Piɛɛ 1, 5:2 - Bibeli do fee

² Ǹ wa n tɔɔ ŋɛ, i gbɔa inɛ ŋa iyi Ilaaɔ̃ í da nŋɛ si awɔ bɛi à ya gbɔa angudã ŋa, ku maà ti ku jɛ do tilasi walakɔ do binɛi fia, amma i na ara nŋɛ si icɛu do inɔ akã si bɛi Ilaaɔ̃ í bi.

Piɛɛ 1, 5:2 Iomraidhean Croise

Ilaalu 2, 12:6

i koo i gbaa hai bi woo mu fiai kpasɛ̃i Aɔ̃ Lafɛ̃ɛu wa ŋa. Nɔ i so fiau ŋa i koo i teeseò kpasɛ̃u tengi bii í lɛgɛ fei.

Iri ku kɔ̃ iyi í dɔ̃ í re 1:8

awɔ iyi ì re inaabo fei do kusĩa, bii i kù mà inyau, fita i too akpai angudãɛ ŋa nɔ i gbã ama iwoɛ ŋa, i koo i maa cɔ ŋa kɔkɔi kpasɛ̃i woo degbe ŋau.

Ezai 40:11

Í yɛi bɛi woo degbe iyi wa gbã mɛɛmu gaaɛ, nɔ wa tɔtɔɔ ŋa do awɔɛ iyi í wu si ŋa. Í ya so ama angudã ŋau wai si ikpaɛ, nɔ ku gbã iye ŋau ku naaò ŋa wa ku ba a mɔmɔ.

Ezai 56:11

Inɛ ŋau aja so n mi ŋai iyi a ci ya yo. Woo degbe ŋai iyi a ci ya gbɔ yaasei nkãma. Aŋa fei à waa too kpãa nŋai, nɔ inɛ fei idei irii nŋu akãɛi wa ce.

Ezai 6:8

Si anyii nŋu, ŋɔi ǹ gbɔ Aɔ̃ Lafɛ̃ɛ wa ni, yooi an bɛ. Yooi á jɛ inɛ iyi á koo ku fɔ nwa ide. Ŋɔi ǹ jɛaa ǹ ni, ǹ tã sɔɔlu, bɛm.

Ezai 63:11

Ŋɔi inɛɛ ŋau à ye gigii faajii waatii Moizi, à waa ni, hee iwoi Ilaaɔ̃ í wa, nŋu iyi í tako í jɔ̀ inɛ ŋa à kua tenkuu bɛi mɛɛmu gaa do woo degbe nŋa. Hee iwoi nŋu iyi í da nŋa si hunde kumáɛu í wa.

Zeremi 13:17

Bii ì kɔ̀ ku gbɔ iyi ihɛ̃ ŋa, an kpatai si asii na faau nŋɛ. An kpatai ntɔ ntɔ si na iyi í jɔ̀ aa na a mu mɛɛmu gaai Aɔ̃ Lafɛ̃ɛ aru a nɛò.

Zeremi 13:20

Wu iju nɔ i cɔ inɛ ŋa iyi à waa naa hai ikpa awɔ njɛi kpãai inunu. Hee iwoi mɛɛmu gaa iyi à tako à naɛu í wa. Hee iwoi mɛɛmu gaa iyi í tako wa jɛ bɛɛrɛɛ wou í wa.

Zeremi 6:13

Inɛ ŋau, hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii hee ku koo si woo wee ŋa, aŋa fei ilu ibo ŋai.

Zeremi 8:10

Ŋɔi Aɔ̃ Lafɛ̃ɛ í ni, na nŋu, an na inɛ mmu ŋa abo nŋa ŋa. Nɔ iko nŋa ŋa mɔ, n na inɛ ŋa iyi aa mu ŋa a nɛò ŋau. Bɛɛbɛi an ce nŋa, domi hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii ŋa hee ku koo si woo wee ŋa, aŋa fei ilu ibo ŋai.

Ezekiɛli 34:23

Woo degbe akãi an jilɛ nŋa iyi á maa gbã ŋa nɔ ku maa gbɔ nŋa. Woo ce icɛm Davidii á jɛ woo degbe nŋa, nŋui á maa cɔ mɛɛmu gaam ŋau.

Ezekiɛli 34:31

Ntɔ ntɔ, iŋɛ amanɛ ŋa, iŋɛi ì jɛ bɛi mɛɛmu gaam ŋa iyi ǹ wa n gbɔa. Amui ǹ jɛ Aɔ̃ Lafɛ̃ɛ nŋɛ. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 46:24

Ŋɔi inɛɛu í sɔ̃m í ni, inya tengi bii woo ce icɛi kpasɛ̃ ŋau aa ya se iŋai kuwee ŋa iyi zamaau á naa ku ce mbɛ.

Misee 3:11

Woo kiiti nŋɛ ŋa, kiiti iyi à waa ce fei do amua hai nɛ yaase ŋai. Woo wee nŋɛ ŋa, ikɔ nŋa do isãi. Walii nŋɛ ŋa, kuyɛ nŋa do fiai. Nɔ à waa ni, awa inɛi Aɔ̃ Lafɛ̃ɛ ŋai, laalɔ kaa ba wa, Aɔ̃ Lafɛ̃ɛ í wɛɛ do awa.

