Iri ku kɔ̃ 112:3 - Bibeli do fee

³ Amani do kuwɛɛ didɔ̃i í ya wa si kpasɛ̃ɛ, nɔ Ilaaɔ̃ í ya jɔ̀ ntɔ ku maa wɛɛai hee do ajɔ fei.

Iri ku kɔ̃ 112:3 Iomraidhean Croise

Zɔɔbu 5:24

Waati bɛɛbɛi aa yɛ iyi laakai ku sũ í wa kpasɛ̃ɛ, aa ya koo i kaako gaaɛ ŋa, nɔ nkãma kaa ya gaiziaɛ.

Iri ku kɔ̃ 111:10

Bii ì bi i nɛ laakai, jɔ̀ i mà bɛɛrɛi Aɔ̃ Lafɛ̃ɛ titã. Inɛ ŋa iyi à waa jirimaɛ fei, à ya nɛ laakai jiidai. Bɛɛrɛi Aɔ̃ Lafɛ̃ɛ á maa wɛɛi hee do ajɔ fei.

Iri ku kɔ̃ 111:3

Icɛɛ í mái nɔ í nɛ amboe. Dee dee ku jɛɛ í ya maa wɛɛi do ajɔ fei.

Iri ku kɔ̃ 112:9

Í ya cea ilu are ŋa amua do inɔ akã, nɔ Ilaaɔ̃ í ya jɔ̀ ntɔ ku maa wɛɛai hee do ajɔ fei. Gbugbãɛ do bɛɛrɛɛ í ya maa kɔ̃ɔsii.

Iri ku kɔ̃ 34:10

Iŋɛ iyi ì jɛ inɛi Aɔ̃ Lafɛ̃ɛ ŋa, i jirimaɛ ŋa domi nkãma ci ya gaizia bi inɛ ŋa iyi à waa jirimaɛ.

Iri ku kɔ̃ 34:11

Ilu gbugbã ŋa à ya kua mii ŋa nɔ ari ku kpa ŋa. Amma inɛ ŋa iyi à mà bɛɛrɛi Aɔ̃ Lafɛ̃ɛ, a ci ya kua mii jiida kãma.

Mɔnda ŋa 15:6

Amani nla nlai í ya wa inɔ kpasɛ̃i inɛ dee dee, amma amanii ilu inɔ kukã í ya naaò bitandi ŋa wai.

Mɔnda ŋa 21:20

Amani jiida ŋa do ikpo í ya wa kpasɛ̃i ilu bisi, amma nnyɛi í ya jɛ titɛɛ ku bɛjɛɛi fei.

Mɔnda ŋa 3:16

Hunde sisɔ í wa si awɔ njɛɛ, amani do amboe mɔ à wa si awɔ cangaɛ.

Ezai 32:17

Mii iyi dee dee ku jɛu á naaò wai í jɛ laakai ku sũ. Nɔ dee dee ku jɛui á naaò kusĩmi wa do laakai ku sũ hee do ajɔ fei.

Ezai 33:6

Awɔ inɛi Aɔ̃ Lafɛ̃ɛ, aa jɛ kuwɛɛi do laakai ku sũ. Inɛ ku jɛ ilu laakai nɔ ku nɛ kumài Aɔ̃ Lafɛ̃ɛi á jɔ̀ ku ba faaba, nɔ í yɛ bɛi lafɛ̃ɛ í jɛ ilu amani mbɛ. Bɛɛrɛi Aɔ̃ Lafɛ̃ɛ ku mài í jɛ amaniɛ.

Ezai 51:8

Ntɔ ntɔ inɛ bɛ ŋa, tũtũ ŋa aa jɛ ŋai bɛi à ya jɛ ibɔ ŋa do jĩnɛ ŋa iyi à ya ce do ntoi angudã ŋau. Amma dee dee ku jɛm á maa wɛɛi hee do ajɔ fei, nɔ faabam á maa wai si tɔku tɔku ŋa.

Matie 6:33

Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í gbe bɛi fei Ilaaɔ̃i á kɔ̃ɔ nŋɛ si.

Kɔrɛnti 2, 6:10

À waa cɔ wa bɛi ilu inɔ kufɔ ŋa, amma à ya ka maa nɛ inɔ didɔ̃i waati kãma fei. À waa cɔ wa bɛi ilu are ŋa, amma à waa mua inɛ nkpɔ amani. À waa cɔ wa bɛi a kù nɛ ngɔgɔ, amma à nɛ fei ndɛɛ.