Piɛɛ 1, 4:7 - Bibeli do fee

⁷ Kɔɔi mii fei í maai wa. Na nŋu, i mu ara nŋɛ do laakai, nɔ i jɔ̀ hunde nŋɛ ku wɔ njoo ku ba i yɔkɔ i ce kutɔɔ ŋa.

Piɛɛ 1, 4:7 Iomraidhean Croise

Kusintii Andunya 19:35

Ŋɔi à sɔ baa nŋau atɛ̃ vɛ̃ɛu má idũu, nɔ ifɔu mɔ í koo í ba baau ku sũ. Baau kù mà waati iyi amau í na í sũ hee má jɛ waati iyi í dede.

Kusintii Andunya 6:13

Nɔ Ilaaɔ̃ í sɔ̃ Nowee í ni, ǹ dasi idɔ n kpa mii ilu hunde fei si andunya, domi aŋai à jɔ̀ inɔ kukã í la si andunya. An kpa iri nŋai si ilɛu fei.

Woo lasabu 7:2

Í tia i bɔ inɔ kpasɛ̃ bii iku í ce do iyi aa bɔ inɔ kpasɛ̃ bii à waa ce jingau, domi inɛ fei á kui nɔ í sĩa inɛ fei ku maa ye gigiɛ.

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Ezekiɛli 7:6

Nfe ku ce wa naa. Nfe ku ce wa naa. Bi tu ŋɛi wa naa, nɔ wee í to wa tã.

Matie 24:42

Na nŋu, i wɛɛò sɔɔlu ŋa, domi i kù mà ajɔ iyi Lafɛ̃ɛ nŋɛ á nyi wa.

Matie 25:13

Ŋɔi Jesu í ni má, to, na nŋu, i maa cɔ kpãa ŋa domi i kù mà ajɔ iyi an nyi wa ŋa hee má jɛ waatiu.

Luku 21:34

I ce laakaii ara nŋɛ ŋa ku ba i maà na i jɛ hai nɛ laakai ŋa na atɛ̃ ku mɔ do ijɛ ku bi do lasabui mii ndii andunya ŋa. Bii kù jɛ bɛɛbɛ ajɔu á na ku boe ŋɛi bɛi cɛkũm,

Luku 21:36

Na nŋu, i cɔ kpãa i maa ceò kutɔɔ ŋa waati kãma fei ku ba i ba gbugbã i gbã si mii iyi wa naa fei ŋa, nɔ i yɔkɔ i leekĩ si wajui amu Amai Amanɛ ŋa.

Luku 22:46

Nɔ í bee ŋa í ni, na mii í ce ì waa sĩ njoo ŋa. I dede i ce kutɔɔ ŋa ku ba i maà dasi kulɛlɛ ŋa.

Romu 12:12

I wɛɛò inɔ didɔ̃ ŋa na kpãa ku cɔu. I temua si wahala ŋa. I maà ya gbɛɛji do kutɔɔ ŋa.

Kɔrɛnti 1, 15:24

Si anyiɛ, iri ku kpai andunya á to wa, nɔ kù nɛ bɛi á ce iyi Kirisi kù jɛ bomma nɔ ku kãmia mbɛɛɛ ŋau fei. Si anyiɛ nɔ ku so bommau ku daa Ilaaɔ̃ Baaba si awɔ. Ntɔ ntɔ, Kirisi á kpa irii ilu yiiko ŋa do ilu gbugbã ŋa do inɛ ngbo ŋau fei.

Kɔrɛnti 1, 7:29

Inɛm ŋa, iyi ǹ wa n fɔ wee. Waatiu kù sɔ má. Na nŋu, hai nsɛi inɛ iyi í nɛ abo, í sĩa ku yɛ bɛi inɛ iyi kù nɛ abo.

Efɛɛzu 6:18

Waati kãma fei i ya ce kutɔɔ ŋa nɔ i ya maa tɔɔ sobii Ilaaɔ̃ ŋa. I wɔ njoo nɔ i na ara nŋɛ si idei kutɔɔu do gbugbãi Hundei Ilaaɔ̃ ŋa, nɔ i ya ce kutɔɔ na irii woo dasi naanɛ fei ŋa.

Filipi 4:5

I jɔ̀ inɛ fei ku yɛ daa didɔ̃ nŋɛ ŋa, domi kunyii Lafɛ̃ɛ í maai wa.

Kolosee 4:2

I temua si kutɔɔ ŋa, i ya maa tɔɔ Ilaaɔ̃ waati kãma fei nɔ i maa saabuɛ ŋa.

Timɔtee 2, 4:5

Amma awɔ, mu araɛ si mii fei, temua do ijuukpã, ce icɛi laabaau jiidau ku waazoɛ, nɔ i jɔ̀ icɛi idei Ilaaɔ̃ iyi ì waa ce ku kɔ̃ mam mam.

Titee 2:12

Didɔ̃ui wa sobi wa si gãmɛi kɔdɛɛi andunya ku jɔ̀ do si kuwɛɛ iyi kù waa mà bɛɛrɛi Ilaaɔ̃. Bɛɛbɛi aa ka ce kuwɛɛ nwa si andunyau ihɛ̃ dee dee, ka màò ara nwa, nɔ ka màò bɛɛrɛi Ilaaɔ̃,

Ebɛɛ 10:25

Ka maà ti ka jɔ̀ idei kutɔtɔɔ nwa ŋa si bɛi inɛ gɔ ŋa à ya maa ce. Amma ka ya maa mua njɛ gbugbã. Bɛi ì yɛ ajɔi Lafɛ̃ɛ wa maai wa fei, bɛɛbɛ mɔi aa ya maa muaò njɛ gbugbã ŋa.

Ebɛɛ 9:26

Bii í jɛ Kirisi í lɔ bɛ tuuba nkpɔ nkpɔ wo, á yɛ ijuukpã isɛ fɛɛfɛlo hai sintei andunya. Amma nsɛi, si waatii ankãanyiu ihɛ̃, í na araɛ bɛi kuwee gbakã akã iyi í to ku kpa idei dulum hee do ajɔ fei.

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Piɛɛ 1, 3:7

Iŋɛ inɛmɔkɔ ŋa mɔ, si kuwɛɛ nŋɛ do abo nŋɛ ŋa, i ye gigi iyi a kù to ŋɛò gbugbã. I jɔ̀ i mà bɛɛrɛ nŋa ŋa, domi Ilaaɔ̃ á mua aŋa mɔ kuwɛɛ iŋɛò ŋa ajɔ. I ya maa ce bɛɛbɛ ku ba nkãma ku maà ganji ŋɛ si kutɔɔ nŋɛ.

Piɛɛ 1, 5:8

I mu ara nŋɛ ŋa, i jɔ̀ hunde nŋɛ ku wɔ njoo, domi Seetam mbɛɛ nŋɛi, í dabii wa dɔ̃ anu bɛi muusu nla, wa dɛdɛ inɛ iyi á ŋɔ.

Kuyɛi Zãa 16:15

Ŋɔi Jesu í ni, ǹ wa n naa si ŋɛi bɛi ile. Ilu inɔ didɔ̃i inɛ iyi wa wɔ njoo, nɔ wa dasi jĩnɛɛ ŋa ku ba ku maà na ku dasi kpãa basĩ ku na ku yɛ anyɔ si bantuma.