Piɛɛ 1, 5:8 - Bibeli do fee

⁸ I mu ara nŋɛ ŋa, i jɔ̀ hunde nŋɛ ku wɔ njoo, domi Seetam mbɛɛ nŋɛi, í dabii wa dɔ̃ anu bɛi muusu nla, wa dɛdɛ inɛ iyi á ŋɔ.

Piɛɛ 1, 5:8 Iomraidhean Croise

Ɛsitɛɛ 7:6

Nɔ Ɛsitɛɛ í jɛa í ni, mbɛɛ nwa iyi wa kpã wa iju, nŋui í jɛ Hamaa inɛ laalɔu ihɛ̃. Ŋɔi njo í mu Hamaa si wajui ilaaluu do si wajui Ɛsitɛɛ.

Zɔɔbu 2:2

Ŋɔi Aɔ̃ Lafɛ̃ɛ í bee Seetam í ni, hai iwoi ì waa naa. Nɔ Seetam í jɛaa í ni, ǹ koo ǹ dabii si andunya ǹ kaakoɛ wai.

Iri ku kɔ̃ 104:21

Ama muusu nla ŋa à ya maa dɔ̃ anui a maa dɛdɛ iŋa iyi aa ŋɔ. À ya maa tɔɔ Ilaaɔ̃ sɔnda nŋai.

Iri ku kɔ̃ 109:6

À ya fɔ si gãmɛm nii a maa ni, ka jɔ̀ inɛ gɔ ku yɛ taaleɛ nɔ lafɛ̃ɛ ku maa leekĩ do awɔ njɛɛ.

Mɔnda ŋa 19:12

Idɔɔkɔ̃i ilaalu í ya jɔ̀ njo ku mu inɛi bɛi anu kudɔ̃i muusu nla, amma jiida ku jɛɛ í dɔ̃i bɛi ikpã í ya dɔ̃a fɔfɔ tũtũ si.

Mɔnda ŋa 20:2

Idɔɔkɔ̃i ilaalu í ya nɛ njoi bɛi anu kudɔ̃i muusu nla. Inɛ iyi wa dedeɛ, hundeɛ wa wɔ̀ jɔlɔi.

Mɔnda ŋa 28:15

Amanlu ilu inɔ kukã iyi í jɛ bomma si ilu are ŋa, í yɛi bɛi muusu nla iyi wa dɔ̃ anu walakɔ bɛi mɛɛmu kugaabu gɔ iyi wa sɛi si inɛ gɔ.

Ezai 50:8

Aɔ̃ Lafɛ̃ɛ í wa kɔkɔm, nŋui á nam ntɔ. Yooi wa bi ku yɛ taalɛm. Lafɛ̃ɛ ku naa wa awaò fei ka bɔ bi woo kiiti. Yooi wa bi ku kɔ̀m ntɔ. Lafɛ̃ɛ ku naa wa bi tom ihɛ̃.

Zeremi 2:15

À waa dɔ̃ si ŋa anu bɛi muusu nla saasaabɔ ŋa. Nɔ à ce nfei ilɛu fei mam mam. À jo ilu nŋa ŋa nɔ inɛi ilu ŋau a kù wa bɛ má.

Zeremi 51:38

Nsɛiu ihɛ̃ titã, inɛi Babilɔni ŋau aa maa dɔ̃ anui bɛi ama muusu nla ŋa do bɛi muusu nla saasaabɔ ŋa.

Ezekiɛli 19:7

Í mu jaaɔ̃ ŋau í nɛò ŋa nɔ í ce nfei iluu. Inɛi ilɛ ŋau do mii iyi í wa si fei njo í ya mu ŋai na ibai anu ku dɔ̃ɛu.

Ezekiɛli 22:25

Waliiɛ ŋa à yɛi bɛi muusu nla iyi wa dɔ̃ anu wa ŋɔò mɛɛmu iyi í mu. À waa kpa inɛ ŋa, à waa ko fia nŋa ŋa do mii jiida nŋa ŋa, nɔ à jɔ̀ jaaɔ̃ ŋa à waa kɔ̃ si inɔ iluu.

