Iri ku kɔ̃ 1:3 - Bibeli do fee

³ Í yɛi bɛi jĩi iyi à lɛ si itĩi ido iyi í ya so iso bii waatiɛ í to, nɔ waati kãma fei wuaɛ í ya maa tũi, mii iyi wa ce fei í ya cei.

Iri ku kɔ̃ 1:3 Iomraidhean Croise

Kusintii Andunya 39:23

Inɛ ngboi woo degbe piisɔ̃ɔu baaɛ ci ya wa si do mii iyi Zozɛfu wa ce, domi Aɔ̃ Lafɛ̃ɛ í wɛɛ do nŋu, nɔ mii iyi wa ce fei í ya jɔ̀ ku nɛ baakai.

Kusintii Andunya 39:3

Mɔkɔu í mà iyi Aɔ̃ Lafɛ̃ɛ í wɛɛ do Zozɛfu, nɔ andi mii iyi wa ce fei Aɔ̃ Lafɛ̃ɛ í ya fũaa kpãaɛi.

Ilaalu 2, 18:7

Ŋɔi Aɔ̃ Lafɛ̃ɛ í wɛɛ do nŋu nɔ mii iyi wa ce fei í ya jɔ̀ ku cei dee dee. Ŋɔi í na í dedeò ide ku kɔ̀ bi ilaalui Asiriu í kɔ̀ ku sũaa iri ilɛ.

Bomma 1, 22:11

Bɛbɛi Salomɔɔ amam, Aɔ̃ Lafɛ̃ɛɛ ku wɛɛ do awɔ ku ba i yɔkɔ i maa kpasɛ̃u si bɛi nŋu takaɛ í fɔ si gãmɛɛ.

Bomma 1, 22:13

Bii ì waa jirima wooda ŋa do ide ŋa iyi Aɔ̃ Lafɛ̃ɛ í jilɛa Moizi na inɛi Izirɛli ŋau, mii iyi ì waa ce fei á maa nɛɛi dee dee. Jɔ̀ i nɛ gbugbã nɔ i nɛ wɔɔkɔ. Maà ce njo, nɔ i maà jɔ̀ zigiɛ ku da.

Bomma 2, 31:21

Icɛ iyi í ce fei ku ba inɛ ŋa a maa tɔɔ Ilaaɔ̃ nɔ a maa jirima woodaɛ ŋa í cooi do idɔɛ fei wa dɛdɛò Aɔ̃ Lafɛ̃ɛɛ. Nɔ mii iyi wa ce fei wa kooa.

Bomma 2, 32:23

Nɔ inɛ nkpɔi í ya naa Aɔ̃ Lafɛ̃ɛ amua ŋa wa Zeruzalɛmu. Bɛɛbɛ mɔi à ya naa Ezekiasi amuai mii ku nɛ fia ŋa wa nkpɔ nkpɔ. Hai waati bɛɛbɛi, í nya iri si ilɛ mmu ŋa fei.

Zɔɔbu 14:9

bii í ba mandii inyi í ya jĩi nɔ ku ce amaawɔ kpɔtɔɔ ŋa ku baa bɛi ama jĩi má.

Zɔɔbu 22:28

Mii ŋa iyi ì jilɛ si i ce fei, ku ce. Nɔ inya kumá ku ya maa wa si kpãaɛ.

Iri ku kɔ̃ 128:2

Awɔi aa jɛ aranfãanii icɛɛ. Inɔ didɔ̃i á jɛ titɛɛ nɔ mii fei ku maa nɛɛ dee dee.

Iri ku kɔ̃ 129:8

Nɔ woo lɔ ŋa a ci ya ni, Aɔ̃ Lafɛ̃ɛ ku wee nŋɛ. Awa, à waa wee nŋɛi do irii Aɔ̃ Lafɛ̃ɛ.

Iri ku kɔ̃ 92:14

À lɛ ŋai si kpasɛ̃i Aɔ̃ Lafɛ̃ɛ, nɔ à wa si bantumai Ilaaɔ̃ Lafɛ̃ɛ nwa.

Iri ku kɔ̃ 92:15

Baa do iyi à gbo fei, ara nŋa wa sĩa nɔ wua nŋa wa tũ nɔ à waa so.

Ezai 27:11

Waati iyi amaawɔi jĩi ŋau à gbɛ, à ya cɛi. Inaabo ŋa à ya naa a kooi a koo a koò ina. Ntɔ ntɔ inɛ ŋau a kù nɛ bisi kãma. Nɔ na ŋɔi í jɔ̀ inɛ iyi í taka ŋau kù nɛ araare nŋa má, nɔ kù bi ku ce nŋa didɔ̃ gɔ má.

Ezai 3:10

Amma i sɔ̃ inɛ dee dee ŋau ngu ŋa i ni à wa si kpãa jiida nɔ aa jɛ ribai kuce nŋai.

Ezai 44:4

Aa fitai nɔ a maa la bɛi jĩi ŋa iyi à wa itĩi ido.

Ezai 58:11

Waati bɛɛbɛ, Aɔ̃ Lafɛ̃ɛi á maa gbãɛ waati kãma fei, nɔ nŋui á jɔ̀ i ba sɔnda si inya bii ngɔgɔ kù wa i jɛ i yo, nɔ ku teese ku muaa araɛ gbugbã. Aa yɛi bɛi lambo iyi à waa muaa inyi, aa yɛi bɛi inya bii inyiɛ ci ya tã.

