Iri ku kɔ̃ 1:2 - Bibeli do fee

² Í ya ba didɔ̃ɛ feii si idei Aɔ̃ Lafɛ̃ɛ, nɔ dasã do idũ í ya maa lasabu si ideui.

Iri ku kɔ̃ 1:2 Iomraidhean Croise

Kusintii Andunya 24:63

Ajɔ nŋu gɔ ŋɔi í fita zakai alɛ wa dabii si sako wa lasabuò. Ŋɔi í wu iju í cɔ do wajuɛ nɔ í ba wee kpookpo ŋa à faata wa à waa naa ikpa bi tɛɛ.

Ɛsidarasi 7:10

Wee Ɛsidarasi í jɛ inɛ gɔ iyi í ce cioi woodai Ilaaɔ̃ dee dee nɔ wa ceò icɛ, nɔ wa kɔa inɛi Izirɛli ŋa si wooda ŋau.

Zɔɔbu 23:12

N kù fũsi woodaɛ ŋa iyi í sɔ̃m awɔ. Ǹ jɔ̀ idɔɔbim nii ǹ ceò ideɛ icɛ.

Iri ku kɔ̃ 104:34

Jɔ̀ kutɔɔm nɔu ku dɔ̃ɛ si. Amu, an maa n wɛɛò inɔ didɔ̃i na Aɔ̃ Lafɛ̃ɛ.

Iri ku kɔ̃ 112:1

I saabu Aɔ̃ Lafɛ̃ɛ ŋa. Ilu inɔ didɔ̃i inɛ iyi í mà bɛɛrɛi Aɔ̃ Lafɛ̃ɛ, nɔ í bi woodaɛ ŋa.

Iri ku kɔ̃ 119:1

Ilu inɔ didɔ̃ ŋai inɛ ŋa iyi isɛɛnɛ nŋa kù nɛ taale, nɔ à waa jirima woodai Aɔ̃ Lafɛ̃ɛ.

Iri ku kɔ̃ 119:11

Ǹ wa n mu ideɛ ŋai si idɔm, ku ba n maà n ce dulum bi tɛɛ.

Iri ku kɔ̃ 119:35

Jɔ̀ n maa n nɛ si kpãai woodaɛ ŋa, domi si bɛi an ba inɔ didɔ̃.

Iri ku kɔ̃ 119:72

Wooda ŋa iyi à fita hai si gɛlɛɛ, à sĩaam si à re mii ndii wura dubu do isɔ fũfũ dubu.

Iri ku kɔ̃ 119:92

Bii woodaɛ ŋa a kù waa muum inɔ didɔ̃ wo, bii í wa ǹ ku si wahalam.

Iri ku kɔ̃ 40:8

Na ŋɔi í jɔ̀ ǹ ni, amu wee ǹ wa n naa bi tɛɛ. Si tia iyi à káu ǹ yɛ à kɔ mii iyi ǹ nɛ ku ce.

Iri ku kɔ̃ 88:1

Iriu ihɛ̃ ti amai Kore ŋai do inɛ ngboi woo kɔ̃ iri ŋa do Hemaa inɛi Ezirau. À ya kɔ̃ɔi do imui inɔ kufɔ.

Zeremi 15:16

Waati iyi ǹ ba ide gɔ wa hai bi titɛɛ fei, ǹ ya n gba ideui. Ǹ ya n nɛ si ideɛ ŋau inɔ didɔ̃ nla nlai hee si idɔm, domi à nyam ikã n jɛ tɛɛ, awɔ Aɔ̃ Lafɛ̃ɛi lele do ilɛ.

Luku 18:7

Ilaaɔ̃ kaa bɛi ku ce ku re zaka bɛɛbɛ? Inɛ ŋa iyi í cica, kaa jɔ̀ a ba ntɔ bii à waa dɔ̃ siɛ anu dasã do idũ? Iyi í re mɔm, kaa kpɛ ku bɛi ku gbɔ nŋa.

Luku 2:37

nɔ í buba jaaɔ̃ adɔ̃ nkpɔ nkpɔ. Nsɛi abou í nɛ adɔ̃ cinɛ do mɛɛ, nɔ ci ya fita hai bantumai kpasɛ̃i Ilaaɔ̃. Dasã do idũ fei, í ya maa cea Ilaaɔ̃ icɛi do anu kudĩ do kutɔɔ.

Romu 7:22

Si idɔm woodai Ilaaɔ̃ ku jirima í dɔ̃,

Tɛsalonika 1, 2:9

Iŋɛ inɛ nwa ŋa, ì waa ye gigi bɛi à ce icɛ si anini nŋɛ hee à gbɛɛji. À ce icɛ dasã do idũ ku ba ka maà jɛ asoi inɛ gɔ nŋɛ si waati iyi à waa sisi laabaau jiidai idei Ilaaɔ̃ si anini nŋɛ.

Timɔtee 1, 4:15

Laakaiɛ fei ku wa si ideu ihɛ̃, nɔ i naa araɛ mam mam ku ba inɛ fei ku yɛ waju ku bɔɛ.

Timɔtee 2, 1:3

Ǹ wa n saabu Ilaaɔ̃, nŋu iyi ǹ wa n tɔɔ do idɔ hai nɛ taale si bɛi balam ŋa à tako à ce wo. Waati kãma fei ǹ ya n maa n saabu Ilaaɔ̃ na iriɛ, nɔ dasãò idũ fei ǹ ya n maa n ye gigiɛ si kutɔɔm.

Zozue 1:8

Jɔ̀ i ya cio tiai woodau ihɛ̃ si wajui inɛ ŋa waati kãma fei, nɔ i ya maa muu si iriɛ dasãò idũ ku ba ide iyi à kɔ siu fei i ya maa ceò icɛ, domi do yaase bɛɛbɛi icɛɛ ŋa aa bɔò waju, nɔ fei ndɛɛ á cei dee dee.

Zãa 1, 5:3

Ilaaɔ̃ ku bii í jɛ woodaɛ ŋa ku jirima. Woodaɛ ŋau a kù nɔ a kù gaabu.