Iri ku kɔ̃ 10:4 - Bibeli do fee

⁴ Ilu inɔ kukã í ya fɔi do yaako si idɔɛ ku maa ni, Ilaaɔ̃ ci ya kpã inɛ iju si nkãma. Ilaaɔ̃ kù wɛɛ.

Iri ku kɔ̃ 10:4 Iomraidhean Croise

Kusintii Andunya 6:5

Aɔ̃ Lafɛ̃ɛ í yɛ inɔ kukãi amanɛ ŋa í la í caa si ilɛ, lasabui idɔ nŋa ajɔ fei si laalɔ nŋu akãi í ya wa.

Zɔɔbu 22:17

À ya maa ni wo, Ilaaɔ̃ ku jɔ̀ wa. Mii Ilaaɔ̃ ilu gbugbã fei á yɔkɔ ku ce nwa.

Iri ku kɔ̃ 101:5

Inɛ iyi wa sɔ irii kpaasiɛ si asii, an jɔ̀ ku cokoi. N kaa n wɛɛ do inɛ iyi í donda kpaasiɛ, nɔ í jɛ ilu faau.

Iri ku kɔ̃ 18:27

Inɛ kumá, ì ya nyisiɛ kumáɛi. Inɛ iyi í nɛ bisi laalɔ ì ya nyisiɛ bisii.

Iri ku kɔ̃ 27:8

Aɔ̃ Lafɛ̃ɛ, idɔm í ya sɔ̃m ideɛ ku maa ni, i sinda wa bi tom ŋa. Nɔ ǹ sinda wa bi titɛɛ.

Iri ku kɔ̃ 36:1

Iriu ihɛ̃ ti inɛ ngboi woo kɔ̃ iri ŋai do Davidi woo ce icɛi Aɔ̃ Lafɛ̃ɛ.

Iri ku kɔ̃ 53:1

Iriu ihɛ̃ ti inɛ ngboi woo kɔ̃ iri ŋai do Davidi. À ya kɔ̃ɔi do yee.

Iri ku kɔ̃ 73:11

À ya fɔi a maa ni, bɛirei Ilaaɔ̃ á ce ku mà. Nŋu iyi í wa hee lele, kù nɛ kumà.

Kufita 5:2

Nɔ Faraɔ̃ í jɛ nŋa í ni, yooi í jɛ Aɔ̃ Lafɛ̃ɛ n bɛi n jirima ideɛ n jɔ̀ inɛi Izirɛli ŋa a nɛ. N kù mà Aɔ̃ Lafɛ̃ɛ nɔ n kaa n jɔ̀ inɛi Izirɛli ŋa a nɛ.

Mɔnda ŋa 21:4

Ara ku so do inɛ ku dondai í ya nyisi dulum dii inɛ laalɔ ŋa.

Mɔnda ŋa 30:13

Inɛ gɔ ŋa à waa so ara nŋa lele, nɔ à waa cɔ inɛ fei ilɛ ngbɛ.

Mɔnda ŋa 30:9

Á yɔkɔ ku jɛ bii ǹ na n jɛ ilu amani an na n kɔ̀siɛ nɔ n maa n ni, yooi í jɛ Aɔ̃ Lafɛ̃ɛ, walakɔ bii are í mantem an na n lɔsi ile ku ce nɔ n bɛjɛò iriɛ.

Woo lasabu 8:11

Si bɛi a ci ya kpã woo ce laalɔ ŋa iju gbãa gbãa, ŋɔi í jɔ̀ amanɛ ŋa à ya maa bi laalɔ ku ce.

Ezai 2:11

Waati bɛɛbɛ, inɛ iyi wa cɔ araɛ hee lele, á baaò ijuɛ wa ilɛi. Ilu faau mɔ í nɛ ku gulɛi, domi ajɔ nŋu bɛ, inɛ fei á jɛsi iyi Aɔ̃ Lafɛ̃ɛ nŋu akãi í jɛ inɛ nla.

Ezai 3:9

Kucei aŋa tii taka nŋai wa jɛ sɛɛdai laalɔ ku jɛ nŋa. À waa ce dulum nii bɛi inɛi Sodomu ŋa, a kù waa singaɛ mɔm. Inɔ kufɔi á jɛ tu ŋa, domi sɔɔlui inɔ kufɔi à waa cea ara nŋa.

