Iri ku kɔ̃ 127:3 - Bibeli do fee

³ Amu ŋa, amani jiidai à jɛ. Amua iyi wa naa hai bi Aɔ̃ Lafɛ̃ɛi.

Iri ku kɔ̃ 127:3 Iomraidhean Croise

Kusintii Andunya 1:28

Nɔ Ilaaɔ̃ í wee nŋa í sɔ̃ ŋa í ni, i bí ku kpɔ ŋa, ilɛ fei ku kɔ̃ nɔ ku jɛ tu ŋɛ, nɔ i maa jɛ inɛ ngbo si cɛ̃ɛi inɔ inyi ŋau do si yɛi ŋa do si mɛɛmu ŋa iyi à wa si ilɛu ihɛ̃ fei.

Kusintii Andunya 24:60

Ŋɔi à weea Rebeka à ni, awɔi ì jɛ wecĩ nwa, Ilaaɔ̃ ku jɔ̀ i jɛ iyei zamaa nla nla, nɔ dimii amaɛ ŋa a kãmia mbɛɛ nŋa ŋa, a gba ilu nŋa ŋa.

Kusintii Andunya 33:5

Iyi Esau í cɔ do waju í yɛ abo ŋau do amu ŋau nɔ í beeɛ í ni, yoo ŋai à waa siɛ wau ihɛ̃. Nɔ Zakɔbu í jɛaa í ni, amu ŋa iyi Ilaaɔ̃ í muum nii mbɛ na didɔ̃ɛ amu woo ce icɛɛ.

Kusintii Andunya 4:1

Adamu do aboɛ Ɛfa à tɔtɔɔ nɔ Ɛfa í nɛ asĩ ŋɔi í bí Kaɛ̃ɛ. Nɔ í ni, do sobii Aɔ̃ Lafɛ̃ɛi ǹ bíò amanɛ.

Kusintii Andunya 48:4

Í sɔ̃m í ni nŋu á muum ama nkpɔ nkpɔ, nɔ ku cem balai dimi nkpɔ. Tɔkum ŋai á na ku mua ilɛi Kanaã do ajɔ fei.

Samuɛli 2, 3:5

do mɛɛfasia nŋa iyi à ya kpe Yitereamu amai Egila. Egilau mɔ inɛ akãi aboi Davidi ŋaui. Amu ŋa iyi Davidi í bí mbɛ si waati iyi í wa Eborɔ̃ɔ.

Bomma 1, 28:5

Aɔ̃ Lafɛ̃ɛ í muum amu ŋa nkpɔ nkpɔ. Nɔ si inɔ nŋa, Salomɔɔi í cica ku buba si kitãi bommai nŋu Aɔ̃ Lafɛ̃ɛu si ilɛi Izirɛli.

Bomma 1, 8:40

Amai Ulamu ŋa, kaasãanɛ ŋai nɔ à mà afa ku ta. Nɔ à bí amu ŋa do tɔku ŋa aŋa cĩɔ do ciitaa (150). Inɛ ŋau bɛ fei tɔkui Bɛnzamɛɛ ŋai.

Zɔɔbu 1:2

Mɔkɔu í nɛ ama inɛmɔkɔ mɛɛje do ama inaabo mɛɛta.

Ezai 13:18

Aa ta awaasũ ŋa afa a kpa ŋa, nɔ a kaa jɔ̀ baa ama kpɔtɔɔ ŋa. A kaa nɛ araarei amu ŋa.

Ezai 8:18

Amu do amu ŋa iyi Aɔ̃ Lafɛ̃ɛ í nam, awai à jɛ nyinda iyi inɛ ŋa aa maa cɔ do waju si ilɛi Izirɛli na saabui Aɔ̃ Lafɛ̃ɛi lele do ilɛ, nŋu iyi í nɛ bi kuwaɛ si iri kutai Siɔ̃ɔ.

Wooda ku kɔsi 28:11

Aɔ̃ Lafɛ̃ɛ á jɔ̀ i ba amani nkpɔ nkpɔ ŋa si ilɛ iyi í cea bala nŋɛ ŋa kuwãɛ do kugbasi í ni nŋu á muu nŋau. Aa bí amu ŋa nkpɔ nkpɔ. Mɛɛmu nŋɛ ŋa mɔ aa bí nkpɔ nkpɔ, nɔ aa ba amaajɛ nkpɔ nkpɔ i da ŋa.

Wooda ku kɔsi 28:4

Á jɔ̀ i ba amu ŋa nɔ i ba amaajɛ nkpɔ nkpɔ i da ŋa. Á jɔ̀ kɛtɛ gaa nŋɛ ŋa do angudã nŋɛ ŋa do iwo nŋɛ ŋa a kpɔ a kɔ̃ɔsi.

Woo kiiti ŋa 12:9

Ama inɛmɔkɔ kuntaai í nɛ do ama inaabo kuntaa. Í mua ama inaaboɛ ŋau mɔkɔ si dimi mmu à gba ŋa abɔdɔ̃, nɔ nŋu mɔ í ba ama inaabo kuntaa wa hai si dimi mmu í gbaa ama inɛmɔkɔɛ ŋa abɔdɔ̃. Í gbã inɛi Izirɛli ŋai adɔ̃ mɛɛje.

Samuɛli 1, 1:27

Aɔ̃ Lafɛ̃ɛ í gbɔ kutɔɔm. Ama iyi ǹ tɔɔu nŋui ihɛ̃.