Piɛɛ 2, 2:3 - Bibeli do fee

³ Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.

Piɛɛ 2, 2:3 Iomraidhean Croise

Zɔɔbu 6:27

Aa ya ta kpasa ŋa ku ba i mà inɛ iyi á so kɔyɔ ku jɛ aruɛ, nɔ aa ya ta baa kpaasi nŋɛ ŋa.

Iri ku kɔ̃ 18:44

Awɔi ì nyam hai si awɔi inɛ laalɔ ŋa. Awɔi ì cem inɛ ngboi dimi ŋa, inɛ ŋa iyi n kù mà iyi à waa sũum iri ilɛ.

Iri ku kɔ̃ 66:3

I sɔ̃ Aɔ̃ Lafɛ̃ɛ i ni ŋa, icɛi awɔɛ ŋa í to njo. Na gbugbã nlaɛui í jɔ̀ mbɛɛɛ ŋa à ya naa a sɛɛbata si wajuɛ.

Iri ku kɔ̃ 81:15

anu akãi an kɛkɛ mbɛɛ nŋa ŋa, aŋa iyi à waa tɛɛsɛ ŋa ŋau n kpa ŋa.

Ezai 5:19

Aŋai à ya maa ni, gbãa gbãai à bi ka yɛ mii iyi Aɔ̃ Lafɛ̃ɛ í nɛ ku ce. Sɔɔlui mii ŋa iyi Inɛ Kumái Izirɛliu í ce í jilɛ, ku coo ńya ńya ku ba ka yɔɔ.

Ezai 56:11

Inɛ ŋau aja so n mi ŋai iyi a ci ya yo. Woo degbe ŋai iyi a ci ya gbɔ yaasei nkãma. Aŋa fei à waa too kpãa nŋai, nɔ inɛ fei idei irii nŋu akãɛi wa ce.

Ezai 60:22

Inɛ ŋa iyi a kù kpɔ si nyaanze nŋa, aŋai aa jɛ bɛi amanɛ dubu. Nɔ dimi iyi kù la, nŋui á baa ku jɛ dimi ilu gbugbã. Amu Aɔ̃ Lafɛ̃ɛ, an coo ńya ńyai bii waatiu í to.

Zeremi 6:13

Inɛ ŋau, hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii hee ku koo si woo wee ŋa, aŋa fei ilu ibo ŋai.

Zeremi 8:10

Ŋɔi Aɔ̃ Lafɛ̃ɛ í ni, na nŋu, an na inɛ mmu ŋa abo nŋa ŋa. Nɔ iko nŋa ŋa mɔ, n na inɛ ŋa iyi aa mu ŋa a nɛò ŋau. Bɛɛbɛi an ce nŋa, domi hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii ŋa hee ku koo si woo wee ŋa, aŋa fei ilu ibo ŋai.

Ezekiɛli 13:19

Ì waa bɛjɛ irim ŋai si wajui inɛm ŋa na sɔnda keeke. Ì ya maa sɔa inɛm ŋau ibo ŋai nɔ à ya dasi ŋɛ naanɛ. Ì ya kpa inɛ ŋa iyi i kù nɛ i kpa ŋai nɔ i jɔ̀ inɛ ŋa iyi i kù nɛ i jɔ̀ a wɛɛ ŋa.

Misee 3:11

Woo kiiti nŋɛ ŋa, kiiti iyi à waa ce fei do amua hai nɛ yaase ŋai. Woo wee nŋɛ ŋa, ikɔ nŋa do isãi. Walii nŋɛ ŋa, kuyɛ nŋa do fiai. Nɔ à waa ni, awa inɛi Aɔ̃ Lafɛ̃ɛ ŋai, laalɔ kaa ba wa, Aɔ̃ Lafɛ̃ɛ í wɛɛ do awa.

Abakuku 3:3

Ilaaɔ̃ í naai hai Temaa. Nŋu iyi í má, í naai hai iri kutai Parãa. Amboeɛ í bii lele nɔ andunyau fei í kɔ̃ do saabuɛ. Kusĩmi.

Malasi 1:10

Inɛ akã nŋɛ í nɛ koo cĩmbo gamboi kpasɛ̃m ŋaui wo ku ba i maà naa i koo i maa ko ina si ngbɛ bi ku ce kuweem nɔu ŋa. N kù nɛ inɔ didɔ̃ si ŋɛ, nɔ bɛɛbɛ mɔi kuwee ŋa iyi ì waa ceem ŋa kù waa dɔ̃ɔm si.

