do inɔ kufɔ ntɔ ntɔ.

Iri ku kɔ̃ 17:9

Jɔ̀ n fita hai si awɔi inɛ laalɔ ŋa iyi à waa kpãm iju, do hai si awɔi mbɛɛ ŋa iyi à kaakom à waa dɛ ku kpam.

Iri ku kɔ̃ 31:18

Aɔ̃ Lafɛ̃ɛ, maà jɔ̀ n yɛ anyɔ waati iyi ǹ wa n kpeɛ. Jɔ̀ inɛ laalɔ ŋa a yɛ anyɔ nɔ a nɛ bi kuwai iku ŋa sɛ̃ɛ.

Iri ku kɔ̃ 38:17

Ǹ sɔ̃ɛ ǹ ni, maà jɔ̀ mbɛɛ ŋa à dede sim, waati iyi ǹ koosɛ, a maà nyaanyi.

Iri ku kɔ̃ 42:4

Idũ do dasã, cikãajui í ya jɛ sɔndam, domi inɛ ŋa à ya beem a maa ni hee iwoi Ilaaɔ̃ Lafɛ̃ɛm nɔu í wa.

Iri ku kɔ̃ 6:4

Aɔ̃ Lafɛ̃ɛ, ǹ wɛɛò zigiida. Hee waati yoomai aa maa mum do taale.

Iri ku kɔ̃ 7:2

Aɔ̃ Lafɛ̃ɛm, awɔi ì jɛ bi ku manjim. Faabam nɔ i nyam hai si awɔi inɛ ŋa iyi à waa kpãm iju.

Iri ku kɔ̃ 74:10

Ilaaɔ̃, hee waati yoomai aa jɔ̀ mbɛɛu ku maa yaakoɛ. Aa jɔ̀ mbɛɛu ku maa donda iriɛ hai nɛ kɔɔi?

Iri ku kɔ̃ 74:18

Aɔ̃ Lafɛ̃ɛ, ye gigi iyi mbɛɛu wa yaako iriɛ. Dimi ŋa iyi a kù nɛ bisiu à waa buɛ.

Iri ku kɔ̃ 8:2

Aɔ̃ Lafɛ̃ɛ nwa, iriɛ í nɛ bɛɛrɛ si andunyau fei. Inya kumái amboeɛ í re ti lelei Aɔ̃.

Iri ku kɔ̃ 9:6

Ì kpã mbɛɛɛ ŋa iju, nɔ ì ce nfei ilu inɔ kukã ŋa, ì kpa iri nŋa hee do ajɔ fei.

Mɔnda ŋa 15:13

Inɔ didɔ̃ í ya jɔ̀ wajui amanɛ ku sĩai, amma inɔ kufɔ í ya jɔ̀ amanɛ ku kua gbugbãi.

Woo lasabu 5:17

Na nŋu, iyi ǹ yɛ wee. Í sĩaa amanɛ ku jɛ nɔ ku mɔ nɔ ku wɛɛò inɔ didɔ̃ na aranfãanii icɛɛ si waatii kuwɛɛɛ iyi Ilaaɔ̃ í naa, domi iyi bɛi í jɛ ikpɛ̃ɛ.

Zeremi 15:18

Na mii í jɔ̀ wahalam í mɔsi wa koo. Na mii í jɔ̀ jujum kù waa jɛ ku tã. Ntɔ ntɔ, awɔi ì jɛ icui inɔ kufɔm bɛi ido iyi inyiɛ í ya tã?

Zeremi 45:3

Í ni, ì fɔ ì waa ni, inɔ kufɔi í jɛ titom, domi Aɔ̃ Lafɛ̃ɛ wa kɔ̃ɔsi wahala si ara kurom. Ǹ kakaa ǹ gbɛɛji, nɔ n kù ba kusĩmi.

Zeremi 8:18

Ǹ bi n yɔkɔ n kua inɔ kufɔ iyi í wa sim. Ntɔ ntɔ ǹ wa n wahala hee si lɛlɛi idɔm.

Kukpata 1:5

Mbɛɛɛ ŋa à kãmiaɛ, inɛ ŋa iyi à cóo ŋau à wɛɛò laakai ku sũ, domi Aɔ̃ Lafɛ̃ɛi í dasiɛ inɔ kufɔu na kurara nkpɔ nkpɔɛ ŋa. Mbɛɛɛ ŋau à mu amaɛ ŋa a nɛò ŋa.

Kukpata 1:9

Riisiɛu í wa si ibɔɛ. Kù lasabu si mii iyi á na ku naa. Kucukuɛu í jɛa zamba, nɔ inɛ gɔ kù lɛlɛɛ. Ŋɔi í ni, Aɔ̃ Lafɛ̃ɛ, cɔ wahalam. Cɔ bɛi mbɛɛ wa jɛ igũ.

Kukpata 5:20

Aɔ̃ Lafɛ̃ɛ, na mii í jɔ̀ aa gbɛjɛ ide nwa hee do ajɔ fei, nɔ i fũsi wa awɔ do ajɔ fei.

Matie 26:38

Ŋɔi í sɔ̃ ŋa í ni, inɔ kufɔ í naa sim nla nla hee wa bi ku kpam. I wa ihɛ̃, i bam njoo ku wɔ ŋa.

Luku 22:53

Ajɔ fei ǹ ya n wa si inɔ nŋɛ si inɔ kpasɛ̃i Ilaaɔ̃, nɔ i kù mum ŋa. Amma waatiu ihɛ̃i í jɛ tu ŋɛ do gbugbãi ilu kuku.

Laabaau jiida iyi Zãa í kɔ 16:6

Amma ideu ihɛ̃ iyi ǹ sɔ̃ ŋɛi í fɔ inɔ nŋɛ kaa kaa, mà irei.

Romu 9:2

Inɔm í fɔ ntɔ ntɔ na Zuifu kpaasi ŋa nɔ ǹ ya n maa n ce araare nŋa waati kãma fei.

Filipi 2:27

Í ce bɔ̃ɔi ntɔ ntɔ hee í maai iku, amma Ilaaɔ̃ í ce araareɛ. Nɔ kù jɛ araarei Epafoditi nŋu akã, do ti amu takam nii, ku ba inɔ kufɔm nɔu ku maà kɔ̃ɔsi má.

Samuɛli 1, 18:29

ŋɔi njo í sisi í muu má nɔ í cóo si kuwɛɛɛ fei.

Samuɛli 1, 24:19

Nnyi ì nyisim jiida ku jɛɛ, domi Aɔ̃ Lafɛ̃ɛ í som í daɛ si awɔ amma i kù kpam.