Piɛɛ 2, 3:3 - Bibeli do fee

³ Sinte, ǹ bi i mà ŋa iyi si waatii ankãanyi inɛ gɔ ŋa aa na a maa nɛ si idɔɔbi nŋa. Nɔ aa yaako ŋɛ

Piɛɛ 2, 3:3 Iomraidhean Croise

Mɔnda ŋa 1:22

hee waati yoomai aa jɔ̀ icɛi nnyɛi ku ce nŋɛu ŋa. Iŋɛ woo yaako inɛ ŋa, hee waati yoomai aa jɔ̀ inɛ ŋa ku yaako ŋa. Iŋɛ hai nɛ kumà ŋa mɔ, hee waati yoomai aa leekĩò kumà ku cé ŋa.

Mɔnda ŋa 14:6

Woo yaako inɛ í ya dɛdɛ bisi amma ci ya baa, amma kumà ku ba í faalaa ilu laakai.

Mɔnda ŋa 3:34

Baaɛ ci ya wa si woo yaako inɛ ŋa, amma í ya cea inɛ ŋa iyi à kaye ara nŋa didɔ̃.

Ezai 28:14

Na nŋu, iŋɛ woo yaako inɛ ŋau, iŋɛ iyi ì waa jɛ inɛ ngboi zamaau Zeruzalɛmu bɛ, i sotĩ i gbɔ idei Aɔ̃ Lafɛ̃ɛ ŋa.

Ezai 29:20

domi woo taa inɛ ŋa gbugbã kaa wɛɛ má, woo yaako amanɛu mɔ kaa wɛɛ má. Nɔ inɛ ŋa mɔ iyi à ya leekĩ a maa wɔ njoo na laalɔ ku ce ŋau mɔ fei, aa nya ŋai.

Ezai 5:19

Aŋai à ya maa ni, gbãa gbãai à bi ka yɛ mii iyi Aɔ̃ Lafɛ̃ɛ í nɛ ku ce. Sɔɔlui mii ŋa iyi Inɛ Kumái Izirɛliu í ce í jilɛ, ku coo ńya ńya ku ba ka yɔɔ.

Ozee 7:5

Ajɔ iyi à waa jɛa ilaalu jingau, akawe ŋau à ya dasi ara nŋa bɔ̃ɔi na gbugbãi atɛ̃ vɛ̃ɛu. Waati bɛɛbɛi ilaalu í ya to si woo yaako inɛ ŋau awɔ.

Laabaau jiida iyi Zãa í kɔ 12:48

Inɛ iyi í kɔ̀sim nɔ kù gba idem, í nɛ mii iyi á yɛ taalei lafɛ̃ɛi. Ide ŋa iyi ǹ fɔi á yɛ taalei lafɛ̃ɛ si ajɔi ankãanyiu.

Kɔrɛnti 2, 4:2

À nyɔ daai anyɔ ŋa iyi inɛ ŋa à ya ce si asii. A kù wɛɛ do baai bisi laalɔ, a kù kpaasi ide ntɔi Ilaaɔ̃ ibo. Amma à jɔ̀ inɛ ŋa à waa mà ntɔu sãa sãa ku ba inɛ fei ku mà si idɔɛ awa ilu ntɔ ŋai si wajui Ilaaɔ̃.

Timɔtee 2, 3:1

Í sĩa i mà ŋa iyi kuwɛɛ nwa á na ku gaabu si waatii ankãanyi.

Ebɛɛ 1:2

Amma si waatii ankãanyiu ihɛ̃ awa à gbɔ ide ku fɔi Ilaaɔ̃i hai si gɛlɛi Amaɛ takaɛ. Amaui Ilaaɔ̃ í cica ku jɛ woo jɛ tubui mii fei, nŋu iyi aŋaò à taka andunya.

Piɛɛ 2, 1:20

Sinte, i jɔ̀ i mà iyi ihɛ̃ ŋa, iyi idei walii gɔ kù wɛɛ si kukɔi idei Ilaaɔ̃ iyi inɛ gɔ á tusɛ ndɛɛ bɛi í bi,

Piɛɛ 2, 2:10

Inɛ ŋa iyi à waa ce kubi nfe nfei ara nŋa nɔ à donda yiikoi Ilaaɔ̃, wahala nŋa á caa. Woo kɔsi cio ilu ibo ŋau à jɛ ilu faau ŋa do woo tɔɔ fufu ŋa iyi a kù waa ce njoi ilu amboei lele ŋa ku bu.

Zãa 1, 2:18

Iŋɛ amam ŋa, kɔɔi andunya í maai wa. Si bɛi ì gbɔ ŋa à ni inɛ gɔ iyi í jɛ mbɛɛi Kirisi á naa, wee nsɛi, mbɛɛi Kirisi nkpɔ í to wa. Ŋɔi í jɔ̀ à mà iyi kɔɔi andunya í maai wa.

Zudu 1:16

Inɛ ŋau, à ya maa gbagbai, nɔ nkãma kù wɛɛ iyi í ya sĩa nŋa si, binɛ nŋai wa cua nŋa. À ya maa tɔɔ fufui nɔ à ya maa lɛlɛ inɛ ŋai do ide didɔ̃ ku ba a ba mii ndii lafɛ̃ɛ ŋa.

Zudu 1:18

À sɔ̃ ŋɛ wo à ni, si waatii ankãanyi, woo yaako inɛ ŋa aa naa iyi a kù mà bɛɛrɛi Ilaaɔ̃, nɔ binɛ nŋai á maa cua nŋa.