Iri ku kɔ̃ 102:1 - Bibeli do fee

¹ Kutɔɔi ilu inɔ kufɔ gɔ iyi í kua gbugbã nɔ í koo wa weewea bi Aɔ̃ Lafɛ̃ɛ.

Iri ku kɔ̃ 102:1 Iomraidhean Croise

Bomma 2, 30:27

Ŋɔi woo wee ŋau do inɛi Levii ŋau à dede nɔ à weea zamaau. Nɔ Aɔ̃ Lafɛ̃ɛ í gbɔ kutɔɔ nŋa, domi kutɔɔu í to siɛ hee lele bi kuwa kumáɛu.

Iri ku kɔ̃ 12:5

Inɛ ŋau à fɔ à waa ni, na saabui gɛlɛ nwai à nɛ gbugbã nɔ à mà ide ku fɔ nɔ a kù waa ce njoi inɛ kãma.

Iri ku kɔ̃ 143:4

Ǹ kua gbugbã ntɔ ntɔ, inɔm í fɔ gbãna gbãna.

Iri ku kɔ̃ 143:7

Aɔ̃ Lafɛ̃ɛ, n kaa n yɔkɔ mái. Jɛɛm wa, maà kpɛ. Maà singaam wajuɛ, ku ba n maà n yɛ bɛi inɛ ŋa iyi à waa bɔ bi kuwai iku ŋa.

Iri ku kɔ̃ 145:19

aŋa iyi à mà bɛɛrɛɛ, mii iyi à bi ì ya cooi. Ì ya gbɔ anu ku dɔ̃ nŋai nɔ i faaba ŋa.

Iri ku kɔ̃ 18:6

Ǹ ce amɛɛ do bi kuwai iku ŋa tã. Iku í zambam bɛi yɛi iyi í dasi taa.

Iri ku kɔ̃ 39:12

Ì ya kpã amanɛ ijui na kuraraɛ ŋa. Mii jiida iyi amanɛ í bi ì ya bɛjɛɛi bɛi tũtũ. Ntɔ ntɔ, kuwɛɛi inɛ baa yooma fei í yɛi bɛi fufu. Kusĩmi.

Iri ku kɔ̃ 42:4

Idũ do dasã, cikãajui í ya jɛ sɔndam, domi inɛ ŋa à ya beem a maa ni hee iwoi Ilaaɔ̃ Lafɛ̃ɛm nɔu í wa.

Iri ku kɔ̃ 5:2

Aɔ̃ Lafɛ̃ɛ, de itĩ si idem ŋau, nɔ i gbɔ kukpatam.

Iri ku kɔ̃ 61:2

Ilaaɔ̃, gbɔ anu ku dɔ̃m nɔ i de itĩ si kutɔɔm.

Iri ku kɔ̃ 62:8

Si Ilaaɔ̃i faabam do bɛɛrɛm í wa, nŋui í jɛ kuta ku nɛ gbugbãm. Ilaaɔ̃i í jɛ bi ku manjim.

Iri ku kɔ̃ 77:3

Waati iyi ǹ wa si inɔ kufɔ, ǹ ya n dɛdɛ Aɔ̃ Lafɛ̃ɛi. Idũ ǹ ya n to awɔm bi tɛɛi nɔ n ci ya n gbɛɛji. Ǹ ya n kɔ̀ ku gbɔ kulɛlɛ.

Kufita 2:23

Ajɔ wa koo ajɔ wa baa nɔ ilaalui Ezibitiu í na í ku. Waati bɛɛbɛ inɛi Izirɛli ŋa à wasi ku weewea à waa dɔ̃ anu na aru ku jɛ nŋa. Anu ku dɔ̃ nŋau wa bɔ hee lelei Aɔ̃.

Kukpata 3:44

Ì bii araɛ do kudũi ijĩ, ku ba kutɔɔ nwa ŋa a maà to wa bi titɛɛ.

Kukpata 3:8

Waati iyi ǹ dɔ̃ siɛ anu ǹ tɔɔɛ sobi, kù de sim itĩ hee ku gbɔ kutɔɔm.

Luku 22:44

Si inɔ kufɔ nla nlau wa ce kutɔɔui do gbugbã, nɔ í da koko hee wa tontoo ilɛ. Koko iyi í dau í yɛi bɛi njɛ.]

Ebɛɛ 5:7

Si waati iyi Jesu í wa si andunya í ya ce kutɔɔ do anu ku dɔ̃ nla nla do cikãaju. Í tɔɔ sobii Ilaaɔ̃, nŋu iyi á yɔkɔ ku nyaa hai si awɔi iku, nɔ í gbɔaa si na iyi í jɔ̀ í sũaa iri ilɛ.

Woo kiiti ŋa 10:16

Ŋɔi à fũsi iwɛ̃ ŋa iyi à waa tɔɔ ŋau fei awɔ, à sinda à waa tɔɔ Aɔ̃ Lafɛ̃ɛ. Nɔ Aɔ̃ Lafɛ̃ɛ kù jɔ̀ a kù kpɛ si wahalau.

Samuɛli 1, 9:16

ala si awaati bɛ ihɛ̃ má an jɔ̀ i ko inɛi dimii Bɛnzamɛɛ gɔ. Tontooaa ikpo si iri i nyaa ikã domi nŋui á jɛ ilaalui inɛi Izirɛli ŋau. An jɔ̀ ku faaba inɛm ŋa hai si awɔi inɛi Filisi ŋa, domi ǹ ce araare nŋa si na iyi í jɔ̀ anu ku dɔ̃ nŋa í to wa hee bi tom.