Zeremi 17:8

Lafɛ̃ɛ á yɛi bɛi jĩi iyi à lɔ kɔkɔi inyi, nɔ icãɛ ŋa à nɛ ikpa bi acãi inyiu. Baa bii inya gbãa wa ce, inya gbãau kaa ceaa nkãma, nɔ wuaɛ á ya maa tũi waati kãma fei. Baa bii agbɛ í mu si adɔ̃u, kaa ya wɛɛò zigiida, nɔ waati kãma fei á ya soi.

Ezekiɛli 17:8

Si ilɛ ncɛɛi à lɔɔ kɔkɔi inyi nla. Do yaase bɛɛbɛi á ce amaawɔ ŋa ku ba ku so nɔ ku ce jĩi ndii rezɛ̃ɛ nla nla.

Ezekiɛli 19:10

Iyeɛ í yɛi bɛi jĩi ndii rezɛ̃ɛ iyi à lɔ kɔkɔi itĩi ido. Í so nɔ í nɛ wua ŋa na inyi iyi wa ba.

Ezekiɛli 31:5

Na saabui inyiui í jɔ̀ í gboka í re jĩi mmu ŋau. Amaawɔɛ ŋa à kpɔ nɔ à nà bii fei.

Ezekiɛli 47:12

Si itĩi inyiu cingaa do cingaa fei, jĩi kuso ŋa aa fitai dimi ikã ikã fei. Wua nŋa ŋa a kaa ya gbɛ, nɔ aa ya maa soi waati kãma fei. Cukpa fei aa ya so iso titɔ̃i si na iyi í jɔ̀ inyi iyi wa cã si ŋa wa, wa naai hai si kpasɛ̃i Aɔ̃ Lafɛ̃ɛ. Iso nŋa sɔndai á jɛ, wua nŋa mɔ iwɔ.

Kuka 24:6

Nɔ dimi nŋɛ ŋau à waa tɛi bɛi lambo ŋa iyi à wa itĩi ido, bɛi jĩi ndii gbaa ŋa iyi Aɔ̃ Lafɛ̃ɛ í lɔ, bɛi jĩi ndii sɛɛdi iyi í wa itĩi ido.

Matie 13:6

Amma iyi inunu wa ce, ŋɔi í joo nɔ í gbɛ, domi icãɛ kù mi lɛlɛ.

Matie 21:19

Ŋɔi í yɛ jĩi ndii figi gɔ itĩ kpãa bɛ, nɔ í yaa siɛ. Amma iyi í to kɔkɔɛ í ba wee wua ŋai í nɛ. Ŋɔi í sɔ̃ jĩi nɔu í ni, awɔ i kaa so má ajɔ kãma. Nɔ gbakã jĩi nɔu í gbɛ.

Matie 21:34

Waati iyi isoi jĩi ŋau í jĩa í to ku ka, ŋɔi í bɛ amaacɛ ŋa wa bi woo logoo ŋau a koo a gba iyi í jɛ ti nŋu wa.

Matie 21:41

Ŋɔi à jɛaa à ni, á kpa inɛ laalɔ ŋaui kaa ce araare nŋa nɔ ku dɛ gaanɔɔma mmu ŋa ku dasi ŋa si ilɛɛu, inɛ ŋa iyi bii isoi jĩi nɔu í jĩa aa ya náa iyi í jɛ tɛɛ.

Laabaau jiida iyi Zãa í kɔ 15:6

Inɛ iyi kù waa má sim aa nyaai a nyɔɔ bɛi à ya nyɔ amaawɔi jĩi ŋa. Si anyiɛ, bii à gbɛ nɔ a tɔtɔɔ ŋa a dasi ŋa ina a jo.

Wooda ku kɔsi 28:8

Aɔ̃ Lafɛ̃ɛi á jɔ̀ suu nŋɛ ŋa a kɔ̃ do amaajɛ ŋa. Mii ŋa iyi ì waa ce ŋa fei, nŋui á ya jɔ̀ ku ce baaka ku maa bɔ do waju. Ntɔ ntɔ á jɔ̀ i ba mii jiida ŋa nkpɔ nkpɔ si ilɛ iyi á muu nŋɛu.

Zudu 1:12

Inɛ ŋaui à jɛ sankala si jingau nŋɛu, à waa ba ŋɛ ku jɛ do iju hai nɛ anyɔ, ara nŋai à waa wo ngbɛ ngbɛ. À yɛi bɛi ijĩ iyi í dũ nɔ kaa wɔ si na iyi í jɔ̀ fufu wa taleɛ. À yɛi bɛi jĩi iyi í da koko nɔ kù so, bɛi jĩi iyi à wuu do icãɛ í kú mam mam.

Kuyɛi Zãa 22:2

Wa cã si aninii kpãai iluu. Jĩi ndii kuwɛɛ wa leekĩ si ice do icei idou. Í ya so tuuba maateeji si adɔ̃ akã, gbakã akã si cukpa baa yooma fei. À ya ce iwɔ do wuai jĩi nɔu a faabaò dimii andunya fei.