Matie 23:14

Iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì ya maa ce kutɔɔ sisɔ ŋa ku ba inɛ ŋa a ni iŋɛu inɛ jiida ŋai. Nɔ wee mii iyi jaaɔ̃ ŋa à nɛ fei ì ya gbaa ŋai. Na ŋɔi í jɔ̀ ijuukpã nŋɛ á la ku re.]

Luku 18:8

Ǹ wa n sɔ̃ ŋɛi, á jɔ̀ a ba ntɔi gbãa gbãa. Amma waati iyi amu Amai Amanɛ an nyi wa má an na n ba naanɛ ku dasi si ilɛu ihɛ̃?

Luku 20:20

Na ŋɔi í jɔ̀ si fei ndɛɛ à ya maa ce laakaiɛ. Nɔ à bɛ siɛ woo zamba gɔ ŋa iyi à yɛ bɛi inɛ jiida ŋa a koo a cɔ laakaiɛ. À bɛ ŋai ku ba a leaa taai ide nɔ a ba kpãa a muu a daa ilu ilɛu si awɔi nŋu iyi í nɛ gbugbã.

Luku 22:47

Iyi Jesu wa fɔ bɛɛbɛ gbakã ŋɔi Zudasi inɛ akãi mɔcɔ maateeji ŋau í to wa do zamaa gɔ. Iyi í to wa í naa wa baabaa Jesu.

Laabaau jiida iyi Zãa í kɔ 2:16

Nɔ í sɔ̃ woo ta ankasiidi ŋau í ni, i fitaò mii ŋau bɛ hai ihɛ̃. I maà sinda kpasɛ̃i Baam ajà nŋɛ.

Romu 16:18

domi inɛ dimi bɛɛbɛ ŋa a kù waa cea Kirisi Lafɛ̃ɛ nwa icɛ, í gbe inɔi aŋa taka nŋa. Do ide didɔ̃ do idei inɛ ku lɛlɛ nŋa ŋaui à ya wa inyii itĩi inɛ ŋa iyi a ci ya ce laakai.

Kɔrɛnti 2, 2:17

A kù jɛ bɛi inɛ gɔ ŋa iyi à waa sisi idei Ilaaɔ̃ na fia. Amma si na iyi í jɔ̀ Ilaaɔ̃i í bɛ wa wa, nŋui í jɔ̀ à waa fɔ ide dee dee na anu akã iyi à ce do Kirisi, kù jɛ do muafiti.

Wooda ku kɔsi 24:17

I maà ti i cea inɛ njoo walakɔ kɔyɔ gɔ kiiti ibo. Nɔ i maà gba acɔi abo jaaɔ̃ gɔ ku jɛ bɛi tɔɔma.

Wooda ku kɔsi 32:35

Ajɔ wa naa si bii an dedeò ide ku kɔ̀ nɔ n sã nŋa mii iyi í nɛ ku ba ŋa bii waatii kucuku nŋa í to. Nɔ kaa kpɛ má waatii wahalau bɛ ku to wa si ŋa. Waatii kucuku nŋa í maai wa mbɛ.

Tɛsalonika 1, 2:5

Iŋɛ taka nŋɛ ì mà sãa sãa ŋa nɔ Ilaaɔ̃ í jɛ sɛɛda nwa iyi a kù lɛlɛ ŋɛ do ide didɔ̃ gɔ, a kù nɔ a kù ce waazou ku ba ka gba fia nŋɛ.

Tɛsalonika 1, 5:3

Waati iyi inɛ ŋa à waa ni laakai ku sũ í wɛɛ, zigiida kù wɛɛ má, bɛ gbakã iri ku kpai andunya á boe ŋa bɛi ara kuro í ya ba bãasĩ. A kaa ba bii aa sa a bɔ má.

Timɔtee 1, 3:3

Nɔ ku maà jɛ woo mɔ atɛ̃ hee ku kpaa walakɔ woo bi ija, amma ku jɛ ilu suuru iyi wa dɛ laakai ku sũ, nɔ ku maà jɛ woo bi fia yaamɔ.

Timɔtee 1, 3:8

Bɛɛbɛ mɔi á sĩa woo ce icɛi igbɛi inɛi Jesu ŋa a jɛ inɛ ŋa iyi à nɛ bɛɛrɛ, a maà ti a jɛ ilu gɛlɛ minji ŋa, walakɔ woo mɔ atɛ̃ yaamɔ, walakɔ woo dɛ fia do bisi laalɔ.

Timɔtee 1, 6:5

Nɔ í ya jɔ̀ irii inɛ ŋa ku sinda a kaa mà ntɔ, nɔ a maa ce kakɔɔ hai nɛ kɔɔ. À tamaa kpãai idei Ilaaɔ̃ ku too á ce ŋa ilu amani ŋai.

