Iri ku kɔ̃ 109:3 - Bibeli do fee

³ À kaakom nii bii fei do idei inɛ ku cé. Nɔ à waa ce ija do amu ngbɛ ngbɛ.

Iri ku kɔ̃ 109:3 Iomraidhean Croise

Samuɛli 2, 15:12

Waati iyi Abusalɔmu wa ce kuwee ŋau, ŋɔi í bɛ inɛ gɔ koo kpe Ahitofɛli woo kɔ Davidiu wa hai Gilo. Ŋɔi inɛ ŋa iyi aŋaò ŋa à waa ce sɔɔlui zambau à waa ba gbugbã nɔ à kpɔ à wasi ku kɔ̃ɔsi.

Iri ku kɔ̃ 17:11

Inɛ ŋau wee à waa too akpam wa, nɔ à kaakom mɔm tã, à waa dɛdɛ waati iyi aa ba a nyɔm ilɛ.

Iri ku kɔ̃ 22:12

Maà jĩim waati iyi wahala í maai sim wa, waati iyi inɛ kãma kaa yɔkɔ ku sobim.

Iri ku kɔ̃ 35:19

Maà jɔ̀ inɛ ŋa iyi a kù nɛ a jɛ mbɛɛm ŋa a yɛ taalem a nɛ inɔ didɔ̃ sim. Inɛ ŋa iyi à cém ngbɛ ngbɛ, jɔ̀ a leekĩ do gɔ̃gɔ̃ ku dam.

Iri ku kɔ̃ 35:20

A ci ya fɔ idei laakai ku sũ ajɔ kãma, idei zambai í ya wɛɛ nŋa si gãmɛi inɛ sɛ̃ɛi ilɛ ŋau.

Iri ku kɔ̃ 35:7

Si ngbɛ ngbɛi à tu lumbu à léem taa, nɔ si ngbɛ ngbɛi à tuu ku ba a nya hundem.

Iri ku kɔ̃ 69:4

Ǹ dɔ̃ anu ǹ gbɛɛji, gbangɔlɔm í gbɛ. Ilaaɔ̃ Lafɛ̃ɛm, ijum ŋa à gbɛɛji do kpãaɛ ku cɔ.

Iri ku kɔ̃ 88:17

Inai idɔɔkɔ̃ɛ í cuku sim wa, nɔ zigiida í dasim ku coko.

Samuɛli 1, 26:18

Bɛirei í ce ì waa lelem, amu woo ce icɛɛ. Taale yoomai ǹ ce, mà daa yoomai ǹ ceɛ.