Iri ku kɔ̃ 10:3 - Bibeli do fee

³ Ilu inɔ kukã í ya maa tɔɔ fufui si laalɔ iyi í bi ku ce. Bii í ba í coo í ya bu Aɔ̃ Lafɛ̃ɛi nɔ ku maa yaakoɛ.

Iri ku kɔ̃ 10:3 Iomraidhean Croise

Ilaalu 1, 20:25

Nɔ i dɛdɛ sooge zaka bɛi ì tako ì nɛu do acĩ do sarɛtii igũ zaka akãu, ka bɛi ka bɔ igũ si lɔɔmau, nɔ aa ka cɔ bii í jɛ a kaa ka nɔ ŋa. Ŋɔi í jɛsi ide nŋau nɔ í ce bɛi à fɔu.

Zɔɔbu 31:24

Wurai ǹ dasi naanɛ? Mà ǹ nɔ ǹ sɔ̃ isɔ fũfũ ǹ ni, awɔi aa degbem.

Iri ku kɔ̃ 35:21

À la gɛlɛ nŋa sim nɔ à fɔ à ni, iju nwa í yɛ.

Iri ku kɔ̃ 49:18

domi bii í ku, kaa nɛò nkãma, amaniɛ kaa tooɛ si inɔ balɛ.

Iri ku kɔ̃ 49:6

Na mii í ce zigim á da si ajɔi wahala, waati iyi mbɛɛm ŋa à kaakom na a ceem laalɔ.

Iri ku kɔ̃ 5:6

Ilu faau ŋa a kaa yɔkɔ a leekĩ si wajuɛ, nɔ inɛ ŋa iyi à waa ce laalɔ fei ì cé ŋai.

Iri ku kɔ̃ 52:1

Iriu ihɛ̃ ti inɛ ngboi woo kɔ̃ iri ŋai do Davidi.

Iri ku kɔ̃ 94:4

Inɛ ŋau, à ya maa fɔ idei do faau, nɔ aŋa woo ce laalɔ ŋau fei à ya maa tɔɔ fufui.

Kufita 15:9

Mbɛɛ nwa ŋa à tɔɔ fufu à ni, aa ka da hãmɛ nŋa káa mu ŋa wa. Aa ka yɔ taakuba nwa ka kpa ŋaò, nɔ ka ko amani nŋa ka kpɔ̃ɔ inɛ fei ku ba bɛi í bi.

Mɔnda ŋa 28:4

Woo fũsi wooda ŋa awɔ à ya maa saabu inɛ laalɔ ŋai. Amma woo jirima wooda ŋa à ya maa ba ŋa ku jai.

Woo lasabu 7:15

Si kuwɛɛ ngbɛ ngbɛ iyi ǹ ce, ǹ yɛ iyi mii fei á yɔkɔ ku ce. Inɛ dee dee á yɔkɔ ku ku si dee dee ku jɛɛ, nɔ inɛ laalɔ á yɔkɔ ku wɛɛ ku kpɛ si laalɔ ku ceɛ.

Ezai 37:23

Yooi ì donda, nɔ yooi ì waa bu. Yooi ì waa lasi. Amu Aɔ̃ Lafɛ̃ɛ Inɛ Kumái Izirɛliui ì wu iju lele ì waa cɔ.

Ezai 57:17

Idɔm í kɔ̃ si Izirɛli na laalɔ ku ceɛ do na mii ŋa iyi í ba si kpãa iyi kù jɛ dee dee. Na ŋɔi í jɔ̀ si idɔɔkɔ̃m ǹ kpãa iju nɔ n kù bi baa ku yɛɛ má. Amma í kɔ̀ í lele idɔɛ nɔ í leekĩ si dee dee hai jɛɛ.

Zeremi 22:17

Amma awɔ, idei irii araɛi ì waa ce, nɔ ì waa kpa hai nɛ taale ŋa. Ì waa kpã inɛ ŋa ijui ntɔ ntɔ.

Kuwee 26:30

Na saabui kucé iyi an cé nŋɛi á jɔ̀ n lɛgɛ geete bii ì ya cea iwɛ̃ nŋɛ ŋa kuwee. An lɛgɛ tengi bii ì ya ce kuweei tuae nŋɛ ŋau. An kitigba iku nŋɛ ŋai si buubuui iwɛ̃ nŋɛ ŋau.

Abakuku 2:9

Inɔ kufɔi á jɛ ti iŋɛ iyi ì waa ko amani ŋa do yaase iyi kù jɛ dee dee na irii kpasɛ̃ nŋɛ ŋa, nɔ ì waa lasabu ì jɛò ilu bɛɛrɛ nla nla ŋa ku ba ijuukpã ku fo iri nŋɛ.

