Piɛɛ 1, 5:1 - Bibeli do fee

¹ Nsɛi, si inɔ nŋɛ, inɛ ŋa iyi à jɛ inɛ ngboi igbɛi Ilaaɔ̃ ŋai ǹ wa n fãa. Amu mɔ inɛ ngboi bɛi aŋa mɔ, ǹ nɔ ǹ jɛ́ sɛɛdai ijuukpãi Kirisi nɔ ǹ nɛ ikpɛ̃ si amboe iyi á na ku naa.

Piɛɛ 1, 5:1 Iomraidhean Croise

Luku 24:48

Iŋɛi aa jɛ sɛɛdai ide ŋau bɛ fei ŋa.

Woo bɛ ŋa 1:8

Amma aa ba gbugbã ŋa waati iyi Hundei Ilaaɔ̃ á naa si ŋɛ. Aa jɛa inɛ ŋa sɛɛdam ŋa si ilui Zeruzalɛmu, do si ilɛi Zudee fei, do si ilɛi Samari hee ku bɔ do kɔɔi andunya fei.

Woo bɛ ŋa 11:30

Ŋɔi à ce bɛɛbɛ, nɔ à jɔ̀ Baanabasi do Sɔlu à kooò amuau bi inɛ ngboi kpaasi nŋa ŋau.

Woo bɛ ŋa 14:23

Ŋɔi à cicaa igbɛi inɛi Jesu ŋa fei inɛ ngbo ŋa. Si anyiɛ nɔ à ce kutɔɔ do anu ku dĩ à so ŋa à daa Lafɛ̃ɛ si awɔ, nŋu iyi à dasi naanɛu.

Woo bɛ ŋa 15:4

Iyi à to Zeruzalɛmu, ŋɔi inɛi igbɛi Jesu ŋau do woo bɛ ŋau do inɛ ngbo ŋau à gba ŋa do inɔ didɔ̃. Ŋɔi Pɔlu do Baanabasi à sisi nŋa mii iyi Ilaaɔ̃ í ce fei na icɛi aŋa.

Woo bɛ ŋa 15:6

Ŋɔi woo bɛ ŋau do inɛ ngbo ŋau à tɔtɔɔ a wũa ideu.

Woo bɛ ŋa 2:32

Jesuu iyi ǹ wa n fɔ ideɛ, Ilaaɔ̃ í jũu hai si balɛ nɔ awa fei à jɛ sɛɛda.

Woo bɛ ŋa 20:17

Ŋɔi hai Milee Pɔlu í bɛ ama Efɛɛzu í ni a kpe inɛ ngboi igbɛi inɛi Jesu ŋau wa a naa a ba nŋu bɛ.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Woo bɛ ŋa 21:18

Iju kumáɛ ŋɔi awaò Pɔlu ŋa à bɔ bi Zaaki nɔ inɛ ngboi igbɛi Jesu ŋau fei à tɔtɔɔ bɛ.

Woo bɛ ŋa 3:15

Si bɛɛbɛ ì kpa inɛ iyi í jɛ irii kuwɛɛu ŋa. Amma Ilaaɔ̃ í jũu hai si balɛ, nɔ awa à yɔɔ.

Kɔrɛnti 2, 5:1

Arai í jɛ bi kuwa nwa si ilɛu ihɛ̃. Nɔ à mà bii ara nwa í ku, Ilaaɔ̃ í jilɛ nwa bi kuwa lele iyi nŋu takaɛ í ce, kù jɛ amanɛ. Bi kuwau á maa wɛɛi do ajɔ fei.

Kɔrɛnti 2, 5:8

Ntɔ ntɔ à ya ka nɛ wɔɔkɔ. Amma iyi à bi í re fei ndɛɛ nŋui í jɛ ka jɔ̀ arau ihɛ̃ ka bɔ bi Lafɛ̃ɛ ka maa wa bi tɛɛ.

Filipi 1:19

domi ǹ mà iri ku kpai iyi ihɛ̃ nŋui í jɛ faabam na saabui kutɔɔ nŋɛ, do sobii Hundei Jesu Kirisi.

Timɔtee 1, 5:1

Maà ya fɔ si mɔkɔ ngbo ŋa ide do gbugbã, amma jɔ̀ i ba ŋa ide ku fɔ kpɛlɛ kpɛlɛ bɛi baai awɔ takaɛ. Nɔ i cea awaasũ ŋa bɛi ifɔɛ ŋa,

Timɔtee 1, 5:19

Bii à naa à sɔ̃ɛ taale iyi inɛ ngboi igbɛ gɔ í ce, maà ti i jɛsi ideu, bii kù jɛ amanɛ minji walakɔ mɛɛta í jɛ sɛɛdaɛ.

