Piɛɛ 1, 4:3 - Bibeli do fee

³ Ntɔ ntɔ, tako wo ì ce bɛi hai dasi Jesu naanɛ ŋa à ya bi, amma í to bɛɛbɛ. Ì tako ì ce mii iyi í dɔ̃a ara nŋɛ si ŋa, do binɛ, do atɛ̃ ku mɔ do zamaa, do atɛ̃ ku kpa inɛ, do jingau hai nɛ yaase, do iwɛ̃ ku tɔɔ.

Piɛɛ 1, 4:3 Iomraidhean Croise

Samuɛli 2, 13:28

Ŋɔi Abusalɔmu í sɔ̃ amaacɛɛ ŋa í ni, i maa nɛɛsi Amunɔɔ ŋa. Waati iyi inɔɛ á dɔ̃ si atɛ̃ vɛ̃ɛ an ni, i kpaa ŋa. Bii ì gbɔ bɛɛbɛ ŋa, i kpaa i maà sika ŋa. I maà ce njo ŋa nɔ i ce wɔɔkɔ ŋa. Idei irim nii á jɛ.

Ilaalu 1, 21:26

Laalɔ ku ceɛ í kpeeò ku fɔ. Í koo wa tɔɔ iwɛ̃ ŋa dee dee bɛi inɛi Amɔɔ ŋa à ya ce, aŋa iyi Aɔ̃ Lafɛ̃ɛ í lele si wajui inɛi Izirɛli ŋa.

Bomma 2, 15:8

Iyi Aza í gbɔ idei walii Azaria amai Odɛdi, ŋɔi í ba gbugbã í kɔ̃ɔsi nɔ í nya iwɛ̃ ŋa hai si ilɛi Zudaa do Bɛnzamɛɛu fei do hai si ilu ŋa iyi í gba si iri kutai Efaraimu ŋau. Nɔ í teese bi kuwee iyi í wa wajui kpasɛ̃i Aɔ̃ Lafɛ̃ɛu si bii à ya ceaa kuwee ŋau.

Ezai 28:7

Inɛ ŋa iyi à mɔ atɛ̃ vɛ̃ɛ, à ya maa koosɛi, nɔ atɛ̃ ku nɛ gbugbã ŋa, à ya jɔ̀ inɛ ŋa a nyɔi. Woo wee do walii ŋa à waa koosɛi na atɛ̃ ku nɛ gbugbã ŋau. Atɛ̃ vɛ̃ɛu í la si ŋai ntɔ ntɔ, nɔ atɛ̃ ku nɛ gbugbã ŋaui í jɔ̀ à waa nyɔ. À ya nyɔ mɔm nii si kuyɛ nŋau, nɔ a ci ya leekĩ si ide akã.

Ezai 5:11

Inɔ kufɔi á jɛ ti inɛ ŋa iyi hai iju í má daakɔ gbakã si atɛ̃ ku kpa inɛi à ya jĩ si, nɔ idũ má, do atɛ̃ui à ya gbãaò ara nŋa.

Ezai 65:4

Inɛ ŋau à ya maa wai si aninii balɛ ŋa, nɔ idũ, à ya koo a sũi si inɔ isai kuta ŋa. Iŋai kuusɔɔ ŋai à ya maa ŋɔ, nɔ sɔnda iyi kù maajui í ya wa si jɛɛ nŋa ŋa.

Zeremi 16:11

Waati bɛɛbɛ, aa jɛ nŋai i ni, Aɔ̃ Lafɛ̃ɛ í ni, bala nŋɛ ŋai à fũsim awɔ à koo à waa tɔɔ iwɛ̃ ŋa nɔ à waa sɛɛbata nŋa. À sinda à toom anyii nɔ a kù ceò woodam ŋa icɛ.

Zeremi 16:18

An jɔ̀ a ba kusãi kurara nŋai do ti dulum du ŋa ikɔ minji, domi à dasi ilɛm nɔu riisi, nɔ à jɔ̀ tubum nɔu í kɔ̃ do iwɛ̃ nŋa ŋa iyi ǹ céu.

Ezekiɛli 44:6

Sɔ̃ inɛi Izirɛli woo kɔ̀ ide ŋau iyi amu Aɔ̃ Lafɛ̃ɛ ǹ ni, laalɔ ku cei iŋɛ inɛi Izirɛli ŋau í caa.

