Iri ku kɔ̃ 127:2 - Bibeli do fee

² Kudede nŋɛ daadaakɔ do kusũ nŋɛ iyi í ya ce ankãanyi i maa dɛdɛò mii iyi aa jɛ i maa wahalaò, ngbɛi. Aɔ̃ Lafɛ̃ɛ í ya na baakɔɔɛ ŋai bɛi í bi waati iyi à waa sĩ njoo.

Iri ku kɔ̃ 127:2 Iomraidhean Croise

Zɔɔbu 11:18

Aa nɛ naanɛ, domi aa nɛ kpãa ku cɔ. Aa ya cɔ canga do njɛ nɔ aa ya sĩ njooi do laakai.

Iri ku kɔ̃ 3:5

Bii ǹ dɔ̃ anu si Aɔ̃ Lafɛ̃ɛ hee lele, í ya gbɔ imum hee si iri kuta kumáɛ bii í waui. Kusĩmi.

Iri ku kɔ̃ 4:8

Awɔi ì ya jɔ̀ n nɛ inɔ didɔ̃ ku re inɛ ŋa iyi à da amaajɛ nkpɔ nkpɔ nɔ à ba atɛ̃ vɛ̃ɛ bãm bãm.

Iri ku kɔ̃ 60:5

Ì jɔ̀ awa inɛɛ ŋa à yɛ ijuukpã nla nla, nɔ à mɔ atɛ̃ í sinda iri nwa.

Mɔnda ŋa 10:22

Kuweei Aɔ̃ Lafɛ̃ɛi í ya jɔ̀ amanɛ ku ba amani. Kookaaii amanɛ ci ya kɔ̃ɔsi nkãma.

Woo lasabu 1:14

Ǹ yɛ mii iyi wa ce si andunya fei nɔ ǹ ba wee ngbɛi. Í yɛi bɛi amanɛ wa sɛi si fufu.

Woo lasabu 4:8

Inɛ gɔ í wɛɛ nŋu akãɛ, kù nɛ ama nɔ kù nɛ nyaanze kãma. Nɔ do nŋu fei icɛɛ kù nɛ kɔɔ nɔ amani ci ya tóo ajɔ kãma, baa do iyi í ya bee araɛ ide ku maa ni yooi nŋu wa cea icɛ nɔ nŋu í kɔ̀a arai nŋu ku jɛ ididɔ̃ɛ. Nŋu mɔ má ngbɛi nɔ inɔ kufɔ nla nlai.

Woo lasabu 5:12

Nɔ ǹ yɛ wahala gɔ iyi wa ce si andunya ihɛ̃ má. Inɛ gɔ í jilɛa araɛ amani iyi í na í jɛaa wahala,

Woo lasabu 6:7

Icɛi amanɛ fei na gɛlɛɛi. Do nŋu fei caakaɛ ci ya kɔ̃.

Zeremi 31:26

Si anyiɛ, waati iyi ǹ jĩ hai si iri njoo, ǹ ba wee njoo ku sũm nɔu í ceem didɔ̃.

Ezekiɛli 34:25

An dĩ akabuui laakai ku sũi do mɛɛmu gaam ŋa. An lele mɛɛmu buu ŋaui hai si ilɛu. Do yaase bɛɛbɛ, mɛɛmu gaam ŋa aa ba a wɛɛi do laakai ku sũ si gbaa, nɔ a ya maa sũ si abɛ wua ŋa.