Timɔtee 2, 4:8

Nsɛi, ǹ mà iyi an ba ribai dee dee ku jɛ. Lafɛ̃ɛ woo kiiti dee deei á muum si ajɔ nŋu. Kù jɛ amu akã, amma hee do inɛ ŋa iyi à bi ajɔi kunyiɛ wa fei.

Titee 1:5

Ǹ jɔ̀ɛ Kɛrɛti bɛi ku ba i teese ide ŋa iyi í gbeu, nɔ i cica inɛ ngbo ŋa si igbɛi inɛi Jesu ŋa si ilu ŋau fei si bɛi ǹ sɔ̃ɛu.

Filemɔɔ 1:9

do nŋu fei, na kubii í jɔ̀ ǹ wa n tɔɔɛ suuru. Amu Pɔlu, amu iyi ǹ jɛ mɔkɔ ngbo, nɔ wee nsɛi ǹ wa piisɔ̃ɔ na irii Jesu Kirisi,

Ebɛɛ 12:1

Na nŋu, si na iyi í jɔ̀ woo jɛ sɛɛda nkpɔu bɛ wa kaako wa, awa mɔ ka nyɔ mii iyi wa bitandi wa si kuwɛɛ nwa do dulum iyi ci ya kpɛtɛ ku mási wa dim dim. Nɔ ka temua si kpãai kuwɛɛ iyi wa degbe wa bɛi woo sɛi í ya temua si areɛ.

Piɛɛ 1, 1:12

Ilaaɔ̃ í sisia walii ŋau í ni ide iyi nŋu í sɔ̃ ŋau kù jɛ ti aŋa taka nŋa, tu ŋɛi. Nsɛi woo sisi laabaau jiida ŋau à waazo nŋɛ nɔ ì gbɔ ideu ŋa. À fɔ idei do gbugbãi Hundei Ilaaɔ̃ iyi Ilaaɔ̃ í bɛ wa hai lele. Nɔ amaleka ŋau taka nŋa à waa bi a mà yaasei ideu.

Piɛɛ 1, 1:7

Naanɛ ku dasi nŋɛ í nɛ bɛɛrɛ ntɔ ntɔ í re wura, domi wura á na ku tã. Do nŋu fei, do inai à yɔɔ à nya riisiɛ. Bɛɛbɛ mɔi, Ilaaɔ̃ wa cɔ laakaii naanɛ ku dasi nŋɛ ku ba ku mà gbugbãɛ. Nɔ aa ba saabu do amboe do bɛɛrɛ ŋa waati iyi Jesu Kirisi á faata wa.

Piɛɛ 1, 4:13

Amma i jɔ̀ inɔ nŋɛ ku dɔ̃ bii ì waa ba ikpɛ̃ si wahalai Kirisi ŋa, ku ba i nɛ inɔ didɔ̃ nla nla ŋa si ajɔ iyi á nyisi amboeɛ.

Piɛɛ 1, 5:4

Nɔ waati iyi Kirisi á faata wa, nŋu iyi í jɛ inɛ ngboi woo degbe ŋau, aa gba riba ilu amboe iyi kusĩaɛ kaa tã ŋa.

Zãa 1, 3:2

Iŋɛ baakɔɔm ŋa, si nsɛi à jɛ amai Ilaaɔ̃ ŋa, amma a kù mà bɛirei aa ka na ka yɛ ala. Do nŋu fei, à mà waati iyi Kirisi á na ku faata wa aa ka jɔɔ, domi aa ka yɔɔ bɛi í yɛ.

Zãa 2, 1:1

Amu inɛ ngboi igbɛi inɛi Jesu ŋa, ǹ ceɛ fɔɔ, awɔ abo iyi Ilaaɔ̃ í cica. Nɔ ǹ ce amaɛ ŋa mɔ fɔɔ, aŋa iyi ǹ bi si kpãai ntɔu. Nɔ kù jɛ amu akãi ǹ bi ŋa, amma hee do inɛ ŋa iyi à mà ntɔu fei à bi ŋai.

Zãa 3, 1:1

Amu inɛ ngboi igbɛi inɛi Jesu ŋa, ǹ ceɛ fɔɔ Gayusi, awɔ iyi ǹ bi jiida si kpãai ntɔ.

Kuyɛi Zãa 1:9

Amui Zãa, kpaasi nŋɛ. Anu akã iyi ǹ nɛ do Jesui í jɔ̀ ǹ nɛ ikpɛ̃ si ijuukpã iyi iŋɛ mɔ ì waa yɛ ŋa, do si bommai Ilaaɔ̃, do si temua. À bɔòm gũngũm gɔ iyi à ya kpe Patimɔsi na idei Ilaaɔ̃ do sɛɛdai Jesu iyi ǹ wa n jɛ.