Piɛɛ 1, 5:4 - Bibeli do fee

⁴ Nɔ waati iyi Kirisi á faata wa, nŋu iyi í jɛ inɛ ngboi woo degbe ŋau, aa gba riba ilu amboe iyi kusĩaɛ kaa tã ŋa.

Piɛɛ 1, 5:4 Iomraidhean Croise

Iri ku kɔ̃ 23:1

Iriu ihɛ̃ ti Davidii. Aɔ̃ Lafɛ̃ɛ í jɛ woo degbem. N kaa n kua nkãma.

Ezai 40:11

Í yɛi bɛi woo degbe iyi wa gbã mɛɛmu gaaɛ, nɔ wa tɔtɔɔ ŋa do awɔɛ iyi í wu si ŋa. Í ya so ama angudã ŋau wai si ikpaɛ, nɔ ku gbã iye ŋau ku naaò ŋa wa ku ba a mɔmɔ.

Ezekiɛli 34:23

Woo degbe akãi an jilɛ nŋa iyi á maa gbã ŋa nɔ ku maa gbɔ nŋa. Woo ce icɛm Davidii á jɛ woo degbe nŋa, nŋui á maa cɔ mɛɛmu gaam ŋau.

Ezekiɛli 37:24

Davidi woo ce icɛm nii á jɛ ilaalu nŋa, nŋu akãi á jɛ woo degbe nŋa. Aa maa mu kukɔi idem ŋa nɔ a maa jirima woodam ŋa a maa ceò ŋa icɛ.

Daniɛli 12:3

Inɛ ŋa iyi à jɛ ilu laakai ŋa aa maa daanai bɛi inya kumái lelei Aɔ̃. Aŋa iyi aa nyisi inɛ ŋa yaase bɛi aa jɛò dee dee bi Ilaaɔ̃, aa maa daanai waati kãma fei bɛi leleaɔ̃ ŋa.

Zakari 13:7

Aɔ̃ Lafɛ̃ɛi lele do ilɛ í ni, taakuba, cuku si woo degbe inɛm ŋa, nŋu iyi ǹ jɔ̀ í jɛ minjisiam. Kpa woo degbeu nɔ angudã ŋau a fangaa bii fei, nɔ n cuku si iyi a kù nɛ gbugbã ŋau mɔ.

Laabaau jiida iyi Zãa í kɔ 10:11

Amui ǹ jɛ woo degbe jiida. Woo degbe jiida í ya jɛsi nŋu ku kui na irii angudãɛ ŋa.

Kɔrɛnti 1, 9:25

Woo ce gaasai kusɛi ŋa à ya maa mu ara nŋai si fei ndɛɛ. À waa ce bɛɛbɛi ku ba a ba fulai wua ŋa iyi aa gbɛ. Amma awa à waa cei ku ba ka ba iyi ci ya tã.

Timɔtee 2, 4:8

Nsɛi, ǹ mà iyi an ba ribai dee dee ku jɛ. Lafɛ̃ɛ woo kiiti dee deei á muum si ajɔ nŋu. Kù jɛ amu akã, amma hee do inɛ ŋa iyi à bi ajɔi kunyiɛ wa fei.

Ebɛɛ 13:20

Lafɛ̃ɛ nwa Jesui í jɛ Woo degbe iyi í re. Na njɛɛ iyi í nikã, í jilɛ nwa akabuu titɔ̃ iyi ci ya tã. Na nŋu Ilaaɔ̃ ilu laakai ku sũ, nŋu iyi í dedeɛ hai si balɛ,

Zaaki 1:12

Ilu inɔ didɔ̃i inɛ iyi í yɔkɔ í leekĩ dim dim si waati iyi Ilaaɔ̃ wa cɔ laakaiɛ, domi si anyii laakai ku cɔu á ba ribai kuwɛɛ hai tã iyi Aɔ̃ Lafɛ̃ɛ í wãò inɛ ŋa iyi à buu.

Piɛɛ 1, 1:4

Nɔ í jilɛ nwa tubu iyi kaa bɛjɛ, kaa riisi, nɔ kusĩaɛ kaa tã. Tubuui à jilɛ nŋɛ lele,

Piɛɛ 1, 2:25

Tako wo ì yɛ ŋai bɛi angudã ŋa iyi à nyɔ, amma nsɛi ì nyi wa bi woo degbeu ŋa, nŋu iyi wa degbe ŋɛ.

Piɛɛ 1, 5:2

Ǹ wa n tɔɔ ŋɛ, i gbɔa inɛ ŋa iyi Ilaaɔ̃ í da nŋɛ si awɔ bɛi à ya gbɔa angudã ŋa, ku maà ti ku jɛ do tilasi walakɔ do binɛi fia, amma i na ara nŋɛ si icɛu do inɔ akã si bɛi Ilaaɔ̃ í bi.

Zãa 1, 3:2

Iŋɛ baakɔɔm ŋa, si nsɛi à jɛ amai Ilaaɔ̃ ŋa, amma a kù mà bɛirei aa ka na ka yɛ ala. Do nŋu fei, à mà waati iyi Kirisi á na ku faata wa aa ka jɔɔ, domi aa ka yɔɔ bɛi í yɛ.

Kuyɛi Zãa 1:7

Wee wa naa si kudũi ijĩ. Nɔ ijui inɛ fei á yɔɔ, baa inɛ ŋa iyi à gũu à kpaa. Dimi ikã ikãi andunya fei á kpata na iriɛ. Bɛɛbɛi á ce. Ami.

Kuyɛi Zãa 2:10

I maà ce njo na ijuukpã iyi wa naa si ŋɛ. Seetam á jɔ̀ a dasi inɛ gɔ nŋɛ ŋa piisɔ̃ɔ ku cɔ laakai nŋɛ. Aa yɛ wahala hee ajɔ mɛɛwa ŋa. Amma i jɔ̀ i leekĩ dim dim hee i koo i kuò ŋa. Bii ì ce bɛɛbɛ ŋa an mu nŋɛ kuwɛɛ ku jɛ riba nŋɛ.

Kuyɛi Zãa 3:11

An nyi wa kaa kpɛ. Naanɛ iyi ì nɛ ŋa, i muu dim dim ŋa ku ba inɛ gɔ ku maà na ku gba ribai igũ ku jɛ nŋɛ.