Iri ku kɔ̃ 1:1 - Bibeli do fee

¹ Ilu inɔ didɔ̃i inɛ iyi kù waa too si idei ilu inɔ kukã ŋa, inɛ iyi kù waa too si kpãai ilu dulum ŋa, inɛ iyi kù waa buba do woo yaako inɛ ŋa.

Iri ku kɔ̃ 1:1 Iomraidhean Croise

Kusintii Andunya 49:6

Si idɔɔkɔ̃ nŋɛ ì kpa amanɛ ŋa. Nɔ si inɔ sãmi nŋɛ ì da atĩi kɔbisii kɛtɛ kombo ŋa. Na nŋu, idɔm ku maà na ku lɔ si akabuu nŋɛ, nɔ lasabum ku maà too si anu tɔɔsi nŋɛ.

Kusintii Andunya 5:24

si Ilaaɔ̃ ku too. Si anyii nŋu à na à kuaɛ si na iyi í jɔ̀ Ilaaɔ̃ í soo.

Ilaalu 1, 16:31

Dulum iyi balaɛ Zeroboamu amai Nebati í ce iyi wa too siu kù too, domi í koo í so Zezabɛli ama inaaboi Etibaali ilaalui inɛi Sidɔ̃ɔ ŋau í coo abo. Nɔ í koo wa cea Baali iwɛ̃u icɛ wa sɛɛbataa.

Bomma 2, 22:3

Nɔ í too si kucei inɛi kpasɛ̃i Akabu ŋau, domi iyeɛ í kɔɔ si laalɔ.

Zɔɔbu 10:3

Aa nɛ inɔ didɔ̃ bii ì waa wahala mii iyi ì taka do awɔɛ? Á sĩaaɛ si bii inɛ laalɔ ŋai ì jɔ̀ à waa nɛ kpãa ku cɔ?

Zɔɔbu 21:16

Do nŋu fei, didɔ̃i inɛ ŋau bɛ si awɔi aŋa taka nŋai í wa. Ntɔ ntɔ, lasabui inɛ laalɔ ŋau ku jĩim.

Zɔɔbu 31:5

N ci ya n sɔ ibo, n ci ya n nɛ lasabui inɛ ŋa ku zamba.

Iri ku kɔ̃ 1:6

Ntɔi Aɔ̃ Lafɛ̃ɛ í mà kpãai inɛ dee dee ŋa, amma kpãai ilu inɔ kukã ŋa wa bɔò ŋai si iku.

Iri ku kɔ̃ 106:3

Ilu inɔ didɔ̃ ŋai inɛ ŋa iyi à waa nɛ si ntɔ, nɔ à waa ce mii iyi í jɛ dee dee waati kãma fei.

Iri ku kɔ̃ 112:1

I saabu Aɔ̃ Lafɛ̃ɛ ŋa. Ilu inɔ didɔ̃i inɛ iyi í mà bɛɛrɛi Aɔ̃ Lafɛ̃ɛ, nɔ í bi woodaɛ ŋa.

Iri ku kɔ̃ 119:115

Iŋɛ woo ce laalɔ ŋa, i jĩim ŋa nɔ n jirima wooda ŋa iyi à jɛ ti Ilaaɔ̃ Lafɛ̃ɛm.

Iri ku kɔ̃ 144:15

Ilu inɔ didɔ̃i dimi iyi í ba bɛɛbɛ. Ilu inɔ didɔ̃i dimi iyi Aɔ̃ Lafɛ̃ɛ í jɛ Lafɛ̃ɛɛ.

Iri ku kɔ̃ 146:5

Ilu inɔ didɔ̃i inɛ iyi Aɔ̃ Lafɛ̃ɛi Zakɔbu í jɛ woo faabaɛ, nɔ kpãa ku cɔɛ í wa si Aɔ̃ Lafɛ̃ɛɛ.

Iri ku kɔ̃ 146:9

Aɔ̃ Lafɛ̃ɛi í ya maa mu inɛ njoo ŋa. Í ya maa gbɔa kɔyɔ ŋa do jaaɔ̃ ŋa. Amma í ya kɛkɛ lasabui ilu inɔ kukã.

