Piɛɛ 2, 1:1 - Bibeli do fee

¹ Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.

Piɛɛ 2, 1:1 Iomraidhean Croise

Ezai 12:2

Ntɔ ntɔ Ilaaɔ̃i í jɛ woo faaba nwa, siɛi naanɛ nwa í wa, a kù nɛ zigiida má. Aɔ̃ Lafɛ̃ɛi í jɛ gbugbã nwa, nŋui aa ka kɔ̃aa iri. Nŋui í jɛ woo faaba nwa.

Zeremi 33:16

Waati bɛɛbɛ, ilɛi Zudaa á ba faaba, nɔ Zeruzalɛmu mɔ á nɛ laakai ku sũ si iluɛ, nɔ aa ya kpooi, Aɔ̃ Lafɛ̃ɛi í jɛ dee dee ku jɛ nwa.

Matie 10:2

Irii woo bɛ maateeji ŋau wee. Sinte, Simɔɔ iyi à ya kpe Piɛɛu do ifɔɛ Anderee, do ama minjii Zebedee ŋa Zaaki do ifɔɛ Zãa,

Matie 4:18

Ajɔ nŋu gɔ Jesu wa nɛ si itĩi tenku iyi à ya kpe Galilee, ŋɔi í yɛ sɔɔkɔ minji gɔ ŋa, Simɔɔ iyi à ya kpe Piɛɛ do ifɔɛ Anderee, à waa le taao si inɔ tenkuu.

Luku 1:47

Nɔ ǹ wɛɛò inɔ didɔ̃ na irii Ilaaɔ̃ Woo faabam,

Luku 11:49

Ŋɔi í jɔ̀ Ilaaɔ̃ í fɔ si bisiɛ í ni, an bɛ walii ŋa do woo bɛ ŋa si anini nŋa. Aa kpa inɛ gɔ ŋa nɔ a kpã inɛ gɔ ŋa mɔ iju.

Laabaau jiida iyi Zãa í kɔ 1:42

Ŋɔi í bɔò Simɔɔ bi Jesu. Iyi Jesu í cɔɔ nɔ í ni, ǹ mà iyi awɔi ì jɛ Simɔɔ amai Zãa, amma Sefasii aa ya kpeɛ bɛbɛi. (Iriu bɛ do Piɛɛ fei, yaaseɛi í jɛ kuta.)

Laabaau jiida iyi Zãa í kɔ 12:26

Inɛ iyi í wɛɛ na irim ku toom wa. Nɔ bii ǹ wa, bɛi lafɛ̃ɛ mɔ á wa. Bii inɛ gɔ í wɛɛ na irim, Baam á cea lafɛ̃ɛ bɛɛrɛ.

Laabaau jiida iyi Zãa í kɔ 20:21

Ŋɔi Jesu í sɔ̃ ŋa má í ni, laakai ku sũ ku wɛɛ nŋɛ. Si bɛi Baaba í bɛm wa, bɛɛbɛ mɔi amu mɔ ǹ bɛ ŋɛ.

Woo bɛ ŋa 15:14

Simɔɔ í sisi nŋɛ bɛi Ilaaɔ̃ í ce hai sinte í cicaò inɛ gɔ ŋa hai si inɔi dimi mmu ŋau a kpe ŋa inɛɛ ŋa.

Romu 1:1

Amui Pɔlu woo ce icɛi Jesu Kirisi, amu iyi Ilaaɔ̃ í kpe n na n jɛ woo bɛ nɔ í nyam ikã n waazoò laabaau jiidaɛ.

Romu 1:17

Laabaau jiidau wa nyisi iyi Ilaaɔ̃ í ya jɔ̀ inɛ ku jɛ dee dee na naanɛ ku dasi nŋu akã, si bɛi à kɔɔ à ni, inɛ iyi í jɛ dee dee si wajui Ilaaɔ̃ na naanɛ ku dasiu á ba kuwɛɛ.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Kɔrɛnti 1, 15:9

Ntɔ ntɔ, amui ǹ jɛ keekei woo bɛ ŋau. N kù to a kpem woo bɛ, domi ǹ kpã inɛi igbɛi Ilaaɔ̃ ŋa iju.

