Piɛɛ 1, 4:19 - Bibeli do fee

¹⁹ Na nŋu, inɛ ŋa iyi à waa yɛ ijuukpã si idɔɔbii Ilaaɔ̃, í sĩa a teese a maa ce jiidaɛ nɔ a leekĩ do woo taka nŋa iyi í jɛ ilu naanɛ.

Piɛɛ 1, 4:19 Iomraidhean Croise

Iri ku kɔ̃ 37:5

Daa Aɔ̃ Lafɛ̃ɛ kuwɛɛɛ fei si awɔ, dasiɛ naanɛ, á sobiɛ.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Piɛɛ 1, 3:17

Bii í jɛ do idɔɔbii Ilaaɔ̃i à waa kpãɛ iju na jiida iyi ì waa ce, iyi bɛ í sĩa do iyi aa maa kpãɛ iju na laalɔ.

Iri ku kɔ̃ 138:8

Awɔ Aɔ̃ Lafɛ̃ɛ aa ce iyi bɛi na irim. Awɔ iyi jiida ku jɛɛ kù nɛ kɔɔ, maà fũsi inɛ ŋa iyi ì taka awɔ.

Piɛɛ 1, 2:15

Do ntɔ, iyi Ilaaɔ̃ í bi, nŋui í jɛ icɛ jiida nŋɛ ku dĩ gɛlɛi hai mà ngɔgɔ ŋa si ide hai nɛ yaase nŋa.

Romu 2:7

Inɛ ŋa iyi à temua à waa ce jiida à waa dɛdɛò amboe do bɛɛrɛ, nɔ à waa dɛ aŋa a maà ce nfe, aŋai Ilaaɔ̃ á mua kuwɛɛ hai tãu.

Iri ku kɔ̃ 31:5

Aa nyam hai si cɛkũm iyi à leem, domi awɔi ì waa mum.

Daniɛli 6:22

Ŋɔi Daniɛli í jɛa ilaaluu í ni, hunde sisɔ kú jɛ ti awɔ ilaalu hee do ajɔ fei.

Woo bɛ ŋa 7:59

Si bɛi à waa ta Etiɛni kutau ŋɔi Etiɛni í ce kutɔɔ í ni, Lafɛ̃ɛ Jesu, gba hundem.

Luku 23:46

Ŋɔi Jesu í la do gbugbã í ni, Baaba, ǹ daaɛ hundem si awɔ. Iyi í fɔ bɛɛbɛ nɔ í ku.

Ezai 43:21

Zamaa iyi ǹ takau á kɔ̃ irii ku maa saabum.

Ezai 43:7

Inɛ ŋa iyi à waa kpe ŋa do irim nɔu fei, i jɔ̀ a baa wa ŋa. Ǹ taka ŋai nɔ ǹ ce ŋa ku ba a nyisi amboem.

Ɛsitɛɛ 4:16

koo tɔtɔɔ Zuifu ŋa iyi à wa Suzeu fei a cea nŋu anu ku dĩ ajɔ mɛɛta do idũ mɛɛta, a maà jɛ nɔ a maà mɔ nkãma. Bɛɛbɛ mɔi í ni nŋu takai nŋu á dĩ anu do woo ce icɛi nŋu ŋa nɔ baa do iyi wooda í ganji fei, nŋu á bɔ bi ilaaluu, nɔ bii í jɛ nŋu á kui, nŋu ku ku.

Piɛɛ 1, 3:20

inɛ ŋa iyi a kù tako a kù waa jirima Ilaaɔ̃ si waati iyi í temuaò ŋa hee Nowee í koo í ceò akɔi inyiu í tã. Inɛ ŋa iyi à lɔ si akɔi inyiu a kù kpɔ, a kù re aŋa mɛɛjɔ, nɔ à ba faaba hai si inɔ inyi nlau.