Iri ku kɔ̃ 12:3 - Bibeli do fee

³ Inɛ ŋa à ya maa sɔ irii njɛi nɔ à maa sɔa njɛ ibo. Idɔ nŋa kù jɛ dee dee.

Iri ku kɔ̃ 12:3 Iomraidhean Croise

Zɔɔbu 32:22

N kù mà amanɛ ku lɛlɛ, nɔ baa bii í jɛ ǹ wa n cooi wo, Ilaaɔ̃ woo takam á kpam ku kpɛ.

Iri ku kɔ̃ 116:11

Si bitim, ǹ fɔ ǹ ni, amanɛ fei ilu iboi.

Iri ku kɔ̃ 140:12

Maà jɔ̀ woo fɔ laalɔi inɛ mmu ŋa a ba gbugbã si ilɛu, jɔ̀ laalɔ ku maa too woo taa inɛ ŋa gbugbã ŋau hee koo ce nfe nŋa.

Iri ku kɔ̃ 17:10

Inɔ nŋa í kã, a kù nɛ araare. À ya maa fɔ idei do faau.

Iri ku kɔ̃ 55:22

Ide didɔ̃i í ya wa si gɛlɛɛ, amma idei igũi í ya wa si idɔɛ. Ideɛ ŋau à dɔ̃ à re baa ikpo, amma à yɛi bɛi taakuba ku kpa inɛ.

Kufita 15:9

Mbɛɛ nwa ŋa à tɔɔ fufu à ni, aa ka da hãmɛ nŋa káa mu ŋa wa. Aa ka yɔ taakuba nwa ka kpa ŋaò, nɔ ka ko amani nŋa ka kpɔ̃ɔ inɛ fei ku ba bɛi í bi.

Mɔnda ŋa 18:21

Ide á yɔkɔ ku jɔ̀ amanɛ ku faaba inɛ walakɔ ku kpaa. Ilu ide nkpɔ á yɛ isoi ndɛɛ.

Mɔnda ŋa 26:24

Do gɛlɛ didɔ̃i inɛ iyi í cé kpaasi í ya singa muafiti iyi í waa si inɔ.

Ezai 10:10

Yaase bɛi ǹ kãmia bomma ŋa do gbugbãm, aŋa iyi à waa tɔɔ iwɛ̃ ŋa iyi kukpɔ nŋa í re ti Zeruzalɛmu do ti Samari,

Ezai 59:4

Ide ŋa iyi ì ya bɔò ile bi ku ce kiiti ŋa ci ya jɛ dee dee. Inɛ kãma nŋɛ gɔ ci ya bɔ bi ku ce kiiti do ide iyi wa too kpãa. Si inya ngbɛi naanɛ nŋɛ í ya wa, nɔ ide ku fɔ nŋɛ ŋa kãma ci ya nɛ icu. Lasabu nŋɛ si inɛ ŋa ku kpã ijui í ya wa, nɔ iri ku kpaɛ, laalɔi í ya na ku bí.

Zeremi 12:6

Ntɔ ntɔ, inɛɛ ŋa taka nŋa mɔ, do inɛi kpasɛ̃i baaɛ ŋa à waa zambaɛ. Aŋa taka nŋa à waa dɔ̃ anu si fitiɛ wa ntɔ ntɔ. Maà dasi naanɛ baa bii à waa sɔ̃ɛ ide didɔ̃ ŋa.

Zeremi 9:8

Amu Aɔ̃ Lafɛ̃ɛ, n kù nɛ n kpã kookoosu ŋau bɛ iju de. N kaa n baò inɛi ilɛ dimiɛ ŋa ija de.

Ezekiɛli 28:2

awɔ amanɛ, sɔ̃ ilaalui Tii i ni amu Aɔ̃ Lafɛ̃ɛ ǹ ni, ì so araɛ lele ì ni awɔ Ilaaɔ̃i nɔ ì ni si aninii tenkui ì koo ì wa, ì waa ce araɛ saai Ilaaɔ̃, do nŋu fei, awɔ amanɛi i kù jɛ Ilaaɔ̃.

Ezekiɛli 28:9

Waati iyi aa naa ku kpaɛ, aa jɛ i ni awɔ Ilaaɔ̃i? Aawo, awɔ amanɛi. I kù jɛ Ilaaɔ̃ si awɔi inɛ ŋa iyi à waa kpaɛ.

Ezekiɛli 29:3

Aa sɔ̃ɔi i ni amu Aɔ̃ Lafɛ̃ɛ ǹ ni an naa si nŋu Faraɔ̃ ilaalui Ezibitiu, nŋu iyi í yɛi bɛi annyɛi nla nɔ wa sũ si aninii ido nlai Niliu nɔ wa ni idoi Niliu nŋui í nɔɔ, domi nŋui í coo.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Daniɛli 7:8

Ŋɔi ǹ wa n cɔ ngo ŋau, nɔ ǹ ba wee gɔgɔ iyi í kere í re ŋa í fita wa má, nɔ ngo mɛɛta sinte ŋa iyi à wa bɛ ŋau à tu. Nɔ ngou í nɛ iju ŋa bɛi amanɛ, nɔ í nɛ gɛlɛ iyi wa fɔò idei faau ŋa.

Malasi 3:13

Aɔ̃ Lafɛ̃ɛ í ni, ide ŋa iyi ì waa fɔ na irim ŋa kù sĩa. Nɔ ì beem ì waa ni ŋa ide laalɔ yoomai ì waa fɔ na irim ŋa.

Piɛɛ 2, 2:18

À waa fɔ idei fufu ku tɔɔ iyi kù nɛ iri. À waa fa inɛ gɔ ŋa do binɛ ikã ikãi mii iyi lafɛ̃ɛ ŋa à nɛ si idɔ nŋa ŋa ku ba a mu ŋa do taa. Inɛ ŋau, do wahalai à ba à gbã wa hai bi inɛ ŋa iyi à wa si kurarau.

Zudu 1:16

Inɛ ŋau, à ya maa gbagbai, nɔ nkãma kù wɛɛ iyi í ya sĩa nŋa si, binɛ nŋai wa cua nŋa. À ya maa tɔɔ fufui nɔ à ya maa lɛlɛ inɛ ŋai do ide didɔ̃ ku ba a ba mii ndii lafɛ̃ɛ ŋa.

Kuyɛi Zãa 13:5

Mɛɛmuu í nɛ kpãa ku tɔɔò fufu nɔ ku bu Ilaaɔ̃, nɔ í nɛ yiiko ku ceò gbugbãɛ icɛ cukpa ciiji do minji.

Samuɛli 1, 2:3

Inɛ ŋa a maà fɔ ide do faau má. Idei fufu ku tɔɔ ku maà fita hai si gɛlɛ nŋa, domi awɔ Aɔ̃ Lafɛ̃ɛ ì jɛ Ilaaɔ̃ iyi í mà mii fei, awɔi aa kiiti kucei amanɛ ŋa fei.