Misee 5:4

Nŋui á jɔ̀ laakai ku sũ ku wɛɛ nŋa. Bii inɛi Asiri ŋa à naa si ilɛ nwa, waati iyi aa lɔ si kabai bomma nwa ŋa, aa ka jɔ̀ inɛ ngbo nkpɔ nkpɔ nwa ŋa a dede si ŋa.

Misee 7:14

Aɔ̃ Lafɛ̃ɛ, gbã inɛɛ ŋa iyi à jɛ titɛɛ ŋau wa do goloɛ. Inɛɛ ŋau à wa si inɔ sako nla aŋa akã si aninii jĩi ŋa. Gbã ŋa wa bɛi ì tako ì gbã ŋa si ilɛ jiidai Basãa do Galaadiu.

Zakari 11:17

Inɔ kufɔi á jɛ ti woo degbe iyi í ce nnyɛi, iyi í ya fũsi angudã ŋa awɔ. Taakuba á mɛɛ ikpaɛ do iju njɛɛ. Nɔ ikpaɛu ku gbɛ mam mam, nɔ ijuɛu mɔ ku ku.

Malasi 1:10

Inɛ akã nŋɛ í nɛ koo cĩmbo gamboi kpasɛ̃m ŋaui wo ku ba i maà naa i koo i maa ko ina si ngbɛ bi ku ce kuweem nɔu ŋa. N kù nɛ inɔ didɔ̃ si ŋɛ, nɔ bɛɛbɛ mɔi kuwee ŋa iyi ì waa ceem ŋa kù waa dɔ̃ɔm si.

Kuka 18:7

Amma awɔ Arɔ̃ɔ, awɔ do amaɛ ŋa i ya ce icɛi kuwee ŋau bi ku ce kuweeu do ile iyi í re do kumáu iyi í wa do anyii acɔ iyi í fɛɛfɛ ile iyi í re do kumáu do iyi í máu. Amui ǹ ce nŋɛ amuai icɛu bɛ. Bii inɛ mmu gɔ í maai wa bɛ, aa kpaai.

Luku 12:32

Nɔ Jesu wa ba mɔcɔɛ ŋau ide ku fɔ má í ni, iŋɛ gaa keekem, i maà ti i ce njo ŋa, domi á dɔ̃a Baa nŋɛ si ku jɔ̀ i jɛ amaalu ŋa si bommaɛ.

Woo bɛ ŋa 20:29

Ǹ mà do anyim amanɛ ŋa aa naa si anini nŋɛ bɛi mɛɛmui sako í ya naa si angudã ŋa, a kaa nɔ a jɔ̀ ŋɛ.

Woo bɛ ŋa 21:13

Amma í ni, na mii í ce ì waa kpata bɛɛbɛ ŋa ì waa ganji wɔɔkɔm ŋa. Ǹ tã sɔɔlu n ku na irii icɛi Lafɛ̃ɛ Jesu Zeruzalɛmu bɛ, kù jɛ ku dĩ nŋu akã.

Romu 1:15

Ŋɔi í jɔ̀ ǹ wa n bi n sisia iŋɛ inɛi Romu ŋau mɔ laabaau jiidau ntɔ ntɔ.

Kɔrɛnti 1, 9:7

Inɛ kãma kaa bɔ ikoi igũ do fiai nŋu takaɛ. Inɛ kãma kaa lɔ jĩi ndii rezɛ̃ɛ iyi kù jɛ isoɛ. Nɔ inɛ kãma kaa maa degbe mɛɛmu gaa iyi kù waa mɔ amɔɛ.

Timɔtee 1, 3:3

Nɔ ku maà jɛ woo mɔ atɛ̃ hee ku kpaa walakɔ woo bi ija, amma ku jɛ ilu suuru iyi wa dɛ laakai ku sũ, nɔ ku maà jɛ woo bi fia yaamɔ.

Timɔtee 1, 3:8

Bɛɛbɛ mɔi á sĩa woo ce icɛi igbɛi inɛi Jesu ŋa a jɛ inɛ ŋa iyi à nɛ bɛɛrɛ, a maà ti a jɛ ilu gɛlɛ minji ŋa, walakɔ woo mɔ atɛ̃ yaamɔ, walakɔ woo dɛ fia do bisi laalɔ.

Titee 1:11

Í gbe a ganji ŋa, domi à waa bitandi nyaanze nkpɔ si bɛi à ya maa cio nŋa mii iyi kù jɔ. À ya maa ce bɛɛbɛi ku ba a baò fia do bisi laalɔ.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Titee 3:1

Ye inɛi igbɛi Jesu ŋau fei gigi a ya sũa ilaalui ilɛ ŋa do inɛ ngbo ŋa iri ilɛ, a ya jirima ŋa, nɔ a ya tã sɔɔlu si icɛ jiida fei ku ce.

Filemɔɔ 1:14

Amma n kù bi n ce ngɔgɔ bii kù yeɛ, domi n kù bi i sobim do tilasi, bii kù jɛ do idɔɔbiɛ.

Ebɛɛ 12:15

I ce laakai ŋa kãma nŋɛ ku maà na ku toa didɔ̃i Ilaaɔ̃ anyi, nɔ i maà jɛ ilu inɔ kuro ŋa, domi inɔ kurou á na ku la nɔ ku tosi inɛ nkpɔ bɛi icãi jĩi í ya yɔ.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.