Piɛɛ 1, 4:2 - Bibeli do fee

² nɔ waati iyi í gbe si kuwɛɛi andunyaɛ ku jɛ si idɔɔbii Ilaaɔ̃, ku maà ti ku jɛ do kɔdɛɛ nfe nfei ara.

Piɛɛ 1, 4:2 Iomraidhean Croise

Iri ku kɔ̃ 143:10

Nyisim iyi ì bi n ce, domi awɔi ì jɛ Ilaaɔ̃ Lafɛ̃ɛm. Jɔ̀ hundeɛ ku maa gbãm do jiida ku jɛ si kpãa iyi í munga anu.

Ozee 6:7

Iŋɛ mɔ i kù jirima akabuum bɛi inɛi ilui Adamu ŋa. Si gãmɛu bɛi ì zambam ŋa.

Matie 12:50

Ntɔ ntɔ inɛ iyi wa ce idɔɔbii Baam iyi í wa lele, lafɛ̃ɛi í jɛ ifɔm walakɔ wecĩm walakɔ iyem.

Matie 20:4

Nɔ í sɔ̃ ŋa í ni, iŋɛ mɔ, i bɔ ikom i koo i ce icɛ ŋa. An sã nŋɛ si bɛi í jɔ.

Matie 21:31

Si ama minji ŋau yoo nŋai í ce idɔɔbii baaɛ. Ŋɔi à ni, inɛ sinteui. Ŋɔi Jesu í sɔ̃ ŋa í ni, ntɔ ntɔ ǹ wa n sɔ̃ ŋɛi, woo gba fiai lɛmpoo do inaabo woo ta icu ŋa aa tako ŋɛ a lɔ si tengi bii Ilaaɔ̃ í jɛ bomma.

Matie 7:21

Jesu í ni má, kù jɛ inɛ iyi wa kpem Lafɛ̃ɛ Lafɛ̃ɛ feii á na ku lɔ si bommai Ilaaɔ̃, bii kù jɛ inɛ ŋa iyi à waa ce idɔɔbii Baam iyi í wa lele.

Maaku 3:35

Nɔ í ni má, inɛ iyi wa ce idɔɔbii Ilaaɔ̃ fei, lafɛ̃ɛi í jɛ ifɔm, walakɔ wecĩm walakɔ iyem.

Maaku 7:21

domi hai si idɔi amanɛi lasabu laalɔ do icu ku ko, do ile ku ce, do inɛ ku kpa,

Laabaau jiida iyi Zãa í kɔ 1:13

A kù jɛ amai Ilaaɔ̃ ŋa do yaase bɛi à ya ce a bíò amu ŋa si andunya. Kù jɛ do idɔɔbii amanɛ ŋa, ti Ilaaɔ̃i.

Laabaau jiida iyi Zãa í kɔ 7:17

Inɛ iyi í bi nŋu ku ce idɔɔbii Ilaaɔ̃, lafɛ̃ɛ á mà bii ciom hai bi Ilaaɔ̃i wa naa, walakɔ bii í jɛ ti amu takam nii.

Romu 12:2

I maà ya ce kucei inɛi andunya ŋa, amma i jɔ̀ Ilaaɔ̃ ku mu nŋɛ lasabu titɔ̃ iyi á kpaasiò kuwɛɛ nŋɛ, ku ba i mà iyi í jɛ idɔɔbii Ilaaɔ̃ ŋa. Idɔɔbiɛu wee. Iyi í jɛ jiida, iyi í dɔ̃ do iyi í kɔ̃ mam mam.

Romu 14:7

Kuwɛɛi inɛ kãma nwa kù jɛ ti nŋu akã, bɛɛbɛ mɔi do ikuɛ.

Romu 6:11

Bɛɛbɛ mɔi iŋɛ taka nŋɛ i doo ara nŋɛ bɛi iku si gãmɛi dulum, nɔ i doo ara nŋɛ ilu hunde má si wajui Ilaaɔ̃ na anu akã nŋɛ iyi ì nɛ do Jesu Kirisi ŋa.

Romu 6:2

Aawo, kù jɛ bɛɛbɛ. Awa iyi à ku si gãmɛi dulum, bɛirei aa ka ce ka maa jɛ kuwɛɛ nwa si dulum má.

Romu 7:4

Bɛɛbɛ mɔi iŋɛ inɛm ŋa, anu akã nŋɛ do Kirisi í jɔ̀ iŋɛ mɔ ì ku do nŋu ajɔ nɔ ì fita hai si awɔi wooda ŋa. Bɛbɛi ti inɛ mmui ì jɛ ŋa. Ti inɛ iyi í jĩ hai si balɛui ì jɛ ŋa ku ba i so iso iyi í jɛ ti Ilaaɔ̃ ŋa.