Daniɛli 6:24

Ŋɔi do inɔ didɔ̃ nla nla, ilaalu í na wooda í ni a nya Daniɛli wa hai si inɔ isau. Ŋɔi à nya Daniɛli wa hai si inɔ isau, nɔ nkãma kù coo si na iyi í jɔ̀ í dasi naanɛɛ si Ilaaɔ̃ Lafɛ̃ɛɛ.

Ozee 11:10

Aru ŋa iyi à mu à nɛò ŋau aa maa too Aɔ̃ Lafɛ̃ɛ wai nŋu iyi á maa dɔ̃ anu bɛi muusu nla. Anu ku dɔ̃ɛu á jɔ̀ ama inɛmɔkɔɛ ŋau a sɛi wai hai tenku do kuyaya.

Ozee 13:8

An bata ŋɛi bɛi mbo iyi í kua amaɛ ŋa. An ga gɛndɛ nŋɛi. An ŋɔ ŋɛi bɛi muusu nla iyei ama í ya ce. Mɛɛmui sako ŋa aa gagaga ŋɛi.

Amɔsu 1:2

Amɔsu í ni, hai iri kutai Siɔ̃ɔ, Aɔ̃ Lafɛ̃ɛ í dɔ̃ anu bɛi muusu nla nɔ à gbɔ imuɛ hee Zeruzalɛmu. Woo degbe ŋa à nɛ inɔ kufɔ domi fɔfɔ kù wɛɛ, nɔ iri kutai Kaamɛli mɔ hee antaiɛ lele fei í gbɛ.

Amɔsu 3:4

Muusu nla í ya dɔ̃ anu inɔ sako bii kù ba sɔnda? Muusu nla saasaabɔ í ya dɔ̃ anu si koloɛ bii kù ba mii iyi í mu?

Amɔsu 3:8

Bii muusu nla wa dɔ̃ anu, yooi zigiɛ kaa da. Bii Aɔ̃ Lafɛ̃ɛ í fɔ ide, yooi kaa ce walii.

Zakari 11:3

À ya ka maa gbɔ anu ku dɔ̃i woo degbe zamaa ŋau, domi jirima nŋa fei í tã. Anu ku dɔ̃i muusu nla ŋai à ya ka maa gbɔ, domi agbo nla jiida iyi í wa itĩi idoi Zuudɛ̃ɛ fei í kpa iri.

Zakari 3:1

Si anyiɛ ǹ ce kuyɛ má. Si kuyɛu ǹ yɛ Zozue woo wee nlau. Ǹ yɛ wa leekĩ si wajui amalekai Aɔ̃ Lafɛ̃ɛ, nɔ Seetam wa leekĩ ikpa awɔ njɛɛ, wa yɛ taaleɛ.

Matie 13:39

Mbɛɛ iyi í gbɔ̃ɔ nŋui í jɛ Seetam. Ajɔi kumuu mɔi í jɛ ajɔ iyi andunya á kpa iri, nɔ woo mu ŋau mɔ aŋai à jɛ amaleka ŋau.

Matie 24:42

Na nŋu, i wɛɛò sɔɔlu ŋa, domi i kù mà ajɔ iyi Lafɛ̃ɛ nŋɛ á nyi wa.

Matie 25:41

Si anyii nŋu, n bɛi n sɔ̃ inɛi awɔ cangam ŋau mɔ n ni, i fa ara nŋɛ hai kɔkɔm, iŋɛ iyi Ilaaɔ̃ í ceekpe. I bɔ si ina iyi ci ya ku, iyi à koa Seetam do amalekaɛ ŋa.

Matie 4:1

Si anyii nŋu, ŋɔi Hundei Ilaaɔ̃ í bɔò Jesu si gbaa ku ba Seetam ku lɛlɛɛ.

Matie 4:11

Ŋɔi Seetam í bɛi í sɛkɛɛ hai bi tɛɛ, nɔ amaleka ŋa à koo à sobiɛ.

Maaku 4:15

Inɛ gɔ ŋa à yɛi bɛi kpãa bii ideu í cuku. Iyi à gbɔ ideu gbakã Seetam í naa í nyaa hai si idɔ nŋa.