Luku 12:15

Nɔ í sɔ̃ ŋa í ni, i ya ce laakai ŋa ntɔ ntɔ do kɔdɛɛ fei, domi amanii amanɛ si í jɛ icui kuwɛɛɛ, baa bii bɛirei amaniu í la í to.

Luku 12:19

Nɔ n fɔ si idɔm n ni, ǹ nɛ amani nla nla iyi ǹ wa n singa ti adɔ̃ nkpɔ nkpɔ. An sĩmii nɔ n maa n jɛ n maa n mɔ nɔ n maa n wɛɛò inɔ didɔ̃.

Romu 1:29

Nɔ laalɔ fei í wɛɛ nŋa, hai inɔ ku kã do kɔdɛɛ do njɛ ku cé do igu do inɛ ku kpa do ija do ibo do bisi laalɔ, hee do irii njɛ ku sɔ.

Romu 1:32

À mà woodai Ilaaɔ̃ iyi wa fɔ í ni, inɛ ŋa iyi à waa ce dimii mii bɛɛbɛ ŋa, ikui í jɛ kɔkɔɔ nŋa. Do nŋu fei à ya coo, nɔ à ya maa saabu woo ce dimiɛ ŋa má.

Kɔrɛnti 1, 6:10

do ile ŋa do ilu binɛ ŋa do woo mɔ atɛ̃ hee ku caa ŋa do woo yaako inɛ ŋa do woo jɛ inɛ takii ŋa a kaa ba tubu si bommai Ilaaɔ̃.

Efɛɛzu 5:5

I jɔ̀ i mà ŋa kãm kãm iyi woo tɔtɔɔ sɛ̃ɛ hai nɛ yaase do ilu daa sãmi ŋa, kãma nŋa kù nɛ ikpɛ̃ si bommai Ilaaɔ̃ do ti Kirisi. Bɛɛbɛ mɔi hee do ilu binɛ ŋa fei, kãma nŋa kù nɛ ikpɛ̃ si bommai Ilaaɔ̃ do ti Kirisi domi binɛ í yɛi bɛi iwɛ̃ ku tɔɔ.

Wooda ku kɔsi 29:19

Aɔ̃ Lafɛ̃ɛ kaa cea suuru. Aɔ̃ Lafɛ̃ɛ kaa jɛsi mii hai jɛ dee dee iyi inɛɛu bɛ í ce. Á jɔ̀ idɔɔkɔ̃ɛ ku naa siɛi, nɔ idei ikpe ŋa iyi à wa si tiau ihɛ̃ fei, á jɔ̀ ku baai. Nɔ mii iyi á jɔ̀ a ye gigiɛ si ilɛu ihɛ̃ fei, á kpaai.

Wooda ku kɔsi 32:19

Aɔ̃ Lafɛ̃ɛ í yɛ bɛi amaɛ ŋau à waa yaakoɛ, ŋɔi í fũsi ŋa awɔ.

Kolosee 3:5

Na nŋu, i kpa kubii mii ndii andunya iyi wa ce icɛ si ŋɛ fei. Mii ndii andunya ŋaui à jɛ sɛ̃ɛ ku tɔtɔɔ hai nɛ yaase, do daa laalɔ, do binɛ, do kubi nfe nfe, do kɔdɛɛi mii nkpɔ. Ntɔ ntɔ bii ì waa ce kɔdɛɛ, mii nkpɔi ì ya tɔɔ si agbɛi Ilaaɔ̃.

Zaaki 4:13

Iŋɛ iyi ì ya maa ni, nnyi walakɔ ala aa ka bɔ ilu ihɔ̃ ka ce sĩa bɛ zakai adɔ̃ akã ku ba ka ba fia, i de itĩ i gbɔ iyi ǹ wa n fɔ nsɛi.

Zaaki 4:16

Amma nsɛi ì waa tɔɔ fufu ì so ara nŋɛ lele. Dimii faau bɛɛbɛ fei kù sĩa.

Zãa 1, 2:15

I maà ti i bi andunya ŋa do mii ŋa iyi à wa si andunya. Inɛ iyi í bi andunya, kubii Ilaaɔ̃ Baaba kù wa siɛ,

Woo kiiti ŋa 17:2

Ŋɔi ajɔ nŋu gɔ í sɔ̃ iyeɛ í ni, fiaɛ iyi à ce ile kpɛkɛlɛ dubu do cĩɔ (1.100) hee ì ceekpe inɛ iyi í so fiau ǹ gbɔ, fiau wee ihɛ̃ amui ǹ soo. Nɔ iyeu í ni, Aɔ̃ Lafɛ̃ɛ ku weeɛ amam.

Samuɛli 1, 23:21

Ŋɔi Saulu í ni, Aɔ̃ Lafɛ̃ɛ ku wee nŋɛ si na iyi í jɔ̀ ì ce araarem ŋa.