Iri ku kɔ̃ 127:1 - Bibeli do fee

¹ Iri ku kɔ̃i kutɔɔ ku bɔ ku ce. Iriu ihɛ̃ ti Salomɔɔi. Bii Aɔ̃ Lafɛ̃ɛ kù ma kpasɛ̃, inɛ ŋa iyi à waa maa, icɛ ngbɛi à waa ce. Bii kù jɛ Aɔ̃ Lafɛ̃ɛi wa degbe ilu, inɛ ŋa iyi à waa degbeɛ, aa maa wɔ njooi ngbɛ ngbɛ.

Iri ku kɔ̃ 127:1 Iomraidhean Croise

Ilaalu 1, 5:12

Í kpa mɔnda dubu mɛɛta (3.000) nɔ í nya iri ku kɔ̃ dubu do miiu (1.005).

Bomma 1, 28:10

Nsɛi, jɔ̀ i mà iyi Aɔ̃ Lafɛ̃ɛ í cicaɛi ku ba i maa nŋu kpasɛ̃ iyi á jɛ ile kumáu. Dasi gbugbã nɔ i ce icɛu.

Bomma 1, 28:20

Ŋɔi Davidi í sɔ̃ Salomɔɔ amaɛu í ni, jɔ̀ i nɛ gbugbã nɔ i dasi wɔɔkɔ i ce icɛɛ. Maà ce njo nɔ i maà jɔ̀ idɔɛ ku dede, domi Aɔ̃ Lafɛ̃ɛm á wɛɛ do awɔ. Kaa kɔ̀siɛ pai, nɔ kaa fũsiɛ awɔ hee icɛi kpasɛ̃ɛu koo tãò.

Bomma 1, 29:19

Mua amam Salomɔɔ lasabu jiida iyi á yɔkɔ ku jirimaò ikɔ ŋa iyi ì jilɛ, do woodaɛ ŋa, ku ba ku ceò mii ŋau bɛ fei icɛ nɔ ku ma kpasɛ̃ iyi ǹ ce sɔɔluɛu.

Iri ku kɔ̃ 120:1

Iri ku kɔ̃i kutɔɔ ku bɔ ku ce. Waati iyi ǹ wa si inɔ kufɔ, Aɔ̃ Lafɛ̃ɛi ǹ dɔ̃ si anu nɔ í jɛɛm.

Iri ku kɔ̃ 121:1

Iri ku kɔ̃i kutɔɔ ku bɔ ku ce. Ǹ wu ijum ŋai ikpa antaii iri kuta ŋa. Hai do ikpa iwoi faabam á naa.

Iri ku kɔ̃ 122:1

Iri ku kɔ̃i kutɔɔ ku bɔ ku ce. Iriu ihɛ̃ ti Davidii. Inɔ didɔ̃i í ya jɛɛm, waati iyi à ni, ka bɔ kpasɛ̃i Aɔ̃ Lafɛ̃ɛ.

Iri ku kɔ̃ 123:1

Iri ku kɔ̃i kutɔɔ ku bɔ ku ce. Aɔ̃ Lafɛ̃ɛ, ǹ wu iju lele ikpa bi tɛɛ, awɔ iyi ì waa buba lelei Aɔ̃.

Iri ku kɔ̃ 124:1

Iri ku kɔ̃i kutɔɔ ku bɔ ku ce. Iriu ihɛ̃ ti Davidii. Bii Aɔ̃ Lafɛ̃ɛ kù wɛɛ do awa wo, Izirɛli ku fɔ ku sisi,

Iri ku kɔ̃ 125:1

Iri ku kɔ̃i kutɔɔ ku bɔ ku ce. Inɛ ŋa iyi à dasi Aɔ̃ Lafɛ̃ɛ naanɛ, à yɛi bɛi iri kutai Siɔ̃ɔ iyi ci ya yaga. Á maa leekĩi hee do ajɔ fei.

Iri ku kɔ̃ 126:1

Iri ku kɔ̃i kutɔɔ ku bɔ ku ce. Waati iyi Aɔ̃ Lafɛ̃ɛ í teese wa jilɛ Siɔ̃ɔ bɛi í tako í wɛɛ, wa yɛ nwai bɛi inɛ ŋa iyi à waa ce ala.

Iri ku kɔ̃ 72:1

Iriu ihɛ̃ ti Salomɔɔi. Ilaaɔ̃, muaa ilaaluu bisi iyi á ya ceò kiiti ŋa. Jɔ̀ dee dee ku jɛɛ ku wa siɛ,

Iri ku kɔ̃ 78:69

Si iri kutau bɛi í ma bi kuwa kumáɛ í nɛ gbugbã bɛi lele do ilɛ, iyi í ce do ajɔ fei.

Mɔnda ŋa 16:9

Amanɛi í ya jilɛ mii iyi á ce, amma Aɔ̃ Lafɛ̃ɛi í ya coo.

