Piɛɛ 1, 4:18 - Bibeli do fee

¹⁸ Kukɔi idei Ilaaɔ̃ wa fɔ í ni, bii faabai inɛ dee dee ŋa í gaabu, bɛirei ti ilu dulum ŋa do inɛ ŋa iyi a kù mà bɛɛrɛi Ilaaɔ̃ á yɛ.

Piɛɛ 1, 4:18 Iomraidhean Croise

Kusintii Andunya 13:13

Wee inɛi Sodomu ŋa, inɛ laalɔ ŋai. Ilu dulum ŋai jiida si wajui Aɔ̃ Lafɛ̃ɛ.

Mɔnda ŋa 11:31

Bii inɛ dee dee ŋa à waa ba riba nŋa si andunya ihɛ̃, aa na a fɔ idei ribai ilu inɔ kukã ŋa do ti ilu dulum ŋa bɛi á to?

Zeremi 25:29

Nɔ wahalau á sintii hai si ilu iyi à nya ikã í jɛ titom nɔu. Nɔ iŋɛ taka nŋɛ i kaa fita si ŋa, domi i kaa jɛ hai nɛ taale ŋa. An ce nŋɛi bɛi ilu taale ŋau. Iyi í re mɔm, an jɔ̀ igũ ku cei si andunyau fei. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Ezekiɛli 18:24

Bii í jɛ inɛ dee dee gɔ í jɔ̀ dee dee ku ce nɔ í lɔ si kpãai laalɔ bɛi inɛ laalɔ ŋa, ì tamaa á wɛɛi ŋa? Aawo, mii jiida ŋa iyi í tako í ceu bɛ fei aa gbɛjɛɛi. Laalɔ iyi í lɔsi ku ceu, nŋui á jɔ̀ ku ku.

Zakari 13:9

Ikɔ akã iyi í gbeu an dasi ŋa ina n yɔɔ bɛi à ya yɔ isɔ fũfũ do wura si ina a nya jiidaɛ. Amui aa ya tɔɔ nɔ an ya n gbɔ kutɔɔ nŋa. An kpe ŋa zamaam nɔ aŋa mɔ aa ni, Aɔ̃ Lafɛ̃ɛi í jɛ Lafɛ̃ɛ nwa.

Luku 15:1

Woo gba fiai lɛmpoo ŋa do inɛ laalɔ ŋa fei à naa bi Jesu ku ba a gbɔ ideɛ.

Luku 23:31

Ntɔ ntɔ, bii inɛ ŋa à waa cea jĩi tũtũ dimi bɛ ihɛ̃, bɛirei aa na a cea jĩi ngbɛ.

Woo bɛ ŋa 14:22

Nɔ à mua inɛ ŋa iyi à waa too kpãai Jesuu gbugbã ku ba a leekĩ si naanɛu dim dim. Nɔ à sɔ̃ ŋa à ni, wahala nkpɔ nkpɔi aa ka yɛ ka bɛi ka lɔ si bommai Ilaaɔ̃.

Woo bɛ ŋa 27:24

í ni, Pɔlu, maà ce njo. Kù nɛ bɛi aa ce iyi i kù leekĩ si wajui ilaalu nlai Romu. Nɔ wee inɛ ŋa iyi iŋɛò ŋa ì wa inɔ akɔu fei, Ilaaɔ̃ í yɔɔda nŋai a baɛ ku wɛɛ.

Woo bɛ ŋa 27:31

Amma Pɔlu í sɔ̃ sooge ŋau do inɛ ngbo nŋa í ni, bii inɛ ŋau ihɛ̃ a kù wa si inɔ akɔi inyiu, iŋɛ taka nŋɛ i kaa ba faaba ŋa.

Romu 1:18

Do ntɔi, Ilaaɔ̃ wa nyisi idɔɔkɔ̃ɛ wa hai lele si gãmɛi inɛ ŋa iyi à waa ce laalɔ fei nɔ a kù mà bɛɛrɛɛ. Si laalɔ ku ce nŋau a kù jɔ̀ ntɔ kù waa ce icɛ.

Romu 5:6

Si waati iyi a kù nɛ gbugbã, Kirisi í ku na irii inɛ ŋa iyi a kù mà bɛɛrɛi Ilaaɔ̃. Í kui si waati iyi Ilaaɔ̃ í jilɛu.

Romu 5:8

Amma Ilaaɔ̃ í nyisi wa kubi nlaɛ domi waati iyi à jɛ ilu dulum ŋa Kirisi í ku na iri nwa.

Kɔrɛnti 1, 10:12

Na nŋu, inɛ iyi í tamaa nŋu wa leekĩ dim dim ku jɔ̀ ku ce laakaii araɛ, ku ba ku maà ti ku cuku.

Timɔtee 1, 1:9

Nɔ à mà iyi a kù jilɛ wooda na inɛ dee dee ŋa. À jilɔɔi na woo donda wooda ŋa, do hai gbɔ ide ŋa, do ilu dulum ŋa, do inɛ ŋa iyi a kù mà bɛɛrɛi Ilaaɔ̃ walakɔ mii ŋa iyi à jɛ tɛɛ, do inɛ ŋa iyi à waa kpa iyeò baa nŋa ŋa, do woo kpa inɛ ŋa,

Ebɛɛ 4:1

Kuwãi Ilaaɔ̃ iyi í ni aa ka lɔ si bi kusĩmiu í wɛɛ baa nnyi. Na nŋu, i ce laakai ku ba inɛ gɔ nŋɛ ŋa a maà na a to wa do ankãanyi nɔ a ba wee aŋa a kaa ba a lɔ bi kusĩmiu.

Zaaki 5:6

Ì yɛ taalei inɛ dee dee ŋa ì kpa ŋa ŋa, a kù nɔ a kù kɔ̀ò ara nŋa.

Piɛɛ 1, 5:8

I mu ara nŋɛ ŋa, i jɔ̀ hunde nŋɛ ku wɔ njoo, domi Seetam mbɛɛ nŋɛi, í dabii wa dɔ̃ anu bɛi muusu nla, wa dɛdɛ inɛ iyi á ŋɔ.

Piɛɛ 2, 3:7

Lele do ilɛ iyi í wɛɛ nsɛi, do ide akãu bɛi Ilaaɔ̃ á kpa ŋaò, amma bɛbɛi do inai á jɛ. Wa mu ŋai titã hee koo toò ajɔ iyi á kiiti inɛ ŋa iyi a kù mà bɛɛrɛɛ nɔ ku ce nfe nŋa.

Zudu 1:15

ku kiiti inɛ fei nɔ ku yɛ taalei inɛ ŋa iyi a kù màa ŋau na kuce laalɔ nŋa fei do bɛi à dondaɛ, do na ide laalɔ ŋa iyi ilu dulum ŋa à ya maa fɔaa.

Samuɛli 1, 15:18

nɔ í jilɛɛ icɛ iyi aa ce í ni i bɔ bi inɛi Amalɛki woo ce dulum ŋau i ba ŋa igũ ku ce nɔ i kpa ŋa fei.