Iri ku kɔ̃ 101:2 - Bibeli do fee

² Ǹ bi n gbɔ yaasei kpãa iyi í jɛ dee dee, nɔ n tooɛ. Waati yoomai aa naa bi tom. An maa n nɛi do idɔ iyi í má si aninii inɛi kpasɛ̃m ŋa.

Iri ku kɔ̃ 101:2 Iomraidhean Croise

Kusintii Andunya 18:19

An sɔ̃ɔi domi nŋui ǹ nya ku ba ku sɔ̃ amaɛ ŋa do tɔkuɛ ŋa a too kpãam, a maa nɛ dee dee nɔ a maa ce jiidaɛ. Bɛɛbɛi an kɔ̃ò kuwã iyi ǹ ceaau.

Samuɛli 2, 8:15

Davidi í jɛ bomma si ilɛi Izirɛli fei, nɔ wa mu ilɛu dee dee, wa cea inɛ fei kiiti si ntɔ.

Ilaalu 1, 11:4

Waati iyi Salomɔɔ í gbo, ŋɔi aboɛ ŋa à sinda idɔɛ si iwɛ̃ ŋa. Nɔ laakaiɛ fei kù wa si Aɔ̃ Lafɛ̃ɛɛ má bɛi ti baaɛ Davidi í tako í wa siɛ wo.

Ilaalu 1, 9:4

Nɔ bii awɔ mɔ ì waa nɛ do amu bɛi Davidi baaɛ í nɛ do idɔ akã do dee dee ku jɛ wa ceò iyi ǹ dasiɛ ku ce fei, bii ì waa jirima woodam ŋa do ide ŋa iyi ǹ jilɛɛ,

Bomma 2, 15:17

Amma bi kuwee ŋa iyi à wa si geetei ilɛi Izirɛli ŋau a kù tã baa do iyi idɔi Aza í wa si Aɔ̃ Lafɛ̃ɛ si kuwɛɛɛ fei.

Bomma 2, 30:12

Nɔ Ilaaɔ̃ í jɔ̀ idɔi inɛi Zudaa ŋa í jɛ akã nɔ à jɛsi a jirima ide iyi ilaaluu do inɛ ngbo ŋau à sɔ̃ ŋa.

Iri ku kɔ̃ 101:6

Ijum á maa wai si inɛ ŋa iyi à jɛ ilu naanɛ ŋa si ilɛu, ku ba a maa wa kɔkɔm. Inɛ iyi wa nɛ si dee dee ku jɛ, lafɛ̃ɛi á jɛ woo ce icɛm.

Iri ku kɔ̃ 119:106

Ǹ fɔ do kugbasi ǹ ni, an jirima wooda dee deeɛ ŋau.

Iri ku kɔ̃ 119:115

Iŋɛ woo ce laalɔ ŋa, i jĩim ŋa nɔ n jirima wooda ŋa iyi à jɛ ti Ilaaɔ̃ Lafɛ̃ɛm.

Iri ku kɔ̃ 26:11

Aɔ̃ Lafɛ̃ɛ, amu ǹ wa n nɛ si dee dee ku jɛm, ceem didɔ̃ nɔ i jɔ̀ n nɛ aram.

Iri ku kɔ̃ 40:17

Jɔ̀ inɛ ŋa iyi à waa dɛdɛɛ fei a nɛ inɔ didɔ̃ nla nla siɛ. Inɛ ŋa iyi à bi ideɛ, awɔ woo faaba nwa, jɔ̀ a fɔ a maa ni, Aɔ̃ Lafɛ̃ɛ í la.

Kufita 20:24

I maam bi kuwee do pɔkɔdɔ ŋa tengi bii aa ya naam angudã nŋɛ ŋa do kɛtɛ nŋɛ ŋa iyi aa ceò kuwee i saabum do, do iyi à ya jo si ina fei sãa sãa ŋau. Nɔ tengi bii ǹ cica i maa tɔɔm ŋa fei, an naa bɛ ǹ na ǹ wee nŋɛ.

Ezai 38:3

Si kutɔɔɛu wa nii, Aɔ̃ Lafɛ̃ɛ, ǹ wa n tɔɔɛi, ye gigi iyi ǹ ce isɛɛnɛm nii si dee dee ku jɛ si wajuɛ muafiti kù wa si, nɔ ǹ ce mii iyi í dɔ̃ɛ si. Si anyiɛ, nɔ Ezekiasi wa kpata ntɔ ntɔ.

Wooda ku kɔsi 6:7

Aa ya kɔ ama nŋɛ ŋa sii bii ì wa ide ì waa buba ŋa. Aa ya sisi nŋa idei woodaui bii ì waa bɔ ilu ŋa, walakɔ bii ì waa sũ ŋa, walakɔ bii ì waa dede ŋa.

Zozue 24:15

Bii ì nɔ ì yɔɔ iyi i kaa cea Aɔ̃ Lafɛ̃ɛ icɛ ŋai, to, i cica inɛ iyi ì bi i cea icɛ ŋa. Iwɛ̃ ŋa iyi bala nŋɛ ŋau à ya tako à maa tɔɔ do icei idoui ì bi i cea icɛ ŋa de, mà iwɛ̃i inɛi Amɔre ŋa si ilɛ bii ì wa ŋau. Amu de, amu do inɛi kpasɛ̃m ŋa Aɔ̃ Lafɛ̃ɛi aa ka cea icɛ.

Samuɛli 1, 22:14

Ŋɔi Ahimelɛki í jɛa ilaaluu í ni, si inɔi akaweɛ ŋa fei, kãma nŋa kù nɛ naanɛ kù to Davidi. Awɔi ì waa jɛ anaɛ nɔ nŋu mɔ inɛ ngboi ciikuɛ ŋai. Í nɛ bɛɛrɛ hee í caa si inɔ kpasɛ̃ɛ ihɛ̃.