Piɛɛ 1, 5:5 - Bibeli do fee

⁵ Bɛɛbɛ mɔi, iŋɛ awaasũ ŋa, i sũa inɛ ngboi igbɛ ŋau iri ilɛ. Iŋɛ fei i jɔ̀ ara ku kaye ku jɛ nŋɛ bɛi ibɔ iyi à ya dasi, domi kukɔi idei Ilaaɔ̃ wa fɔ í ni, Ilaaɔ̃ kù wa anyii woo tɔɔ fufu ŋa, amma wa cea woo kaye ara ŋa didɔ̃.

Piɛɛ 1, 5:5 Iomraidhean Croise

Bomma 2, 6:41

Nsɛi Aɔ̃ Lafɛ̃ɛ, dede i naa si inya bi kusĩmiɛu awɔ do kpakoi akabuuɛu, kpako si bii gbugbãɛ í wau. Aɔ̃ Lafɛ̃ɛ, jɔ̀ faabau ku jɛ ibɔi woo weeɛ ŋau nɔ inɛ ŋa iyi naanɛ nŋa í wa siɛ, a gbɔ ididɔ̃.

Zɔɔbu 22:29

Bii à dasi inɛ gɔ ŋa anyɔ, aa ni na faau nŋai, amma Ilaaɔ̃ í ya faaba inɛ iyi í kaye araɛi.

Zɔɔbu 29:14

Dee dee ku jɛi í jɛ ibɔm, ntɔ ku jirimam nii í jɛ kumboom do bɔngɔtɔbɛɛm.

Iri ku kɔ̃ 132:16

Jɔ̀ faabau ku jɛ bɛi ibɔ iyi woo weeɛ ŋa aa dasi, nɔ inɛ ŋa iyi naanɛ nŋa í wa siɛ, a maa dɔ̃ anu do inɔ didɔ̃.

Iri ku kɔ̃ 132:9

Jɔ̀ faabau ku jɛ bɛi ibɔ iyi woo weeɛ ŋa aa dasi, nɔ inɛ ŋa iyi naanɛ nŋa í wa siɛ, a maa dɔ̃ anu do inɔ didɔ̃.

Iri ku kɔ̃ 138:6

Aɔ̃ Lafɛ̃ɛ í wa lele amma wa yɛ inɛ ŋa iyi à kaye ara nŋa. Nɔ ilu faau ŋa, hai jĩijĩ í mà ŋa.

Mɔnda ŋa 25:7

Á sĩa a na a kpeɛ a ni, naa i buba si kitã iyi í nɛ bɛɛrɛu ihɛ̃, do iyi aa na a dedeɛ si wajui amanlu ŋa a dasiɛ anyɔ.

Mɔnda ŋa 3:34

Baaɛ ci ya wa si woo yaako inɛ ŋa, amma í ya cea inɛ ŋa iyi à kaye ara nŋa didɔ̃.

Ezai 57:15

Ntɔ ntɔ inɛ iyi í wa hee lele feiu, nŋu iyi kuwɛɛɛ kù nɛ kɔɔ, nɔ iriɛ í máu í fɔ í ni, lele bii í mái ǹ wa amma ǹ nyi ǹ wa bi inɛ ŋa iyi à waa taa gbugbã nɔ à waa ba wahala ku ba n dede ŋa nɔ n mu nŋa gbugbã.

Ezai 61:10

Aɔ̃ Lafɛ̃ɛi í jɛ icui inɔ didɔ̃ nla nla bi titom. Aɔ̃ Lafɛ̃ɛm nii í jɔ̀ ǹ wa si ididɔ̃ nla nla, domi faaba iyi í jɔ̀ ǹ ba, í yɛi bɛi ibɔ ŋa iyi í daam si. Í biim nii do ibɔi dee dee ku jɛ bɛi mɔkɔ titɔ̃ iyi í dasi booda kusĩa gɔ si iriɛ bɛi woo wee, do bɛi abo titɔ̃ iyi í ce boodai saba kusĩa ŋa.

Ezai 66:2

Mii ŋa iyi ì waa yɛ ŋau bɛ fei ŋa, awɔm nii í ce ŋa. Do yaase bɛɛbɛi aŋa fei à wɛɛò. Amu Aɔ̃ Lafɛ̃ɛi ǹ wa n sɔ̃ ŋɛ. Si inɛ iyi ijum ŋa í ya wa wee. Ijum í ya wai si ilu are do si hai nɛ gbugbã iyi wa gbɔ idem do jirima nla nla.

