Piɛɛ 1, 5:12 - Bibeli do fee

¹² Ǹ wa n kɔ nŋɛ ide keekeu ihɛ̃ wai do sobii Silasi kpaasi ilu naanɛ nwa. Ǹ bi n mu nŋɛ gbugbã nɔ n nyisi ŋɛ iyi ideu ihɛ̃ iyi ì waa leekĩ si dim dim ŋau, didɔ̃i Ilaaɔ̃i do ntɔ.

Piɛɛ 1, 5:12 Iomraidhean Croise

Laabaau jiida iyi Zãa í kɔ 21:21

Iyi Piɛɛ í yɛ mɔcɔu ŋɔi í bee Jesu í ni, Lafɛ̃ɛ, mɔkɔu ihɛ̃ mɔ ni, bɛirei ti nŋu mɔ á yɛ.

Woo bɛ ŋa 11:23

Iyi í to bɛ í yɛ bɛi Ilaaɔ̃ í cea inɛ ŋau didɔ̃ nɔ inɔɛ í dɔ̃. Ŋɔi í mu nŋa gbugbã ku ba a leekĩ dim dim si Lafɛ̃ɛ do idɔ nŋa fei.

Woo bɛ ŋa 15:22

Iyi Zaaki í fɔ bɛɛbɛ í tã ŋɔi woo bɛ ŋau do inɛ ngbo ŋau do inɛi igbɛ ŋau fei à yɛ iyi í sĩa aŋa a cica inɛ gɔ ŋa hai si inɔi aŋa a bɛ ŋa Antiɔsi do Pɔlu do Baanabasi ajɔ. Ŋɔi à cica Silasi do Zudu iyi à ya kpe Baasaba má, aŋa iyi à nɛ bɛɛrɛ si inɔi kpaasi woo dasi Jesu naanɛ ŋau.

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Romu 5:2

Jesu mɔi í mu nwa kpãa do saabui naanɛ ku dasiu ka sɛkɛɛ si Ilaaɔ̃, nŋu iyi í ce nwa didɔ̃. Na didɔ̃ui à waa leekĩ dim dim nɔ à nɛ inɔ didɔ̃ domi à waa cɔ kpãa iyi aa ka nɛ baa nwa si amboei Ilaaɔ̃.

Kɔrɛnti 1, 15:1

Iŋɛ inɛm ŋa, ǹ wa n ye ŋɛ gigii laabaau jiidau iyi ǹ sɔ̃ ŋɛ wo nɔ ì gbaa ŋa, ì nɔ ì waa leekĩ si ŋa.

Kɔrɛnti 2, 1:19

Ntɔ ntɔ, Jesu Kirisi amai Ilaaɔ̃, nŋu iyi amu do Silasi do Timɔtee à waazo nŋɛu, kù naa do idɔ minji. Amma í naai do ide ntɔi Ilaaɔ̃,

Kɔrɛnti 2, 1:24

A kù bi ka jilɛ nŋɛ ide gɔ do tilasi si naanɛ ku dasi nŋɛ si na iyi í jɔ̀ ì waa leekĩ dim dim ŋa tã si naanɛ ku dasiu, amma à bi ka ce icɛi awaɛ ŋa ajɔ ka mu nŋɛ inɔ didɔ̃.

Efɛɛzu 3:3

do si bɛi nŋu takaɛ í jɔ̀ ǹ mà asiiɛ. Wee ǹ kɔ ideu keeke tã.

Efɛɛzu 6:21

Tisiki baakɔɔ nwa, woo ce icɛ ilu naanɛ si kpãai icɛi Lafɛ̃ɛ, á sisi nŋɛ laabaaum fei ku ba i mà bɛi ǹ wɛɛò ŋa do mii iyi ǹ wa n ce.

Kolosee 1:7

Epafaasi, woo ce icɛ baakɔɔ nwaui í kɔ nŋɛ si. Wa ce icɛ na aranfãani nŋɛ, nŋu iyi í jɛ ilu naanɛ woo ce icɛi Kirisi.

Kolosee 4:7

Tisiki baakɔɔ nwa, nŋu iyi í jɛ woo ce icɛ ilu naanɛ do minjisiam si icɛi Lafɛ̃ɛ, á sisi nŋɛ baaum fei.

Kolosee 4:9

Onezimu, baakɔɔ nwa ilu naanɛ, iyi í jɛ inɛi ide nŋɛui á suu wa. Aŋai aa sisi nŋɛ mii iyi í ba wa ihɛ̃ fei.

Tɛsalonika 1, 1:1

Amu Pɔlu do Silasi do Timɔtee, à ce ŋɛ fɔɔ, iŋɛ inɛi igbɛi Jesu ŋa iyi ì wa Tɛsalonika ŋa, iŋɛ iyi ì jɛ ti Ilaaɔ̃ Baaba do ti Lafɛ̃ɛ Jesu Kirisi ŋa. Didɔ̃ do laakai ku sũ ku wɛɛ nŋɛ.

Tɛsalonika 2, 1:1

Amu Pɔlu do Silasi do Timɔtee à ce ŋɛ fɔɔ, iŋɛ inɛi igbɛi Jesu ŋa iyi ì wa Tɛsalonika ŋa, iŋɛ iyi ì jɛ ti Ilaaɔ̃ Baa nwa do ti Lafɛ̃ɛ Jesu Kirisi.

Ebɛɛ 13:22

Iŋɛ inɛm ŋa, ǹ wa n tɔɔ ŋɛ i jɔ̀ i gbɔ idei gbugbã ku mua iyi ǹ kɔ nŋɛ wa si tiau ihɛ̃ do temua, domi kù sɔ.

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Piɛɛ 1, 4:10

Inɛ baa yooma nŋɛ fei í ba amua hai bi Ilaaɔ̃. Na nŋu, i ceò amua ikã ikãi Ilaaɔ̃u icɛ ŋa i maa sobiò njɛ bɛi woo ce icɛ ilu naanɛ ŋa.

Piɛɛ 2, 1:12

Na ŋɔi í ce n kaa n gbɛɛjiò ku ye ŋɛ gigii mii ŋau ihɛ̃, baa do iyi ì màa tã ŋa nɔ ì waa leekĩ dim dim si ntɔ iyi ì waa mu nsɛiu ihɛ̃ ŋa.

Piɛɛ 2, 2:15

À jɔ̀ kpãa jiida nɔ à nyɔ. À too kpãai walii Balamu amai Beɔɔ, nŋu iyi í bi ribai laalɔ ku jɛ.

Zãa 3, 1:12

Inɛ fei, hee do ntɔ takaɛ fei à waa jɛ sɛɛdai jiida ku jɛi Demɛtiusi. Nɔ awa taka nwa mɔ à waa jɛ sɛɛdai jiida ku jɛɛu, ì nɔ ì mà iyi sɛɛda nwa í jɛ ntɔ.

Zudu 1:3

Iŋɛ baakɔɔm ŋa, ǹ dasi idɔ wo ntɔ ntɔ n kɔ nŋɛ tia wa, na idei faabai awaɛ ŋau. Amma wee ǹ yɛ í cem tilasi n kɔ nŋɛ tiau ihɛ̃ wa nsɛi n kɔ̃ɔ nŋɛ si himma ku ba i jabu i maa leekĩ si kukɔsi ntɔ iyi à na inɛi Ilaaɔ̃ ŋa gbakã akã hee do ajɔ fei.