Titee 1:11

Í gbe a ganji ŋa, domi à waa bitandi nyaanze nkpɔ si bɛi à ya maa cio nŋa mii iyi kù jɔ. À ya maa ce bɛɛbɛi ku ba a baò fia do bisi laalɔ.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Piɛɛ 1, 2:8

Nɔ à ni má, kutau ihɛ̃i í ya jɔ̀ inɛ ŋa a koosɛ. Nŋui í ya maa kɛkɛ ŋa. À ya koosɛi si na iyi í jɔ̀ à kɔ̀ ku dasi ideu naanɛ. Nɔ nŋu bɛi Ilaaɔ̃ í jilɛ nŋa.

Piɛɛ 1, 5:2

Ǹ wa n tɔɔ ŋɛ, i gbɔa inɛ ŋa iyi Ilaaɔ̃ í da nŋɛ si awɔ bɛi à ya gbɔa angudã ŋa, ku maà ti ku jɛ do tilasi walakɔ do binɛi fia, amma i na ara nŋɛ si icɛu do inɔ akã si bɛi Ilaaɔ̃ í bi.

Piɛɛ 2, 1:16

Do ntɔ, a kù waa too si ará iyi inɛ ŋa à waa kpa do bisi nŋa, si waati iyi à jɔ̀ ì mà gbugbãi Lafɛ̃ɛ nwa Jesu Kirisi ŋa do kunyiɛ wa. Amma awa taka nwa mɔ à yɛ kulaɛ do iju nwa

Piɛɛ 2, 2:1

Walii ilu ibo ŋa à wɛɛ wo si inɔi inɛ ŋau. Bɛɛbɛ mɔi woo kɔsi cio ilu ibo ŋa aa faata wa si anini nŋɛ. Aa naaò kukɔsi ibo wa do bisi, iyi á ce inɛ ŋa nfe, nɔ aa kɔ̀si Lafɛ̃ɛ iyi í ya ŋa. Bɛɛbɛi aa faa ara nŋa nfe ku ce anu akã.

Piɛɛ 2, 2:9

Bɛɛbɛ mɔi Aɔ̃ Lafɛ̃ɛ í mà bɛi á ce ku faaba inɛ ŋa iyi à mà bɛɛrɛɛ si wahala. Í nɔ í mà bɛi á mu inɛ laalɔ ŋa ku wahala ŋa si ajɔi kiiti.

Zudu 1:11

Aa yɛ ijuukpã, domi tuubai Kaɛ̃ɛi à waa too, à dasi ara nŋa kurara ku ba a ba fia bɛi Balamu í ce, nɔ à kɔ̀si Ilaaɔ̃ bɛi Kore í ce nɔ à ce nfei ara nŋa.

Zudu 1:15

ku kiiti inɛ fei nɔ ku yɛ taalei inɛ ŋa iyi a kù màa ŋau na kuce laalɔ nŋa fei do bɛi à dondaɛ, do na ide laalɔ ŋa iyi ilu dulum ŋa à ya maa fɔaa.

Zudu 1:16

Inɛ ŋau, à ya maa gbagbai, nɔ nkãma kù wɛɛ iyi í ya sĩa nŋa si, binɛ nŋai wa cua nŋa. À ya maa tɔɔ fufui nɔ à ya maa lɛlɛ inɛ ŋai do ide didɔ̃ ku ba a ba mii ndii lafɛ̃ɛ ŋa.

Zudu 1:4

Tilasii n kɔ nŋɛ wa nsɛi si na iyi í jɔ̀ inɛ laalɔ gɔ ŋa à lɔ si inɔ nŋɛ do ile, aŋa iyi à waa kpaasi didɔ̃i Ilaaɔ̃ a ba a ceò daa sãmi nŋa, nɔ a kɔ̀si Jesu Kirisi, nŋu akã iyi í jɛ ilaalu nwa do Lafɛ̃ɛ nwa. Hai tako takoi à kɔ idei ijuukpã iyi inɛ ŋau aa na a yɛ si ajɔi kiitiu.

Zudu 1:7

Bɛɛbɛ mɔi inɛi Sodomu do inɛi Gomɔɔ ŋa do ilu ŋa iyi à kaako ŋa à ya maa ce daa laalɔ bɛi amaleka ŋau. À ya maa ce sɛ̃ɛ ku tɔtɔɔ hai nɛ yaase. Inɛmɔkɔ do inɛmɔkɔ à ya maa sũò njɛ. Na ŋɔi í jɔ̀ à kpa irii ilu ŋau do ina iyi ci ya ku, nɔ nŋu bɛ í jɛa inɛ ŋa sɛɛda.