Kɔrɛnti 1, 9:1

N kù nɛ aram nii? N kù jɛ woo bɛi? N kù yɛ Jesu Lafɛ̃ɛ nwai? I kù jɛ isoi icɛm iyi ǹ cea Lafɛ̃ɛ ŋai?

Kɔrɛnti 2, 4:13

Naanɛ ku dasi nwa í yɛ bɛi ti inɛ iyi í kɔ si kukɔi idei Ilaaɔ̃ í ni, ǹ dasi naanɛ, na ŋɔi í jɔ̀ ǹ wa n fɔ ide. Na nŋu, awa mɔ, si na iyi í jɔ̀ à dasi naanɛ, nŋui í jɔ̀ à waa fɔ.

Kɔrɛnti 2, 5:21

Kirisi, nŋu iyi kù ce dulum kãma, nŋui Ilaaɔ̃ í kãa dulum du wa ku ba ka jɛ dee dee si wajuɛ na anu akã nwa iyi à ce do Kirisi ajɔ.

Galati 2:8

Ilaaɔ̃i í na Piɛɛ gbugbã ku jɛò woo bɛɛ bi Zuifu ŋa, mà irei. Nŋu mɔi í nɔ í nam gbugbã n jɛò woo bɛɛ bi dimi mmu ŋa.

Efɛɛzu 3:5

A kù sɔ̃ inɛi tako ŋa asiii ideu, amma nsɛi Ilaaɔ̃ í jɔ̀ Hundeɛ í nyisi woo bɛ do walii kumáɛ ŋa.

Efɛɛzu 4:11

Amua ŋa iyi í cea inɛ ŋa wee. Í cica inɛ gɔ ŋa à jɛ woo bɛ ŋa, inɛ gɔ ŋa mɔ walii ŋa, inɛ gɔ ŋa mɔ woo sisi laabaau jiida ŋa, inɛ gɔ ŋa mɔ woo degbe inɛi igbɛi Jesu ŋa, inɛ gɔ ŋa mɔ woo kɔ inɛ ŋa si cio.

Efɛɛzu 4:5

Lafɛ̃ɛ akãi í wɛɛ, naanɛ ku dasi akã mɔi í wɛɛ, nɔ inyi ku dasi akãi í wɛɛ.

Filipi 1:1

Amui Pɔlu do Timɔtee, awa woo ce icɛi Jesu Kirisi ŋa. À ce inɛ ŋa iyi Jesu Kirisi í cica à jɛ tɛɛ si ilui Filipi fei fɔɔ, hee do inɛ ŋa iyi à jɛ inɛ ngboi igbɛu do woo ce icɛi igbɛu fei.

Filipi 1:29

domi Ilaaɔ̃ í ce nŋɛ didɔ̃ ì dasiò Kirisi naanɛ ŋa, amma kù jɛ baa iyi bɛ nŋu akã, í ce nŋɛ didɔ̃ má ì ya maa yɛò ijuukpã ŋa na iriɛ.

Filipi 3:9

nɔ n wɛɛ do nŋu. Nɔ ǹ wa n mà n kaa n yɔkɔ n jɛ dee dee na wooda ku jirima, amma ǹ jɛ dee deei si na iyi í jɔ̀ ǹ dasi Kirisi naanɛ. Dee dee ku jɛu wa naai hai bi Ilaaɔ̃ na saabui naanɛ iyi à dasiu.

Timɔtee 2, 1:5

Ǹ wa n ye gigii naanɛ ku dasi hai nɛ muafiti iyi ì nɛ. Dimiɛi ayiɛ Loisi do iyeɛ Enisi à nɛu. Ǹ mà kãm kãm iyi awɔ mɔ ì nɔɔ.