Kɔrɛnti 2, 5:15

Í kui na inɛ fei ku ba inɛ ŋa iyi à wɛɛ si hunde a maà wɛɛ na irii aŋa taka nŋa má, í gbe na iriɛ, nŋu iyi í kú nɔ í jĩ na iri nŋa.

Efɛɛzu 2:3

Ntɔi, awa fei à tako à yɛi wo bɛi aŋa mɔ. Binɛ nwai wa nɛò wa, nɔ à waa ce mii iyi awa taka nwa à bi do iyi à waa lasabu. À yɛi wo bɛi inɛi andunya ŋa iyi à gbe fei iyi aa na a yɛ idɔɔkɔ̃i Ilaaɔ̃.

Efɛɛzu 4:17

Ide iyi ǹ wa n sɔ̃ ŋɛ do irii Lafɛ̃ɛ wee. I maà jɔ̀ i ya maa nɛ má bɛi hai dasi Jesu naanɛ ŋa iyi à waa too lasabu nfe nfe nŋa.

Efɛɛzu 5:17

Na nŋu, i maà yɛ bɛi inɛ ŋa iyi a ci ya lasabu, amma i hanya ŋa ku ba i mà mii iyi Aɔ̃ Lafɛ̃ɛ í bi i ce ŋa.

Efɛɛzu 6:6

Ku maà jɛ bii à leekĩ à waa cɔ ŋɛ nŋu akã. Bii í jɛ waati iyi à waa cɔ ŋɛ nŋu akãi, í yɛ bɛi amanɛ ŋai ì waa cea ŋa ku ba ku dɔ̃ nŋa si. Amma i jɔ̀ i ce idɔɔbii Ilaaɔ̃ do idɔ nŋɛ fei bɛi arui Kirisi ŋa.

Kolosee 1:9

Na nŋu, hai waati iyi à gbɔ laabaau nŋɛ, waati kãma fei à ya ka maa ce nŋɛ kutɔɔi. À waa tɔɔ Ilaaɔ̃ ku jɔ̀ Hundeɛ ku mu nŋɛ bisi do laakai ku ba i mà idɔɔbiɛ ŋa mam mam.

Kolosee 3:3

domi ì ku si mii ndii andunya ŋa, kuwɛɛ titɔ̃ nŋɛ í nɔ wa singa do Kirisi bi Ilaaɔ̃.

Kolosee 4:12

Epafaasi, inɛi ide nŋɛ woo ce icɛi Jesu Kirisi, nŋu mɔ í ce ŋɛ fɔɔ. Waati kãma fei í ya maa jabui ku maa ce kutɔɔ na iri nŋɛ ku ba i jĩa si idei Ilaaɔ̃ nɔ i yɔkɔ i leekĩ si dim dim ŋa nɔ i tã sɔɔlu i maa ceò idɔɔbii Ilaaɔ̃ fei ŋa.

Tɛsalonika 1, 5:18

Bɛi í jɛò fei i saabu Ilaaɔ̃ ŋa. Bɛɛbɛi Ilaaɔ̃ í bi i ce ŋa si kuwɛɛ nŋɛ do Jesu Kirisi.

Ebɛɛ 13:21

ku mu nŋɛ gbugbã i ceò daa jiida ŋa ku ba i ce idɔɔbiɛ. Nɔ ku ce si ŋɛ mii iyi á dɔ̃aa si na saabui Jesu Kirisi. Amboe ku jɛ ti Jesu Kirisi hee do ajɔ fei. Ami.

Zaaki 1:18

Si idɔɔbiɛ, í bí wa isɛ gbeejisia do saabui ide ntɔɛ ku ba hai si inɛ ŋa iyi í taka fei ka jɛ bɛi amaajɛ sinte ŋa iyi à jɛ tɛɛ.

Piɛɛ 1, 1:14

I jɔ̀ i jɛ bɛi amu ŋa iyi à ya gbɔ ide nɔ i maà ti i jɔ̀ kɔdɛɛ iyi ì ya tako i maa ce ŋa wo si waati iyi i kù mà ngɔgɔ ŋa ku maa nɛò ŋɛ.

Piɛɛ 1, 2:1

Na nŋu, i jɔ̀ laalɔ baa yooma fei ŋa, hai ibo ku sɔ, do muafiti, do igu, do irii inɛ ku sɔ.

Zãa 1, 2:17

Andunya í nɔ wa tã mbɛ do binɛɛ, amma inɛ iyi wa ce idɔɔbii Ilaaɔ̃ á maa wɛɛi hee do ajɔ fei.