Iri ku kɔ̃ 2:12

I sũa ilaalu amaɛu iri ilɛ ŋa. Bii kù jɛ bɛɛbɛ idɔɛ á kɔ̃, domi idɔɛ í ya kɔ̃i gbãa gbãa nɔ á yɔkɔ ku jɔ̀ i ku anu akã ŋa. Ilu inɔ didɔ̃ ŋai inɛ ŋa iyi à wa bi titɛɛ fei.

Iri ku kɔ̃ 26:12

Aɔ̃ Lafɛ̃ɛ, ǹ wa n leekĩi si kpãai ntɔ, nɔ bii inɛ ŋa à tɔtɔɔ an maa n cĩɛi.

Iri ku kɔ̃ 34:8

Amalekai Aɔ̃ Lafɛ̃ɛ í ya maa degbe inɛ ŋa iyi à waa jirimaɛ ŋai nɔ ku maa nya ŋa hai si mbiisi.

Iri ku kɔ̃ 36:4

Idei zamba do iboi í ya wa si gɛlɛɛ. Ci ya dɛdɛ iyi í jɛ jiida ku mà.

Iri ku kɔ̃ 64:2

Ilaaɔ̃, gbɔ imum waati iyi ǹ wa n weewea. Mu kuwɛɛm na njoi mbɛɛu iyi ǹ wa n ce.

Iri ku kɔ̃ 81:12

Amma inɛi Izirɛli inɛm ŋau a kù de sim itĩ. nɔ a kù bi baa ku màm.

Iri ku kɔ̃ 84:12

domi Aɔ̃ Lafɛ̃ɛ í yɛi bɛi inunu do tɛli. Aɔ̃ Lafɛ̃ɛi í ya mua inɛ didɔ̃ do bɛɛrɛ. Ci ya kɔ̀a inɛ ŋa iyi à waa ce isɛɛnɛ si dee dee ku jɛ didɔ̃ɛ.

Mɔnda ŋa 1:15

Amam, maà na i too ŋa. Sinda i jɔ̀ nŋa kpãa nŋa,

Mɔnda ŋa 1:22

hee waati yoomai aa jɔ̀ icɛi nnyɛi ku ce nŋɛu ŋa. Iŋɛ woo yaako inɛ ŋa, hee waati yoomai aa jɔ̀ inɛ ŋa ku yaako ŋa. Iŋɛ hai nɛ kumà ŋa mɔ, hee waati yoomai aa leekĩò kumà ku cé ŋa.

Mɔnda ŋa 13:15

Inɛ ŋa à ya saabu ilu laakai ŋa, amma kpãai woo zamba inɛ ŋa í gaabu.

Mɔnda ŋa 13:20

Inɛ iyi í ya wa bi ilu bisi ŋa, á jɛ ilu bisii, amma inɛ iyi wa too nnyɛi ŋa á dasi ide laalɔ.

Mɔnda ŋa 19:29

Ijuukpã wa degbe woo yaako inɛ ŋa, nɔ golo wa degbe nnyɛi ŋa.

Mɔnda ŋa 2:12

ku ba i maà na i dasi kpãai laalɔ ku ce, nɔ i maà na i dasi awɔi ilu ibo ŋa,

Mɔnda ŋa 3:34

Baaɛ ci ya wa si woo yaako inɛ ŋa, amma í ya cea inɛ ŋa iyi à kaye ara nŋa didɔ̃.

Mɔnda ŋa 4:19

Amma kpãai inɛ laalɔ ŋa í yɛi bɛi ilu kuku. À ci ya yɛ mii iyi á jɔ̀ a koosɛ.

Mɔnda ŋa 9:12

Bii ì jɛ ilu bisi, awɔi aa jɛ ribaɛ. Bii ì nɔ ì jɛ woo yaako inɛ, awɔ akãi aa ba ijuukpãɛ.

Zeremi 15:17

N kù koo n kù buba n kù waa kpɛ̃ inɔ didɔ̃ do woo yaako inɛ ŋa inya akã. Amma ì tilasim nii ì jɔ̀ ǹ nya aram ikã, domi ì jɔ̀ ǹ wɛɛò idɔɔkɔ̃ nla nla.

