Piɛɛ 1, 5:3 - Bibeli do fee

³ I maà taa inɛ ŋa iyi à da nŋɛ si awɔ ŋau gbugbã, amma i nyisi ŋa kuce jiida iyi aa too si.

Piɛɛ 1, 5:3 Iomraidhean Croise

Iri ku kɔ̃ 33:12

Inɔ didɔ̃i í ya jɛ ti ilɛ iyi í nɛ Ilaaɔ̃ í jɛ Lafɛ̃ɛɛ. Ilu inɔ didɔ̃ ŋai dimi ŋa iyi Aɔ̃ Lafɛ̃ɛ í cica à jɛ titɛɛ.

Iri ku kɔ̃ 74:2

Ye gigii awa inɛɛ ŋa, awa iyi ì ya nɔ à jɛ tɛɛ ŋa hai ku kpɛ. Awai à jɛ dimi ŋa iyi ì jilɛ à jɛ bɛi tubuɛ. Ye gigii iri kutai Siɔ̃ɔ tengi bii ì ce bi kuwaɛu.

Ezekiɛli 34:4

Mɛɛmu ŋa iyi a kù nɛ gbugbã, i ci ya mu nŋa gbugbã ŋa. I ci ya gbɔa iyi a kù nɛ baani ŋa. Iyi à nɛ kumɛɛ ŋa, i ci ya da nŋa si iwɔ ŋa. Gɔgɔ ŋa iyi à ga ara nŋa à nyɔ, i ci ya dɛdɛ ŋa wa ŋa. Amma ì ya maa tɛɛsɛ ŋa ŋai nɔ ì ya maa ta nŋa gbugbã ŋai.

Misee 7:14

Aɔ̃ Lafɛ̃ɛ, gbã inɛɛ ŋa iyi à jɛ titɛɛ ŋau wa do goloɛ. Inɛɛ ŋau à wa si inɔ sako nla aŋa akã si aninii jĩi ŋa. Gbã ŋa wa bɛi ì tako ì gbã ŋa si ilɛ jiidai Basãa do Galaadiu.

Kuka 18:7

Amma awɔ Arɔ̃ɔ, awɔ do amaɛ ŋa i ya ce icɛi kuwee ŋau bi ku ce kuweeu do ile iyi í re do kumáu iyi í wa do anyii acɔ iyi í fɛɛfɛ ile iyi í re do kumáu do iyi í máu. Amui ǹ ce nŋɛ amuai icɛu bɛ. Bii inɛ mmu gɔ í maai wa bɛ, aa kpaai.

Laabaau jiida iyi Zãa í kɔ 13:15

Yaase jiidai ǹ nyisi ŋɛ bɛ ku ba iŋɛ mɔ i ya cea njɛ bɛi ǹ ce nŋɛ.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Kɔrɛnti 1, 11:11

Amma do nŋu fei si wajui Lafɛ̃ɛ inɛ gɔ kaa yɔkɔ ku ni nŋu í nɛ gbugbã nŋu ku ce kuwɛɛi nŋu ikã, domi inaabo í nɛ bukaatai inɛmɔkɔ, inɛmɔkɔ mɔ í nɛ bukaatai inaabo.

Kɔrɛnti 1, 3:5

Yooi í jɛ Apolo. Mà yooi í jɛ Pɔlu. Awa taka nwa mɔ amaacɛi Ilaaɔ̃ ŋai. Awa fei, icɛ iyi Lafɛ̃ɛ í dasi wai à waa ce, ku ba i dasi naanɛ ŋa do saabui icɛ nwa.

Kɔrɛnti 1, 3:9

Ntɔ ntɔ awa à waa ce icɛi do Ilaaɔ̃ ajɔ, nɔ iŋɛ ì yɛ ŋai bɛi ikoi Ilaaɔ̃. Iŋɛi ì yɛ má ŋa bɛi ile iyi Ilaaɔ̃ wa ma.

Kɔrɛnti 2, 1:24

A kù bi ka jilɛ nŋɛ ide gɔ do tilasi si naanɛ ku dasi nŋɛ si na iyi í jɔ̀ ì waa leekĩ dim dim ŋa tã si naanɛ ku dasiu, amma à bi ka ce icɛi awaɛ ŋa ajɔ ka mu nŋɛ inɔ didɔ̃.

Kɔrɛnti 2, 4:5

Do ntɔ, a kù waa waazo idei iri nwa. Si waazo nwa à waa fɔ iyi Jesu Kirisii í jɛ Lafɛ̃ɛ nɔ awa mɔ à jɛ woo ce icɛ nŋɛ ŋa na iriɛ.

Wooda ku kɔsi 32:9

Amma í jilɛa araɛ zamaai inɛi Izirɛli ŋau. Nŋu takaɛi wa degbe nyaanzei Zakɔbu ŋau.

Filipi 3:17

Iŋɛ inɛm ŋa, iŋɛ fei i sìsìim ŋa. À nyisi ŋɛ kuce jiida. Na nŋu, i ya maa cɔ inɛ ŋa mɔ iyi à yɔkɔ à waa ce bɛɛbɛ.

Filipi 4:9

Ide iyi ǹ kɔ nŋɛ si nɔ ì jɛsi ŋau, do iyi ǹ sɔ̃ ŋɛ do iyi ì yɛ ǹ ce ŋa, i ya coo ŋa. Nɔ Ilaaɔ̃, nŋu iyi wa mu nwa laakai ku sũ á wɛɛ do iŋɛ.

Tɛsalonika 1, 1:7

Si bɛɛbɛ, ì baa ì jɛ yaase jiida iyi woo dasi Jesu naanɛ ŋa iyi à wa ilɛi Masedɔni do Gɛrɛsi fei aa yɔkɔ a too si.

Tɛsalonika 2, 3:9

Kù jɛ a ni a kù nɛ kpãaɛ, amma à bi awa taka nwa ka nyisi ŋɛ yaase jiida iyi iŋɛ mɔ aa yɔkɔ i sìsì ŋa,

Timɔtee 1, 4:12

Maà ti i jɔ̀ a dondaɛ na awaasũ ku jɛɛ, amma jɔ̀ i nyisi woo dasi Jesu naanɛ ŋa yaase jiida si ide ku fɔɛ, do kuceɛ, do kubiɛ, do naanɛ ku dasiɛ, do dee dee ku jɛɛ.

Titee 2:7

Bɛɛbɛ mɔi awɔ takaɛ, i ya jɔ̀ a yɛ siɛ jiida ku ce si mii fei. Si cioɛ, nyisi ŋa iyi ì jɛ dee dee nɔ ì waa ce mii iyi à dasiɛ.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.