Luku 21:34

I ce laakaii ara nŋɛ ŋa ku ba i maà na i jɛ hai nɛ laakai ŋa na atɛ̃ ku mɔ do ijɛ ku bi do lasabui mii ndii andunya ŋa. Bii kù jɛ bɛɛbɛ ajɔu á na ku boe ŋɛi bɛi cɛkũm,

Luku 21:36

Na nŋu, i cɔ kpãa i maa ceò kutɔɔ ŋa waati kãma fei ku ba i ba gbugbã i gbã si mii iyi wa naa fei ŋa, nɔ i yɔkɔ i leekĩ si wajui amu Amai Amanɛ ŋa.

Luku 22:31

Ŋɔi Jesu í ni, Simɔɔ, Simɔɔ, Seetam í tɔɔ kpãa ku ba ku fɛɛ bɛi iya.

Laabaau jiida iyi Zãa í kɔ 8:44

Seetam nii í jɛ baa nŋɛ, nɔ ì waa bi i ce idɔɔbii baa nŋɛu. Hai sinte woo kpa inɛi. Kù waa leekĩ si kpãai ntɔ domi ntɔ kù wa siɛ. Bii wa sɔ ibo, í ya maa fɔi bɛi nŋu takaɛ í yɛ domi ilu iboi, nɔ baai ilu ibo feii.

Kɔrɛnti 2, 2:11

ku ba Seetam ku maà zamba wa. Ntɔi, à mà sãa sãa iyi wa bi ku ce.

Efɛɛzu 4:27

I maà jɔ̀ Seetam ku ba bi ku dasi isɛ si ŋɛ.

Efɛɛzu 6:11

I dĩ jĩnɛi igũ ŋa iyi Ilaaɔ̃ wa mu nŋɛ fei, ku ba i yɔkɔ i leekĩ dim dim i kɔ̀siò kookoosu ikã ikãi Seetam ŋa,

Timɔtee 1, 2:15

Amma inaabo ŋa aa ba faaba si kpãai ama ku bí bii à waa mu ara nŋa nɔ à leekĩ si kpãai naanɛ ku dasi do kubi do kuwɛɛ iyi í má.

Timɔtee 1, 2:9

Bɛɛbɛ mɔi ǹ bi inaabo ŋa a ya dasi jĩnɛ ku nɛ bɛɛrɛ ŋa si azaka. Í sĩa booda nŋa kú jɛ kookoosu jiida si bɛi í jɔ inaabo ŋa iyi à ni aŋa à mà bɛɛrɛi Ilaaɔ̃ a ya ce, ku maà ti ku jɛ do iri kubai faayi walakɔ do sabai wura ŋa walakɔ do lɛgɛ ŋa, nɔ a maà ya dasi jĩnɛi fia nkpɔ nkpɔ.

Timɔtee 1, 3:11

Bɛɛbɛ mɔi í sĩa abo nŋa ŋa a jɛ inɛ ŋa iyi à nɛ bɛɛrɛ, nɔ a maà jɛ woo sɔ irii inɛ, amma a jɛ woo gaya ŋa iyi à nɛ naanɛ si mii fei.

Timɔtee 1, 3:2

Í sĩa lafɛ̃ɛ ku maà nɛ taale gɔ nɔ ku nɛ abo akã lege lege, si anyiɛ nɔ ku jɛ inɛ gɔ iyi í ya saku nɔ ku mà araɛ, ku maà jɛ amanɛ yaka yaka, amma ku jɛ inɛ gɔ iyi í ya yaaɛ inɛ njoo ŋa nɔ ku jɛ inɛ gɔ iyi á yɔkɔ ku kɔ inɛ ŋa si cio.

Timɔtee 2, 4:17

Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Titee 1:8

Amma í gbe ku jɛ inɛ iyi í ya yaaɛ inɛ njoo ŋa, nɔ ku ya bi mii jiida ku ce. Nɔ ku jɛ inɛ iyi í mà araɛ. Ku jɛ inɛ dee dee do inɛ kumá nɔ ku ya saku.