Zeremi 17:7

Amma kuweei í jɛ ti inɛ iyi í dasi amu Aɔ̃ Lafɛ̃ɛ naanɛ, nɔ kaabaɛ fei í wa si amu Aɔ̃ Lafɛ̃ɛ.

Ezekiɛli 20:18

Ǹ sɔ̃ ama nŋa ŋa si gbaau ǹ ni, i maà too si ikɔi baa nŋɛ ŋa do wooda nŋa ŋau nɔ i maà riisi ara nŋɛ ŋa do iwɛ̃ nŋa ŋau.

Matie 16:17

Ŋɔi Jesu í ni, Simɔɔ, amai Zãa, awɔ ilu inɔ didɔ̃i. Kù jɛ amanɛi í sɔ̃ɛ, bii kù jɛ Baam iyi í wa lele.

Luku 11:28

Ŋɔi Jesu í jɛaa í ni, í tia i ni ilu inɔ didɔ̃ ŋai inɛ ŋa iyi à waa gbɔ idei Ilaaɔ̃, nɔ à waa ceò icɛ.

Laabaau jiida iyi Zãa í kɔ 13:17

Nsɛi wee ì mà yaasei iyi ihɛ̃ ŋa. Bii ì waa coo ŋa, aa nɛ inɔ didɔ̃ ŋa.

Laabaau jiida iyi Zãa í kɔ 20:29

Ŋɔi Jesu í sɔ̃ɔ í ni, debɛi ì dasi naanɛ si na iyi í jɔ̀ ì yɛm, mà irei. Ilu inɔ didɔ̃ ŋai inɛ ŋa iyi a kù yɛm nɔ do nŋu fei à dasi naanɛ.

Romu 5:2

Jesu mɔi í mu nwa kpãa do saabui naanɛ ku dasiu ka sɛkɛɛ si Ilaaɔ̃, nŋu iyi í ce nwa didɔ̃. Na didɔ̃ui à waa leekĩ dim dim nɔ à nɛ inɔ didɔ̃ domi à waa cɔ kpãa iyi aa ka nɛ baa nwa si amboei Ilaaɔ̃.

Efɛɛzu 6:13

Na nŋu, i so jĩnɛi igũi Ilaaɔ̃ fei i dĩ ŋa. Si bɛɛbɛ, bii ajɔi wahala í na í naa, aa yɔkɔ i kɔò ara nŋɛ si wajui Seetam mbɛɛ nŋɛu. Nɔ bii ì ce igũ ì tã ŋa, i leekĩ dim dim ŋa hee kɔɔ.

Wooda ku kɔsi 14:6

Aa yɔkɔ i ŋɔ mɛɛmu ŋa iyi à nɛ kɔwe ku nɛ afã do iyi à ya naa a kpɔ mii iyi à jɛ a teese a ŋɔɔ fei.

Wooda ku kɔsi 33:29

Iŋɛ ilu inɔ didɔ̃ ŋai iŋɛ inɛi Izirɛli ŋa. Iŋɛ akãi ì jɛ zamaa iyi Aɔ̃ Lafɛ̃ɛ í faaba. Aɔ̃ Lafɛ̃ɛi í jɛ tɛli iyi wa degbe ŋɛ. Nŋui í jɛ taakuba iyi í jɔ̀ ì waa jɛ igũ ŋa. Mbɛɛ nŋɛ ŋa aa ya naa a tɔɔ i ce araarei aŋai, nɔ iŋɛi aa kɛkɛ faau nŋa ŋa.

Piɛɛ 1, 4:3

Ntɔ ntɔ, tako wo ì ce bɛi hai dasi Jesu naanɛ ŋa à ya bi, amma í to bɛɛbɛ. Ì tako ì ce mii iyi í dɔ̃a ara nŋɛ si ŋa, do binɛ, do atɛ̃ ku mɔ do zamaa, do atɛ̃ ku kpa inɛ, do jingau hai nɛ yaase, do iwɛ̃ ku tɔɔ.

Kuyɛi Zãa 22:14

Ilu inɔ didɔ̃ ŋai inɛ ŋa iyi kuwɛɛ nŋa í má bɛi jĩnɛ iyi à fɔ sãa sãa, ku ba a ba kpãa a jɛ isoi jĩi ndii kuwɛɛu nɔ a lɔ inɔ iluu hai do andɛɛ.