Piɛɛ 1, 5:9 - Bibeli do fee

⁹ I kɔò ara nŋɛ si wajuɛ do naanɛ ku dasi nla nla domi ì mà ŋa kpaasi woo dasi Jesu naanɛ nŋɛ ŋa iyi à fangaa si andunya fei, ijuukpã dimi akãu bɛi à waa yɛ.

Piɛɛ 1, 5:9 Iomraidhean Croise

Luku 22:32

Amma amu ǹ ce kutɔɔ na iriɛ ku ba naanɛ ku dasiɛ ku maà gaizia. Nɔ awɔ, waati iyi aa kpaasi idɔ má, mua kpaasiɛ ŋa mɔ gbugbã.

Laabaau jiida iyi Zãa í kɔ 16:33

Ide ŋau ihɛ̃ ǹ wa n sɔ̃ ŋɛi ku ba i nɛ laakai ku sũ na anu akã iyi awaɛ ŋa à nɛ. Si andunyau ihɛ̃ aa yɛ ijuukpã ŋa, amma i maà mɔngɔ temua ŋa, domi ǹ kãmia andunya tã.

Woo bɛ ŋa 14:22

Nɔ à mua inɛ ŋa iyi à waa too kpãai Jesuu gbugbã ku ba a leekĩ si naanɛu dim dim. Nɔ à sɔ̃ ŋa à ni, wahala nkpɔ nkpɔi aa ka yɛ ka bɛi ka lɔ si bommai Ilaaɔ̃.

Kɔrɛnti 1, 10:13

I kù yɛ dimii laakai ku cɔ gɔ ŋa iyi kù jɛ dimi iyi inɛ fei í ya yɛ. Ilaaɔ̃ ilu naanɛ kaa jɔ̀ a cɔ laakai nŋɛ ku re zaka bɛi aa yɔkɔ i temuaò ŋa. Amma si laakai ku cɔ baa yooma fei í ya nyi ku ce bi ku fita má ku ba i yɔkɔ temua ŋa.

Efɛɛzu 4:27

I maà jɔ̀ Seetam ku ba bi ku dasi isɛ si ŋɛ.

Efɛɛzu 6:16

Nɔ iyi í re mɔm, i jɔ̀ naanɛ ku dasi ku wɛɛ nŋɛ jiida jiida bɛi tɛli iyi á ganji afa ku nɛ ina iyi Seetam mbɛɛ á ta wau ku to wa si ŋɛ.

Kolosee 2:5

Ntɔ ntɔ, baa do iyi aram í jĩò ŋɛ, lasabum í wa si ŋɛ. Nɔ ǹ nɛ inɔ didɔ̃ si na iyi í jɔ̀ inɛ fei wa ce icɛ si bɛi í jɔ, nɔ naanɛ ku dasi nŋɛ wa leekĩ si Kirisi dim dim.

Tɛsalonika 1, 3:3

ku ba baa inɛ akã nŋɛ ku maà jɔ̀ ijuukpãu ku da zigiɛ. Iŋɛ taka nŋɛ ì waa mà si ŋa, inɛ nŋu kù nɛ bɛi á ce iyi kù ba wa.

Timɔtee 1, 6:12

Jabu jiida si kpãai naanɛ ku dasi. Leekĩ dim dim si kpãai kuwɛɛ hai tã si bii Ilaaɔ̃ í kpeɛ. Na kuwɛɛui ì jɛ sɛɛda jiida si wajui inɛ nkpɔ.

Timɔtee 2, 3:12

Ntɔi, inɛ iyi wa bi ku ce kuwɛɛɛ dee dee si wajui Ilaaɔ̃ si anu akã iyi í ce do Jesu Kirisi kù nɛ bɛi á ce iyi kù yɛ ijuukpã.

Timɔtee 2, 4:7

Ǹ jabu jiida, nɔ ǹ sɛi ǹ bɔ hee kɔɔ, nɔ ǹ wa n leekĩ si naanɛ ku dasi dim dim.

Ebɛɛ 11:33

Na naanɛ ku dasii à jɛ amanlu ŋau igũ, à ce iyi í jɛ dee dee, nɔ à ba à gba mii iyi Ilaaɔ̃ í ce nŋa kuwãɛ. À dĩ gɛlɛi muusu nla ŋa,

Ebɛɛ 12:8

Bii a kù kpã ŋɛ iju bɛi amu ŋa iyi à gbe, debɛi i kù jɛ amai Baaba ŋa, iŋɛ ama seege ŋai.

Zaaki 4:7

Na nŋu, i sũa Ilaaɔ̃ iri ilɛ. I kɔ̀si Seetam á sa nŋɛ ku jĩ.

Piɛɛ 1, 1:6

Na ŋɔi í jɔ̀ ì ya nɛ inɔ didɔ̃ nla nla ŋa, baa bii í jɛ ì wa si inɔ kufɔ nsɛi ŋa si waati keeke si laakai ku cɔ dimi ikã ikã.

Piɛɛ 1, 2:21

Na ideu bɛi Ilaaɔ̃ í kpe ŋɛ domi Kirisi takaɛ í ba ijuukpã na iri nŋɛ nɔ wa nyisi ŋɛ yaase jiida ku ba i too tuubaɛ ŋa.

Piɛɛ 1, 3:14

Baa bii ì waa ba ijuukpã ŋa na dee dee ku jɛ nŋɛ, i nɛ inɔ didɔ̃ ŋa. I maà ce njoi amanɛ ŋa, nɔ i maà ya biti ŋa.

Piɛɛ 1, 4:13

Amma i jɔ̀ inɔ nŋɛ ku dɔ̃ bii ì waa ba ikpɛ̃ si wahalai Kirisi ŋa, ku ba i nɛ inɔ didɔ̃ nla nla ŋa si ajɔ iyi á nyisi amboeɛ.

Kuyɛi Zãa 1:9

Amui Zãa, kpaasi nŋɛ. Anu akã iyi ǹ nɛ do Jesui í jɔ̀ ǹ nɛ ikpɛ̃ si ijuukpã iyi iŋɛ mɔ ì waa yɛ ŋa, do si bommai Ilaaɔ̃, do si temua. À bɔòm gũngũm gɔ iyi à ya kpe Patimɔsi na idei Ilaaɔ̃ do sɛɛdai Jesu iyi ǹ wa n jɛ.

Kuyɛi Zãa 6:11

Iyi à dɔ̃ bɛɛbɛ à tã ŋɔi à daa aŋa fei si jĩnɛ fũfũ, nɔ à sɔ̃ ŋa à ni a temua keeke titã hee jiai woo ce icɛ kpaasi nŋa ŋa ku kɔ̃, aŋa iyi aa na a kpa bɛi à tako à kpa aŋa mɔ.

Kuyɛi Zãa 7:14

Nɔ ǹ jɛaa ǹ ni, lafɛ̃ɛm, n kù mà, awɔi aa mà. Nɔ í sɔ̃m í ni, inɛ ŋau ihɛ̃ à fita wai hai si bɔ̃nɛ nla nla. À fɔ jĩnɛ nŋa ŋa à fũuta ŋa do njɛi ama angudãu.