Titee 2:12

Didɔ̃ui wa sobi wa si gãmɛi kɔdɛɛi andunya ku jɔ̀ do si kuwɛɛ iyi kù waa mà bɛɛrɛi Ilaaɔ̃. Bɛɛbɛi aa ka ce kuwɛɛ nwa si andunyau ihɛ̃ dee dee, ka màò ara nwa, nɔ ka màò bɛɛrɛi Ilaaɔ̃,

Titee 2:2

Sɔ̃ mɔkɔ ngbo ŋa a jɔ̀ a mà mii iyi à waa ce, nɔ a jɛ ilu bɛɛrɛ iyi à mà ara nŋa nɔ a leekĩ si kpãai naanɛ ku dasiu dim dim do ti kubi do ti temua.

Titee 2:4

ku ba a mà bɛi aa bi mɔkɔ nŋa ŋa do ama nŋa ŋa.

Titee 2:6

Sɔ̃ awaasũ ŋa mɔ a mà ara nŋa.

Zaaki 4:7

Na nŋu, i sũa Ilaaɔ̃ iri ilɛ. I kɔ̀si Seetam á sa nŋɛ ku jĩ.

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Piɛɛ 1, 4:7

Kɔɔi mii fei í maai wa. Na nŋu, i mu ara nŋɛ do laakai, nɔ i jɔ̀ hunde nŋɛ ku wɔ njoo ku ba i yɔkɔ i ce kutɔɔ ŋa.

Kuyɛi Zãa 12:10

Si anyii nŋu, nɔ ǹ gbɔ ide ku fɔ nla gɔ lele í ni, nsɛi, waatii faabau í to wa. Nsɛi, Aɔ̃ Lafɛ̃ɛ nwa í nyisi gbugbãɛ, nɔ í jilɛ bommaɛ. Nsɛi, inɛ iyi í cicau í gba inɛ ngbo ku jɛɛ, domi woo yɛ taalei inɛ nwa ŋa, nŋu iyi í ya maa fɔ laalɔ nŋa si wajui Ilaaɔ̃ dasãò idũ à nyɔɔ wa hai lele.

Kuyɛi Zãa 12:12

Na nŋu, lele, jɔ̀ i wɛɛò inɔ didɔ̃, nɔ iŋɛ iyi ì wa lele, i wɛɛò inɔ didɔ̃ ŋa. Amma inɔ kufɔi í jɛ ti iŋɛ ilɛ do tenku domi Seetam í kita si ŋɛ wa do idɔɔkɔ̃ nla nla si na iyi í jɔ̀ í mà iyi waati keekei í gbea nŋu.

Kuyɛi Zãa 12:9

Ŋɔi à nyɔ akandama nla nlau wa ilɛ. Akandamaui í jɛ njo iyi í wɛɛ hai tako. Nŋui à ya kpe woo yɛ taalei inɛ walakɔ Seetam. Nɔ nŋui í dĩ ijui inɛi andunya ŋa fei. À nyɔɔ wa ilɛ do amalekaɛ ŋa ajɔ.

Kuyɛi Zãa 20:10

Aa so Seetam nŋu iyi í dĩ ijui inɛ ŋau, a sɔsi ina nla iyi wa jo do fainwitau, tengi bii à dasi mɛɛmuu do walii ilu ibou wo. Bɛi aa yɛ ijuukpã nla nla dasãò idũ hee do ajɔ fei.

Kuyɛi Zãa 20:2

Ŋɔi í bata akandama, njo iyi í wɛɛ hai tako tako, iyi í jɛ woo yɛ taalei inɛ do Seetam nɔu nɔ í dũu do seseeu hee adɔ̃ dubu.

Woo kiiti ŋa 14:5

Ŋɔi Samusɔ̃ɔ do iyeò baaɛ ŋau à waa bɔ Timuna. Waati iyi à waa to bi jĩi ndii rezɛ̃ɛ ŋa iyi à wa Timuna, ŋɔi muusu nla saasaabɔ gɔ wa dɔ̃ anu wa naa ku koò.