Ezai 59:7

Ì ya maa sɛi ŋai do kutɛ gbãa ku ba i koo i ce laalɔ ŋa. Nɔ ì ya ce saasa ŋai i koo i kpa inɛ iyi kù ce taale kãma. Mii iyi ì waa lele si lasabu nŋɛ ŋa nŋu akãi í jɛ laalɔ ku cea inɛ ŋa. Laalɔ do inɔ kukãi í ya wa si kpãa nŋɛ ŋa.

Ezai 65:2

Ǹ to awɔm ŋai ikpa bi zamaa kugaabu gɔ iyi wa too kpãa laalɔ si lasabui idɔɔbiɛ ŋa, nɔ n kù fa awɔm ŋau.

Zeremi 2:31

Iŋɛ inɛi nsɛi ŋa, i sotĩ i gbɔ idem nɔu do laakai ŋa. Amui ǹ baa ǹ yɛ bɛi ilɛ gbaa bi tu ŋɛ walakɔ bɛi ilɛi ilu kuku nla nla? Na mii í ce iŋɛ inɛm ŋa ì fɔ ì waa ni ŋa, à nɛ ara nwa. A kù bi ka nyi wa bi tɛɛ.

Zeremi 4:14

Zeruzalɛmu, bii ì bi i ba faaba, wiɛ idɔɛ. Mà hee waati yoomai ì waa bi i maa mu lasabui laalɔ ku ceɛ ŋau si idɔɛ.

Sofoni 1:12

Waati bɛɛbɛ, an wusɛ ilui Zeruzalɛmui do fitila ŋa, nɔ n kpã inɛ ŋa iyi à wɛɛ sɛ̃ɛ ŋau iju, aŋa iyi à fɔ à waa ni, Aɔ̃ Lafɛ̃ɛ ci ya ce jiida, ci ya nɔ ku ce laalɔ.

Sofoni 2:3

I dɛdɛ Aɔ̃ Lafɛ̃ɛ ŋa iŋɛ fei, iŋɛ woo kaye ara ŋa si ilɛu, iŋɛ iyi ì waa ce bɛi asaiyaɛ í fɔ ŋa. I dɛdɛ dee dee ku jɛ, nɔ i dɛdɛ ara ku kaye ŋa. Á yɔkɔ ku jɛ do yaase bɛɛbɛ, aa ba i manji ŋa si ajɔi idɔɔkɔ̃i Aɔ̃ Lafɛ̃ɛu.

Maaku 7:21

domi hai si idɔi amanɛi lasabu laalɔ do icu ku ko, do ile ku ce, do inɛ ku kpa,

Woo bɛ ŋa 8:22

Na nŋu, sinda idɔɛ hai si laalɔ ku ceɛ, nɔ i tɔɔ Ilaaɔ̃ ku ceɛ suurui lasabu laalɔ ku ceɛ bii á ce.

Romu 1:21

À mà Ilaaɔ̃ amma a kù waa saaluɛ hee a bɛi a saabuɛ si bɛi í jɔ. Iri nŋa í na í ku, nɔ idɔ hai nɛ bisi nŋa í dási ilu kuku nla nla.

Romu 1:28

Si bɛi a kù bi Ilaaɔ̃ ku mà, ŋɔi í jɔ̀ Ilaaɔ̃ í fũsi ŋa awɔ si lasabu laalɔ nŋa a ceò mii iyi kù jɔ amanɛ ku ce.

Efɛɛzu 2:12

Waati bɛɛbɛ ì jĩò Kirisi ŋa wo nɔ ì jɛ isɛ mmu bi inɛi Izirɛli ŋa. I kù nɛ baa nŋɛ si akabuu iyi Ilaaɔ̃ í wãò inɛɛ ŋa. Ì wa si andunya ihɛ̃ i kù waa cɔò kpãai nkãma ŋa, nɔ i kù wɛɛa Ilaaɔ̃ ŋa.

Wooda ku kɔsi 8:14

i ce laakai i maà na i jɛ ilu faau ŋa hee i na i gbɛjɛ Aɔ̃ Lafɛ̃ɛ nŋɛ iyi í nya ŋɛ wa hai ilɛi Ezibiti bii ì tako ì waa jɛ aru ŋa wo.