Woo lasabu 9:11

Mii ŋa iyi ǹ yɛ si andunya ihɛ̃ wee má. Kù jɛ waati kãma feii inɛ ŋa iyi à gbãa à re à ya tako à sɛi à to si gaasai are, nɔ kù jɛ ilu wɔɔkɔ ŋai à ya jɛ igũ. Kù jɛ waati kãma feii ilu bisi ŋa à ya ba fiai icɛ nŋa iyi aa maa wɛɛò, nɔ kù jɛ ilu laakai ŋai à ya jɛ ilu amani. Kù nɔ kù jɛ woo nɛ kumà ŋai inɛ ŋa à ya mà bɛɛrɛ nŋa. Waati si bii inɛ í wa do tengi bii í wa fei, laalɔ walakɔ jiida á yɔkɔ ku baa.

Iri ku kɔ̃ iyi í dɔ̃ í re 3:3

Amma ǹ ko woo degbe ŋa iyi à ya maa kaako iluu. Ŋɔi ǹ bee ŋa ǹ ni, i kù yɛɛm inɛ iyi ǹ biu ŋa?

Iri ku kɔ̃ iyi í dɔ̃ í re 5:7

Ŋɔi ǹ ko woo degbe ŋa iyi à waa kaako iluu, nɔ à cãm, à mɛɛm, à gba fuugɛsɛm.

Ezai 27:3

Amu Aɔ̃ Lafɛ̃ɛi ǹ jɛ woo degbeɛ. Ǹ ya n maa n muaa inyii waati kãma fei. Dasãò idũ, ǹ ya n maa n degbeɛi ku ba a maà cea mii laalɔ gɔ.

Ezai 56:10

Inɛ ŋa iyi à jɛ woo degbe ilui Izirɛli ŋau fei fɛɛju ŋai, a kù mà nkãma. Aŋa fei aja dekĩ ŋai, a kaa yɔkɔ a gbongboo. À ya sũi a maa laalaò nɔ à ya bi idei njoo ku sũ.

Ezai 62:6

Zeruzalɛmu, ǹ jilɛ woo degbe ŋa si antaii bindiɛ ŋau. Nɔ dasã do idũ, a kù nɛ a ya coko pai. Iŋɛ iyi ì waa kpe Aɔ̃ Lafɛ̃ɛ, ì waa yoo gigii Zeruzalɛmu, i kù nɛ i ya sĩmi ŋa.

Zeremi 51:12

Ŋɔi Aɔ̃ Lafɛ̃ɛ í ni, i gũ nyindai igũ ku gbe si bindii inɛi Babilɔni ŋau ŋa. Nɔ inɛ ŋa iyi à jɛ woo degbe ŋau, i kɔ̃ɔsi akpɔ nŋa ŋa. I jilɛ inɛ ŋa iyi aa maa cɔ mà inɛ ŋa à waa naa ŋa. I jilɛ woo kɛɛma inɛ ŋa ŋa. Do yaase bɛɛbɛi Aɔ̃ Lafɛ̃ɛ á kɔ̃ò mii iyi í dasi idɔ iyi í fɔ í ni nŋu á cea inɛi Babilɔni ŋau.

Zeremi 51:31

Ŋɔi woo bɛ ŋa, hee do woo kooò laabaau ŋau fei, à ya kooi a maa jɔ̀a njɛ akã akã ku ba a koo a sɔ̃ ilaalui Babilɔni baauu a ni à gba iluɛu fei mam mam hai kɔɔ ihɛ̃ hee ku bɔ kɔɔ ihɔ̃.

Kɔrɛnti 1, 15:14

Nɔ bii Kirisi kù jĩ, waazo nwa ngbɛi, nɔ naanɛ ku dasi nŋɛ mɔ ngbɛi.

Kɔrɛnti 1, 3:7

Na nŋu, inɛ iyi wa gbɛ̃ do inɛ iyi wa fãsi inyi a kù jɛ ngɔgɔ, bii kù jɛ Ilaaɔ̃ iyi í jɔ̀ wa la.

Galati 4:11

Nsɛi ǹ wa n ce njo icɛ iyi ǹ ce si gãmɛ nŋɛ ku maà ce nfe.

Wooda ku kɔsi 8:18

I ya ye gigi ŋa iyi Aɔ̃ Lafɛ̃ɛ nŋɛi í mu nŋɛ gbugbã ì bɛi ì baò amani ŋau bɛ ŋa. Nɔ do yaase bɛɛbɛi í nyi í sìsí wa nyisiò ntɔi akabuu iyi í dĩ do bala nŋɛ ŋau.

Zozue 2:2

Ŋɔi inɛ gɔ í koo í sɔ̃ ilaalui Zeriko í ni, wee inɛi Izirɛli gɔ ŋa à naa inɔ ilu ihɛ̃ idũuyi a ba a mà yaasei ilɛ nwau.