Iri ku kɔ̃ 101:6 - Bibeli do fee

⁶ Ijum á maa wai si inɛ ŋa iyi à jɛ ilu naanɛ ŋa si ilɛu, ku ba a maa wa kɔkɔm. Inɛ iyi wa nɛ si dee dee ku jɛ, lafɛ̃ɛi á jɛ woo ce icɛm.

Iri ku kɔ̃ 101:6 Iomraidhean Croise

Iri ku kɔ̃ 119:63

Inɛ ŋa iyi à mà bɛɛrɛɛ ŋa, do inɛ ŋa iyi à waa jirima woodaɛ ŋa, inɛ akã nŋai ǹ jɛ.

Iri ku kɔ̃ 15:4

Í ya kɔ̀si woo yaako inɛ ŋa, í ya mà bɛɛrɛi inɛ ŋa iyi à waa jirima Aɔ̃ Lafɛ̃ɛ. Ci ya ce kuwã iyi kù kɔ̃ɔ.

Iri ku kɔ̃ 34:15

Lafɛ̃ɛ ku ya maa ce jiida, ku jɔ̀ laalɔ ku jĩiɛ, nɔ ku ya maa dɛdɛ laakai ku sũ.

Mɔnda ŋa 28:28

Bii inɛ laalɔ ŋai à waa bɔ waju inɛ fei í ya sa ku manjii, amma bii à cuku inɛ dee dee ŋai à ya kpɔ à kɔ̃ɔsi.

Mɔnda ŋa 29:2

Bii inɛ dee dee ŋa à waa mu ilɛu inɔi zamaau í ya maa dɔ̃i, amma bii inɛ laalɔ ŋai à waa muu, zamaau í ya maa dɔ̃ anui.

Kuwee 14:42

Si anyiɛ aa dɛ kuta mmuɛ mái a sãsi agbɛi kuta sinte ŋau nɔ a fɔ pɔkɔdɔ mmuɛ a teese a tɔɔkɔò ileu.

Matie 24:45

Í sɔ̃ ŋa má í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Laabaau jiida iyi Zãa í kɔ 12:26

Inɛ iyi í wɛɛ na irim ku toom wa. Nɔ bii ǹ wa, bɛi lafɛ̃ɛ mɔ á wa. Bii inɛ gɔ í wɛɛ na irim, Baam á cea lafɛ̃ɛ bɛɛrɛ.

Laabaau jiida iyi Zãa í kɔ 14:3

Bii ǹ koo ǹ ce nŋɛ bi kuwa ǹ tã an nyi wa má, n naa n gbã ŋɛ n bɔò ŋɛ bi tom ku ba iŋɛ mɔ i wa bii ǹ wa.

Laabaau jiida iyi Zãa í kɔ 17:24

Baaba, ǹ bi inɛ ŋa iyi ì nam a maa wa bi tom bii an wa, ku ba a yɛ amboem, amboe iyi ì muum. Ì muum amboeui si na iyi í jɔ̀ ì bim hai waati iyi a kù taka andunya.

Kuyɛi Zãa 21:3

Nɔ ǹ gbɔ ide ku fɔ nla gɔ hai bi kitãi bommau í ni, nsɛi bi kuwai Ilaaɔ̃ í wɛɛ do amanɛ ŋa. Ilaaɔ̃ á maa wɛɛ do aŋa, nɔ aa jɛ inɛɛ ŋa. Ilaaɔ̃ takaɛ á wa si anini nŋa.