Iri ku kɔ̃ 101:4 - Bibeli do fee

⁴ N kù bi n nɛ idɔ iyi kù má. An fa aram n jĩò woo ce laalɔ ŋai.

Iri ku kɔ̃ 101:4 Iomraidhean Croise

Iri ku kɔ̃ 119:115

Iŋɛ woo ce laalɔ ŋa, i jĩim ŋa nɔ n jirima wooda ŋa iyi à jɛ ti Ilaaɔ̃ Lafɛ̃ɛm.

Iri ku kɔ̃ 26:4

N ci ya n buba do inɛ laalɔ ŋa, n ci ya n maa n nɛ do ilu muafiti ŋa.

Iri ku kɔ̃ 26:5

Ǹ cé kutɔtɔɔi woo ce laalɔ ŋa. Nɔ n ci ya n buba do ilu inɔ kukã ŋa.

Iri ku kɔ̃ 6:8

Ijum ŋa à gbɛɛji na inɔ kufɔ. Ijum ŋau à gbɛɛjii na kukpɔi mbɛɛm ŋau.

Mɔnda ŋa 11:20

Aɔ̃ Lafɛ̃ɛ í cé inɛ ŋa iyi inɔ nŋa kù sĩa, amma í ya saabu inɛ ŋa iyi kuce nŋa í tɛ.

Mɔnda ŋa 22:24

Kù sĩa i ce ilu idɔɔkɔ̃ kpaasi, nɔ i maà ya bɔ bi inɛ iyi idɔɔkɔ̃ɛ í ya saasa ku dede,

Mɔnda ŋa 29:27

Inɛ dee dee ŋa a ci ya bi inɛ ŋa iyi daa nŋa kù sĩa, nɔ inɛ laalɔ ŋa mɔ a ci ya bi inɛ jiida ŋa.

Mɔnda ŋa 3:32

domi Aɔ̃ Lafɛ̃ɛ kù bi inɛ laalɔ, amma í ya bi inɛ ŋa iyi kuce nŋa í tɛ.

Mɔnda ŋa 8:13

Inɛ iyi í mà bɛɛrɛi Aɔ̃ Lafɛ̃ɛ, í ya cé laalɔi. Amu laakai, ǹ cé ara ku so lele do faau do kuce laalɔ do ibo.

Mɔnda ŋa 9:6

I jɔ̀ icɛi nnyɛi ku ce nɔ i ba kuwɛɛ ŋa. I mu kpãai bisi ŋa.

Matie 7:23

Amma an sɔ̃ ŋa si wajui inɛ fei n ni, n kù mà ŋɛ ajɔ kãma. I sɛkɛɛ hai bi tom iŋɛ woo ce laalɔ ŋa.

Kɔrɛnti 2, 11:33

Amma kpaasim ŋa à jɔ̀ ǹ fitai hai do fɛrɛntii bindii iluu nɔ à kitaam nii si kɔlɔ, nɔ do yaase bɛɛbɛi ǹ ce ǹ gbãò.

Timɔtee 2, 2:19

Do nŋu fei, icui naanɛ ku dasi nwa iyi Ilaaɔ̃ í jilɛ do gbugbã kaa yaya. À mà iyi ntɔi si na iyi í jɔ̀ kukɔi idei Ilaaɔ̃ wa fɔ í ni, Lafɛ̃ɛ í mà inɛɛ ŋa. Nɔ í ni má, inɛ iyi wa kpe irii Lafɛ̃ɛ fei ku saa laalɔ ku ce.