Ezekiɛli 26:16

Amanlui inɛi itĩi ido nla ŋau fei aa kitai hai si kitãi bomma nŋau. Aa bɔ ibɔ nla nŋa ŋai do ibɔ ŋa iyi à ce si icɛ ŋau. Zigiidai aa wɛɛò, nɔ ilɛi aa buba. Aa maa yayai hai nɛ kɔɔ nɔ aa wɛɛò zigiidai na mii iyi í baɛ.

Daniɛli 11:12

Ilaalui awɔ cangai kpãai inunuu á na ku dedeò faau na igũ ku jɛu, nɔ á jɔ̀ a kpa sooge dubu nkpɔ nkpɔ. Amma baa do nŋu fei, gbugbãɛ kaa kpɛ.

Kuwee 19:32

I ya dede do jirima si wajui mɔkɔ ngbo ŋa. I ya jirima Aɔ̃ Lafɛ̃ɛ nŋɛ. Amui ǹ jɛ Aɔ̃ Lafɛ̃ɛ.

Luku 22:26

Amma iŋɛ i maà yɛ bɛɛbɛ ŋa. I jɔ̀ inɛ iyi í la í re si inɔ nŋɛ ku baa ku jɛ keeke nŋɛ, nɔ inɛ iyi í jɛ inɛ ngbo kú jɛ amaacɛ nŋɛ.

Romu 12:10

I bi njɛ ŋa, i ce kookaai i ya màò bɛɛrɛi njɛ ŋa.

Romu 13:14

Amma i so daa titɔ̃i Jesu Kirisi Lafɛ̃ɛ nwa, nɔ i maà jɔ̀ daai iŋɛ taka nŋɛ ku maa nɛò ŋɛ i maa ceò binɛ má ŋa.

Efɛɛzu 5:21

Iŋɛ iyi ì mà bɛɛrɛi Kirisi, i ya sũa njɛ iri ilɛ ŋa.

Filipi 2:3

I maà ya ce ngɔgɔ do njɛ ku wã ŋa walakɔ do fufu ku tɔɔ, amma i kaye ara nŋɛ i ya doo inɛ ŋa bɛi mii iyi à re ŋɛ.

Kolosee 3:12

Na nŋu, si na iyi í jɔ̀ Ilaaɔ̃ í bi ŋɛ nɔ í cica ŋɛ ì jɛ tɛɛ ŋa, mii iyi í jɔ i mu ŋa wee. Araare do jiida ku jɛ do ara ku kaye do daa didɔ̃ do temua.

Timɔtee 1, 5:1

Maà ya fɔ si mɔkɔ ngbo ŋa ide do gbugbã, amma jɔ̀ i ba ŋa ide ku fɔ kpɛlɛ kpɛlɛ bɛi baai awɔ takaɛ. Nɔ i cea awaasũ ŋa bɛi ifɔɛ ŋa,

Ebɛɛ 13:17

I gbɔ idei woo cua nŋɛ ŋa nɔ i sũ nŋa iri ilɛ, domi à waa cɔ baanii hunde nŋɛ ŋa si na iyi í jɔ̀ Ilaaɔ̃ á na ku bee ŋa ideɛ. I ce bɛɛbɛ ŋa ku ba a coo do inɔ didɔ̃, ku maà ti ku jɛ do inɔ kufɔ. Bii à coo do inɔ kufɔ, kaa ce nŋɛ aranfãani kãma.

Zaaki 4:6

Amma Ilaaɔ̃ í ya mu nwa didɔ̃ iyi í la í re. Nɔ bɛɛbɛi kukɔi idei Ilaaɔ̃ wa fɔ í ni, Ilaaɔ̃ kù wa anyii ilu faau ŋa amma woo kaye ara ŋai wa mua didɔ̃ɛ.

Piɛɛ 1, 3:8

Si anyii fei ndɛɛ i jɔ̀ iŋɛ fei i nɛ lasabu akã do kubi akã ŋa. I bi njɛ bɛi nyaanze akã ŋa, i ce araarei njɛ do ara ku kaye ŋa.

Piɛɛ 1, 4:1

Kirisi í ba ijuukpã si araɛ. Na nŋu, i mà ŋa iyi iŋɛ mɔ aa ba ijuukpã nɔ í sĩa i yɔkɔ temua ŋa, domi inɛ iyi í temuaò ijuukpã si araɛ, dulum kaa kãmiaɛ má,

Piɛɛ 1, 4:5

Amma aa na a koo a sisi daa nŋa bi Ilaaɔ̃, nŋu iyi í tã sɔɔlu ku kiiti ilu hunde do iku ŋa.