Titee 1:1

Amui Pɔlu, woo ce icɛi Ilaaɔ̃ do woo bɛi Jesu Kirisi, amui ǹ kɔ tiau wa. À bɛm nii n koo n sobi inɛ ŋa iyi Ilaaɔ̃ í cicau ku ba a dasiɛ naanɛ, nɔ a mà ntɔu si gãmɛi kpãai naanɛ ku dasi nwa.

Titee 1:4

Amu Pɔlu ǹ wa n ceɛ tiau ihɛ̃ wai, Titee. Si bɛi do saabum nii ì dasiò Jesu naanɛ bɛi amu mɔ, nŋui í jɔ̀ ì jɛ amaabím. Ilaaɔ̃ Baaba do Jesu Kirisi woo faaba nwa a muuɛ didɔ̃ do laakai akã.

Titee 2:13

nɔ ka maa degbeò ajɔ jiida iyi à waa cɔ kpãaɛ, si bii Jesu Kirisi woo faaba nwa á nyisi amboeɛ. Jesu Kirisi nŋui í jɛ Ilaaɔ̃, nɔ nŋui í la.

Zaaki 1:1

Amui Zaaki woo ce icɛi Ilaaɔ̃ do ti Lafɛ̃ɛ Jesu Kirisi. Ǹ ce dimii Zuifu maateeji ŋa iyi à fangaa si andunya fei fɔɔ.

Piɛɛ 1, 1:1

Amui Piɛɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Ilaaɔ̃ í cica nɔ ì fangaa ì koo ì waa jɛ isɛ mmu ŋa si ilɛi Pɔntu, do Galati, do Kapadosi, do Azii, do Bitini.

Piɛɛ 1, 1:7

Naanɛ ku dasi nŋɛ í nɛ bɛɛrɛ ntɔ ntɔ í re wura, domi wura á na ku tã. Do nŋu fei, do inai à yɔɔ à nya riisiɛ. Bɛɛbɛ mɔi, Ilaaɔ̃ wa cɔ laakaii naanɛ ku dasi nŋɛ ku ba ku mà gbugbãɛ. Nɔ aa ba saabu do amboe do bɛɛrɛ ŋa waati iyi Jesu Kirisi á faata wa.

Piɛɛ 1, 2:7

Kutau, í nɛ bɛɛrɛ bi iŋɛ woo dasi Jesu naanɛ ŋa, amma hai dasi naanɛ ŋa à kɔ̀siɛ. Do nŋu fei, kukɔi idei Ilaaɔ̃ í ni, kuta iyi woo ma ŋa à kɔ̀si nŋui í na í jɛ kuta gbugbãi icui ile.

Piɛɛ 1, 5:1

Nsɛi, si inɔ nŋɛ, inɛ ŋa iyi à jɛ inɛ ngboi igbɛi Ilaaɔ̃ ŋai ǹ wa n fãa. Amu mɔ inɛ ngboi bɛi aŋa mɔ, ǹ nɔ ǹ jɛ́ sɛɛdai ijuukpãi Kirisi nɔ ǹ nɛ ikpɛ̃ si amboe iyi á na ku naa.

Piɛɛ 2, 1:4

Bɛɛbɛi í ce nwa kuwã nla nla ilu bɛɛrɛ ŋa. Kuwã ŋau aa jɔ̀ i yɛ bɛi nŋu takaɛ í yɛ nɔ i saa kuce laalɔ sãmi ŋa iyi í wa si andunya na binɛ.

Zudu 1:1

Amu Zudu woo ce icɛi Jesu Kirisi, amu iyi ǹ jɛ ifɔi Zaaki, amui ǹ wa n kɔ nŋɛ tiau ihɛ̃ wa, iŋɛ iyi Ilaaɔ̃ Baaba í kpe. Í bi ŋɛ, nɔ wa degbe ŋɛ i jɛ ti Jesu Kirisi ŋa.