Piɛɛ 1, 4:6 - Bibeli do fee

⁶ Na nŋu mɔm nii í jɔ̀ à tako à sisia inɛ ŋa laabaau jiidau wo ku ba baa do iyi à ku nsɛi na kiitii Ilaaɔ̃ iyi í tosi inɛ fei, hunde nŋa ku maa wɛɛ bɛi Ilaaɔ̃ takaɛ í wɛɛ.

Piɛɛ 1, 4:6 Iomraidhean Croise

Matie 24:9

Si waati nŋu, aa dasi ŋɛ si awɔi inɛ ŋa a kpã ŋɛ iju, aa kpa ŋɛ mɔm. Dimi fei á cé ŋɛi na irim.

Romu 8:2

Hundei Ilaaɔ̃i í ya jɔ̀ inɛ ku ba kuwɛɛ na saabui Jesu Kirisi, nɔ gbugbãi Hundeɛui í nyam hai si gbugbãi dulum do ti iku.

Galati 2:19

Ntɔ ntɔ, woodau takaɛ í jɔ̀ ǹ yɛ bɛi iku si wajuɛ, ku ba n ce kuwɛɛm na Ilaaɔ̃.

Galati 5:25

Si bɛi Hundei Ilaaɔ̃i wa mu nwa kuwɛɛ, ka jɔ̀ ku nɛò wa.

Piɛɛ 1, 1:12

Ilaaɔ̃ í sisia walii ŋau í ni ide iyi nŋu í sɔ̃ ŋau kù jɛ ti aŋa taka nŋa, tu ŋɛi. Nsɛi woo sisi laabaau jiida ŋau à waazo nŋɛ nɔ ì gbɔ ideu ŋa. À fɔ idei do gbugbãi Hundei Ilaaɔ̃ iyi Ilaaɔ̃ í bɛ wa hai lele. Nɔ amaleka ŋau taka nŋa à waa bi a mà yaasei ideu.

Piɛɛ 1, 3:18

Gbakã akãi Kirisi í ku na dulum. Nŋu iyi í jɛ inɛ dee dee, í ku na inɛ laalɔ ŋa, ku ba ku bɔò wa bi Ilaaɔ̃. Waati iyi à kpaa, araɛ í ku amma hundeɛ í wɛɛ.

Piɛɛ 1, 3:19

Do hundeɛui í koo í waazoa iku ŋa iyi à waa mu bɛi inɛi piisɔ̃ɔ ŋa,

Kuyɛi Zãa 14:18

Nɔ amaleka gɔ í fita wa má hai bi kuweeu, í nɛ gbugbã si antaii ina. Í la hee lele í sɔ̃ inɛ iyi wa mu kɔɔma didɔ̃u í ni, ka rezɛ̃ɛ iyi í wa si andunya do kɔɔmaɛ domi í jĩa.