Iri ku kɔ̃ 112:1 - Bibeli do fee

¹ I saabu Aɔ̃ Lafɛ̃ɛ ŋa. Ilu inɔ didɔ̃i inɛ iyi í mà bɛɛrɛi Aɔ̃ Lafɛ̃ɛ, nɔ í bi woodaɛ ŋa.

Iri ku kɔ̃ 112:1 Iomraidhean Croise

Ilaalu 1, 18:3

Nɔ Akabu í ni a koo a kpe Abudiasi inɛ ngboi kpasɛ̃ɛu wa. Wee Abudiasi wa jirima Aɔ̃ Lafɛ̃ɛi ntɔ ntɔ.

Iri ku kɔ̃ 111:1

I saabu Aɔ̃ Lafɛ̃ɛ ŋa. An maa n cĩ Aɔ̃ Lafɛ̃ɛi do idɔm fei tengi bii inɛ dee dee ŋa à tɔtɔɔ.

Iri ku kɔ̃ 111:10

Bii ì bi i nɛ laakai, jɔ̀ i mà bɛɛrɛi Aɔ̃ Lafɛ̃ɛ titã. Inɛ ŋa iyi à waa jirimaɛ fei, à ya nɛ laakai jiidai. Bɛɛrɛi Aɔ̃ Lafɛ̃ɛ á maa wɛɛi hee do ajɔ fei.

Iri ku kɔ̃ 119:14

Ideɛ ŋa ku too í ya jɔ̀ n nɛ inɔ didɔ̃i bɛi inɛ iyi í nɛ amani nla nla.

Iri ku kɔ̃ 119:143

Inɔ kufɔ do zigiida à naa sim ntɔ ntɔ, amma woodaɛ ŋai à jɔ̀ ǹ nɛ inɔ didɔ̃.

Iri ku kɔ̃ 119:16

Ǹ ya n nɛ inɔ didɔ̃i si kukɔɛ ŋa ku jirima. N kaa n gbɛjɛ ideɛ.

Iri ku kɔ̃ 119:35

Jɔ̀ n maa n nɛ si kpãai woodaɛ ŋa, domi si bɛi an ba inɔ didɔ̃.

Iri ku kɔ̃ 119:97

Ǹ nɛ kubii woodaɛ ŋa ntɔ ntɔ. Ǹ ya n maa n lasabu sii ajɔ fei.

Iri ku kɔ̃ 128:1

Iri ku kɔ̃i kutɔɔ ku bɔ ku ce. Ilu inɔ didɔ̃ ŋai inɛ ŋa iyi à mà bɛɛrɛi Aɔ̃ Lafɛ̃ɛ fei nɔ à waa too kpãaɛ ŋa.

Iri ku kɔ̃ 145:19

aŋa iyi à mà bɛɛrɛɛ, mii iyi à bi ì ya cooi. Ì ya gbɔ anu ku dɔ̃ nŋai nɔ i faaba ŋa.

Iri ku kɔ̃ 147:1

I saabu Aɔ̃ Lafɛ̃ɛ ŋa. Bii à kɔ̃ iri à waa saabu Ilaaɔ̃ Lafɛ̃ɛ, mii jiidai. Bii à waa cũu, í sĩa.

Iri ku kɔ̃ 150:1

I saabu Aɔ̃ Lafɛ̃ɛ ŋa. I saabu Aɔ̃ Lafɛ̃ɛ ŋa si kpasɛ̃ kumáɛ. I saabu Aɔ̃ Lafɛ̃ɛ ŋa tengi bii à waa yɛ gbugbãɛ fei.

Iri ku kɔ̃ 40:8

Na ŋɔi í jɔ̀ ǹ ni, amu wee ǹ wa n naa bi tɛɛ. Si tia iyi à káu ǹ yɛ à kɔ mii iyi ǹ nɛ ku ce.

Kufita 1:21

nɔ í jɔ̀ aŋa mɔ à bi amu ŋa, si na iyi í jɔ̀ à waa jirimaɛ.

Woo lasabu 8:12

Á yɔkɔ ku jɛ inɛ laalɔ í ce dulum fii cĩɔ nɔ kuwɛɛɛ í mɔsi wa koo. Do nŋu fei ǹ mà kãm kãm iyi inɛ ŋa iyi à mà bɛɛrɛi Ilaaɔ̃ aŋai aa wɛɛò inɔ didɔ̃ si na iyi í jɔ̀ à waa jirimaɛ.

Ezai 50:10

Bii inɛ gɔ si inɔ nŋɛ í mà bɛɛrɛi Aɔ̃ Lafɛ̃ɛ, ku sotĩ ku gbɔ idei woo ce icɛɛ. Inɛ iyi wa nɛ si ilu kuku nɔ inya kumá wa gaiziaɛ, ku dasi Aɔ̃ Lafɛ̃ɛ naanɛ nɔ ku jɔ̀ gbugbãɛ ku wa si Aɔ̃ Lafɛ̃ɛɛu.

Luku 1:50

Í ya ce araarei inɛ ŋa iyi à waa jirimaɛ hee do ajɔ fei.

Romu 7:22

Si idɔm woodai Ilaaɔ̃ ku jirima í dɔ̃,

Romu 8:6

Inɛ ŋa iyi lasabu nŋa fei í wa si idɔɔbii ara, ikui á jɛ iri ku kpa nŋa. Amma inɛ ŋa iyi lasabu nŋa í wa si mii iyi Hundei Ilaaɔ̃ í bi, lafɛ̃ɛ ŋa aa ba kuwɛɛ do laakai ku sũ.

Wooda ku kɔsi 28:3

Á weea inɛ nŋɛ ŋa iyi à wa si ilu nla ŋa do inɛ nŋɛ ŋa iyi à wa si ilɛɛko ŋa.