Ezekiɛli 45:9

Ide iyi amu Aɔ̃ Lafɛ̃ɛ ǹ fɔ wee. Ǹ ni, iŋɛ amanlui Izirɛli ŋa í to i leekĩ do inɛ ŋa ku taa gbugbã do ile ku ce ŋa ŋa. I too ntɔ do dee dee ku jɛ ŋa. I maà ti i maa gba ilɛi inɛm ŋa bɛɛbɛ ŋa. Amu Aɔ̃ Lafɛ̃ɛi ǹ fɔ bɛɛbɛ.

Maaku 7:22

do sakara, do kɔdɛɛ, do inɔ ku kã, do takii, do daa iyi í lɔ zaka, do igu, do fũnɛi inɛ ku nya, do faau, do idɔ ku le í ya fita.

Woo bɛ ŋa 17:30

Ilaaɔ̃ í temuaò amanɛ ŋa wo si kumà hai mà nŋa, amma nsɛi wa sɔ̃ inɛ ŋa tengi bii à wa fei a kpaasi idɔ nŋa.

Romu 13:13

I jɔ̀ ka nɛ dee dee awa iyi à jɛ inɛi inya kumá ŋa. Ka maà jɔ̀ ijɛ ku bi nwa do atɛ̃ ku mɔ nwa ku la ku caa, ka maà nɛ adɛi abo do daa bɛɛtɛkɛ ku ce, nɔ ka jɔ̀ ija do igu.

Kɔrɛnti 1, 12:2

Ì mà ŋa, waati iyi i kù mà Ilaaɔ̃ ŋa à ya maa fa ŋɛi si kpãai iwɛ̃ dekĩ ŋa ku tɔɔ.

Kɔrɛnti 1, 6:11

Bɛɛbɛi inɛ gɔ nŋɛ ŋa à yɛ wo. Amma à wɛ ŋɛ, nɔ à jɔ̀ ì má ŋa, nɔ ì jɛ dee dee ŋa na saabui irii Lafɛ̃ɛ nwa Jesu Kirisi do Hundei Ilaaɔ̃.

Kɔrɛnti 2, 12:21

Ǹ wa n ce njo Ilaaɔ̃ ku maa na ku kayem si waju nŋɛ waati iyi an na ǹ nyi wa bi tu ŋɛ má. Nɔ ǹ wa n ce njo má n maa n na n kpata na irii inɛ nkpɔ ŋa iyi à tako à ce dulum wo nɔ a kù kpaasi idɔ hai si abo kaafe ŋa ku sũò do si daa sãmi nkpɔ do daa bɛɛtɛkɛ iyi à ya ce.

Galati 5:19

Inɛ fei í mà daai amanɛ sãa sãa. Daa ŋaui à jɛ sɛ̃ɛ ku tɔtɔɔ hai nɛ yaase, do daa sãmi do daa bɛɛtɛkɛ,

Galati 5:21

do kɔdɛɛ, do atɛ̃ ku kpa inɛ, do ijɛ ku bi, do mii iyi í jɔ bɛɛbɛ fei. Ǹ wa n sɔ̃ ŋɛ bɛi ǹ tako ǹ fɔ ǹ ni, inɛ ŋa iyi à waa ce dimi bɛɛbɛ a kaa ba tubu kãma si bommai Ilaaɔ̃.

Efɛɛzu 5:18

I maà ya jɔ̀ atɛ̃ ku kpa ŋɛ, domi si bɛi daa bɛɛtɛkɛ fei í wa. Amma i jɔ̀ i kɔ̃ò Hundei Ilaaɔ̃ ŋa.

Tɛsalonika 1, 4:5

ku maà ti ku jɛ do kɔdɛɛi ara bɛi dimi mmu ŋa à waa ce, aŋa iyi a kù mà Ilaaɔ̃.

Titee 3:3

Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.

Piɛɛ 1, 1:14

I jɔ̀ i jɛ bɛi amu ŋa iyi à ya gbɔ ide nɔ i maà ti i jɔ̀ kɔdɛɛ iyi ì ya tako i maa ce ŋa wo si waati iyi i kù mà ngɔgɔ ŋa ku maa nɛò ŋɛ.

Zudu 1:4

Tilasii n kɔ nŋɛ wa nsɛi si na iyi í jɔ̀ inɛ laalɔ gɔ ŋa à lɔ si inɔ nŋɛ do ile, aŋa iyi à waa kpaasi didɔ̃i Ilaaɔ̃ a ba a ceò daa sãmi nŋa, nɔ a kɔ̀si Jesu Kirisi, nŋu akã iyi í jɛ ilaalu nwa do Lafɛ̃ɛ nwa. Hai tako takoi à kɔ idei ijuukpã iyi inɛ ŋau aa na a yɛ si ajɔi kiitiu.