Iri ku kɔ̃ 101:5 - Bibeli do fee

⁵ Inɛ iyi wa sɔ irii kpaasiɛ si asii, an jɔ̀ ku cokoi. N kaa n wɛɛ do inɛ iyi í donda kpaasiɛ, nɔ í jɛ ilu faau.

Iri ku kɔ̃ 101:5 Iomraidhean Croise

Iri ku kɔ̃ 138:6

Aɔ̃ Lafɛ̃ɛ í wa lele amma wa yɛ inɛ ŋa iyi à kaye ara nŋa. Nɔ ilu faau ŋa, hai jĩijĩ í mà ŋa.

Iri ku kɔ̃ 15:3

Inɛ iyi kù waa nya fũnɛi kpaasiɛ, inɛ iyi kù waa cea kpaasiɛ laalɔ, inɛ iyi kù waa cã anyii kpaasiɛ.

Iri ku kɔ̃ 18:27

Inɛ kumá, ì ya nyisiɛ kumáɛi. Inɛ iyi í nɛ bisi laalɔ ì ya nyisiɛ bisii.

Iri ku kɔ̃ 50:20

Bii ì buba fei inɛ mmu gɔi ì ya maa bu nɔ ì ya maa fɔ laalɔi inɛɛ gɔ.

Kufita 20:16

I maà ya jɛ sɛɛda ibo si gãmɛi inɛ gɔ ŋa.

Kufita 23:1

I maà ya maa sɔ irii inɛ ŋa si ibo. Nɔ i maà ya ceò idei inɛ laalɔ ŋa icɛ i maà jɛò sɛɛda ibo.

Mɔnda ŋa 10:18

Inɛ iyi í cé kpaasi nɔ wa singaa ilu muafitii. Bɛɛbɛ mɔi inɛ iyi wa sɔ irii inɛ ŋa í ce nnyɛii.

Mɔnda ŋa 20:19

Woo sɔ irii amanɛ ci ya singa asii. I ya saa ilu ide nkpɔ.

Mɔnda ŋa 21:4

Ara ku so do inɛ ku dondai í ya nyisi dulum dii inɛ laalɔ ŋa.

Mɔnda ŋa 25:23

Si bɛi fufui awɔ njɛi kpãai inunui í ya naaò ijĩ wa, bɛɛbɛ mɔi ide ku sisi í ya dede idɔɔkɔ̃i inɛ.

Mɔnda ŋa 30:13

Inɛ gɔ ŋa à waa so ara nŋa lele, nɔ à waa cɔ inɛ fei ilɛ ngbɛ.

Ezai 2:11

Waati bɛɛbɛ, inɛ iyi wa cɔ araɛ hee lele, á baaò ijuɛ wa ilɛi. Ilu faau mɔ í nɛ ku gulɛi, domi ajɔ nŋu bɛ, inɛ fei á jɛsi iyi Aɔ̃ Lafɛ̃ɛ nŋu akãi í jɛ inɛ nla.

Ezekiɛli 22:9

Irii inɛ ŋa ku sɔ í ya jɔ̀ a maa kpa inɛ ŋai. À ya maa jɛ sɔndai kuwee ŋai si iri kuta ŋa. À ya maa jɛ kuwɛɛ nŋai si sakara.

Kuwee 19:16

I maà ya sɔ irii njɛ ŋa. I maà ya fɔ taalei kpaasi nŋɛ hee ku to a mu a kpaa. Amui Aɔ̃ Lafɛ̃ɛ.

Luku 18:14

Jesu í ni, ǹ wa n sɔ̃ ŋɛi, hai bɛ inɛɛu ihɛ̃ í baa í jɛ dee dee si wajui Ilaaɔ̃ í nyiò ideɛ. Amma Farisiu kù jɛ dee dee, domi inɛ iyi í so araɛ lele aa kaye lafɛ̃ɛi, inɛ mɔ iyi í kaye araɛ aa soo lelei.

Kɔrɛnti 1, 5:11

Ǹ ni i maà tɔtɔɔ do inɛ iyi wa kpe araɛ woo dasi Jesu naanɛ nɔ wa ce sakara, walakɔ binɛ, walakɔ iwɛ̃ ku tɔɔ, walakɔ inɛ ku bu, walakɔ í ya mɔ atɛ̃ hee ku kpaa, walakɔ í ya takii inɛ ŋa. Iŋɛò inɛ dimi bɛɛbɛ ŋa i maà ya tɔtɔɔ i jɛ ŋa mɔm.

Timɔtee 1, 3:11

Bɛɛbɛ mɔi í sĩa abo nŋa ŋa a jɛ inɛ ŋa iyi à nɛ bɛɛrɛ, nɔ a maà jɛ woo sɔ irii inɛ, amma a jɛ woo gaya ŋa iyi à nɛ naanɛ si mii fei.

Titee 2:3

Sɔ̃ abo ngbo ŋa mɔ a maa jɛ kuwɛɛ nŋa dee dee bɛi í jɔ inɛi Ilaaɔ̃ ŋa à ya ce. A maà jɛ woo sɔ irii inɛ ŋa walakɔ woo mɔ atɛ̃ hee ku kpa ŋa. Í sĩa a ya maa mua abo à so mɔkɔ saatara ŋa bisi jiida

Samuɛli 1, 2:3

Inɛ ŋa a maà fɔ ide do faau má. Idei fufu ku tɔɔ ku maà fita hai si gɛlɛ nŋa, domi awɔ Aɔ̃ Lafɛ̃ɛ ì jɛ Ilaaɔ̃ iyi í mà mii fei, awɔi aa kiiti kucei amanɛ ŋa fei.