Iri ku kɔ̃ 102:16 - Bibeli do fee

¹⁶ Si bɛɛbɛi dimi ŋa aa jirima Aɔ̃ Lafɛ̃ɛ, nɔ ilaalui andunya ŋa fei, aa mà bɛɛrɛɛ.

Iri ku kɔ̃ 102:16 Iomraidhean Croise

Iri ku kɔ̃ 147:2

Aɔ̃ Lafɛ̃ɛi í teese wa ma Zeruzalɛmu. Nŋui í tɔtɔɔ inɛi Izirɛli ŋa iyi à mu aru ŋau wa.

Iri ku kɔ̃ 51:18

I kù bi kuwee ŋa. Bii ì bi wo, an naaɛ wa. Baa kuwee ŋa iyi à jo si ina fei sãa sãa i kù bi.

Iri ku kɔ̃ 69:35

Lele do ilɛ, do tenku ŋa, do mii iyi wa mi fei, i cĩ Aɔ̃ Lafɛ̃ɛ ŋa.

Iri ku kɔ̃ 97:6

Lele wa sisi dee dee ku jɛɛ, nɔ dimi ŋa fei à waa yɛ amboeɛ.

Ezai 14:26

Ide iyi Aɔ̃ Lafɛ̃ɛ í jilɛ mbɛ na irii andunyau fei. Idei ijuukpã iyi í fɔ mbɛ si gãmɛi inɛi ilɛ mmu ŋau fei.

Ezai 59:19

Waati bɛɛbɛ, hai inɛ ŋa iyi à wa nunui daakɔ hee ku bɔ nunui alɛ fei, aa mà bɛɛrɛi Aɔ̃ Lafɛ̃ɛ do amboeɛ. Waati iyi mbɛɛ á maa naa bɛi inyii ido nla nla fei, fufui amii Aɔ̃ Lafɛ̃ɛi á ya jɔ̀ ku sa.

Ezai 60:3

Inɛi andunya ŋa aa nɛ a naa si inya kumáɛu, nɔ inya kumáɛu á fà ilaalu ŋa mɔ wa.

Ezai 60:7

Mɛɛmu gaai Kedaa ŋau fei sãa sãa, aa tɔtɔɔ wai bi titɛɛ bɛ. Angudã komboi Nebayɔti ŋai aa jɛ ti ku ce wũaɛ. Angudã nŋu ŋai aa ceem do kuwee iyi à ya jo si ina fei sãa sãa si antaii bii à ya ceem kuweeu nɔ á dɔ̃ɔm si. Do yaase bɛɛbɛ, an jɔ̀ kpasɛ̃m ku nɛ bɛɛrɛi nɔ ku maa daana.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Ezai 66:18

Ŋɔi Aɔ̃ Lafɛ̃ɛ í ni má, amu ǹ mà kuce nŋa do lasabu nŋa. Waati í to mbɛ bɛi bii an tɔtɔɔ inɛi ilɛ ŋa fei do fee ŋa fei. Aa naa, nɔ aa yɛ amboem.

Zeremi 31:4

Izirɛli, an nyi n teese n jilɛɛ má. Aa so bata kusĩaɛ ŋai nɔ i fita i koo i jojo do inɛ ŋa iyi à wɛɛò inɔ didɔ̃.

Zeremi 33:7

An baaò inɛi Zudaa do inɛi Izirɛli ŋau fei wai, nɔ n jɔ̀ a baa a wɛɛ bɛi à tako à wɛɛ wo.

Misee 2:9

Aboi inɛm ŋa, ì lele ŋa ŋa hai si kpasɛ̃ iyi à biu. Nɔ ì nya bɛɛrɛi ama nŋa ŋau hee do ajɔ fei ŋa.

Malasi 1:14

Ikpei á jɛ ti inɛ laalɔ iyi í nɛ mɛɛmu akɔ iyi wa nɛ baani nɔ í mu iyi kù waa nɛ baani wa ceem do kuwee. Amu Aɔ̃ Lafɛ̃ɛi lele do ilɛ, ilaalu nla nlai ǹ jɛ nɔ inɛi andunya ŋa fei à mà bɛɛrɛm.