Iri ku kɔ̃ 1:6 - Bibeli do fee

⁶ Ntɔi Aɔ̃ Lafɛ̃ɛ í mà kpãai inɛ dee dee ŋa, amma kpãai ilu inɔ kukã ŋa wa bɔò ŋai si iku.

Iri ku kɔ̃ 1:6 Iomraidhean Croise

Zɔɔbu 23:10

Nŋu de í mà kpãa iyi ǹ wa n too sãa sãa. Nŋui wa cɔ laakaim, amma an fita si hai nɛ riisi bɛi wura iyi à yɔ do ina.

Iri ku kɔ̃ 112:10

Ilu inɔ kukã ŋa à ya yɔɔi nɔ idɔ nŋa ku kɔ̃. À ya maa ŋɔ inyíi nɔ inɔ nŋa ku maa fɔ. Kpãa ku cɔ nŋa fei í ya leekĩi.

Iri ku kɔ̃ 142:3

Ǹ sɔ̃ɔ bitandim. Ǹ sisiaa wahalam.

Iri ku kɔ̃ 142:4

Waati iyi ǹ kua gbugbã, awɔi ì ya mà kpãa iyi an too. Si kpãa iyi ǹ wa n too siu à leem cɛkũm.

Iri ku kɔ̃ 146:9

Aɔ̃ Lafɛ̃ɛi í ya maa mu inɛ njoo ŋa. Í ya maa gbɔa kɔyɔ ŋa do jaaɔ̃ ŋa. Amma í ya kɛkɛ lasabui ilu inɔ kukã.

Iri ku kɔ̃ 9:6

Ì kpã mbɛɛɛ ŋa iju, nɔ ì ce nfei ilu inɔ kukã ŋa, ì kpa iri nŋa hee do ajɔ fei.

Mɔnda ŋa 14:12

Amanɛ í ya wɛɛ si iyi kpãai nŋu kpãa jiidai, amma bi ikui í ya na ku bɔòɛ.

Mɔnda ŋa 15:9

Aɔ̃ Lafɛ̃ɛ í cé kucei inɛ laalɔ ŋa, amma í bi inɛ iyi wa dɛ mii iyi í jɛ dee dee.

Nahumu 1:7

Aɔ̃ Lafɛ̃ɛ í jɛ inɛ ncɛɛ. Nŋui í jɛ bi ku manji jiida si ajɔi wahala. Í mà inɛ ŋa iyi à ba bi ku manji bi tɛɛ

Matie 7:13

Í sɔ̃ ŋa má í ni, koofa nla do kpãa ku cĩ gɔ í wɛɛ, do minjisia ku mongolo gɔ iyi wa bɔ ala nwa. I lɔ do koofa ku mongolou ŋa, domi koofa nlau do kpãa ku cĩu, bi ikui wa bɔ, nɔ inɛ nkpɔi wa too do bɛ.

Laabaau jiida iyi Zãa í kɔ 10:14

Amui ǹ jɛ woo degbe jiida. Si bɛi Baam í màm nɔ amu mɔ ǹ màa, bɛɛbɛ mɔi ǹ mà angudãm ŋa nɔ aŋa mɔ à màm, nɔ ǹ jɛsi n ku na iri nŋa.

Laabaau jiida iyi Zãa í kɔ 10:27

Angudãm ŋa à ya gbɔ imum. Ǹ mà ŋa nɔ à ya maa toom.

Timɔtee 2, 2:19

Do nŋu fei, icui naanɛ ku dasi nwa iyi Ilaaɔ̃ í jilɛ do gbugbã kaa yaya. À mà iyi ntɔi si na iyi í jɔ̀ kukɔi idei Ilaaɔ̃ wa fɔ í ni, Lafɛ̃ɛ í mà inɛɛ ŋa. Nɔ í ni má, inɛ iyi wa kpe irii Lafɛ̃ɛ fei ku saa laalɔ ku ce.

Piɛɛ 2, 2:12

Amma inɛ ŋau à ya maa bu mii iyi a kù mà. À yɛi bɛi mɛɛmui sako ŋa iyi a kù nɛ lasabu kãma, nɔ aa ce nfei bɛi mɛɛmui sako ŋau iyi à bí ku ba a mu ŋa a kpa ŋa.

Samuɛli 1, 2:9

Awɔi ì waa gbã inɛɛ ŋa si isɛɛnɛ nŋa. Amma aa jɔ̀ inɛ laalɔ ŋa a ce nfe si ilu kuku, domi amanɛ kaa yɔkɔ ku jɛ igũ do gbugbãi nŋu takaɛ.