Piɛɛ 1, 4:16 - Bibeli do fee

¹⁶ Amma inɛ iyi wa wahala si na iyi í jɔ̀ í jɛ inɛi Kirisi, ku maà jɔ̀ anyɔ ku muu, amma í sĩa ku saabu Ilaaɔ̃ si na iyi í jɔ̀ wa so irii Kirisiu.

Piɛɛ 1, 4:16 Iomraidhean Croise

Ezai 24:15

Na nŋu, iŋɛ inɛi ilɛi nunui daakɔ ŋau mɔ, i jɔ̀ i mà bɛɛrɛi Aɔ̃ Lafɛ̃ɛ ŋa. Iŋɛ iyi ì wa si gũngũm ŋau, i kɔ̃ iri i cĩ Aɔ̃ Lafɛ̃ɛi Izirɛliu ŋa.

Ezai 50:7

Aɔ̃ Lafɛ̃ɛi í ya naa ku sobim, na ŋɔi í jɔ̀ n kù jɛsi iyi igũ í jɛm. Na nŋu, ǹ lele wajum nii bɛi kuta, nɔ ǹ mà iyi n kaa n dasi anyɔ.

Ezai 54:4

Na nŋu, maà jɔ̀ njo ku muɛ, domi i kaa jɛ ilu anyɔ má. Maà jɔ̀ anyɔ ku muɛ domi bɛɛrɛɛ kaa kaye má. Ntɔ ntɔ aa gbɛjɛ idei anyɔi waatii mudɛ̃ɛɛ, nɔ i kaa ye gigii anyɔi waatii jaaɔ̃ɛu má.

Woo bɛ ŋa 11:26

Iyi í yɔɔ ŋɔi í bɔòɛ Antiɔsi. Adɔ̃ akãi aŋa minjiu à ce bɛ à ya tɔtɔɔ do inɛi igbɛi Jesu ŋa nɔ à ya kɔa inɛ nkpɔ si cioi idei Ilaaɔ̃. Antiɔsi bɛi à sinti ku kpe inɛ ŋa iyi à waa too kpãai Jesuu inɛi Kirisi ŋa.

Woo bɛ ŋa 26:28

Ŋɔi Agiripa í sɔ̃ Pɔlu í ni, debɛi, si waati keekeu ihɛ̃ ì waa tamaa aa cem inɛi Kirisi?

Woo bɛ ŋa 28:22

Amma awa taka nwa à bi ka gbɔ iyi í wa idɔɛ, domi à mà bii feii à ya maa fɔ laalɔi kpãa iyi ì waa toou.

Woo bɛ ŋa 5:41

Ŋɔi woo bɛ ŋau à nɛ hai bi igbɛi woo kiiti ŋau do inɔ didɔ̃ nla nla si na iyi í jɔ̀ Ilaaɔ̃ í ka ŋa si inɛ ŋa iyi à to a maa yaako ŋa na irii Jesu.

Filipi 1:20

Mii iyi ǹ dasi idɔ nɔ ǹ wa n cɔ kpãaɛ kãm kãm nŋui í jɛ n maà n ce nkãma iyi á jɔ̀ anyɔ ku mum. Mii iyi ǹ bi nŋui í jɛ n nɛ wɔɔkɔ bɛi ǹ nɛ hai tako n maa n nyisiò kulai Kirisi bii ǹ wɛɛ si hunde walakɔ baa bii í jɛ ǹ ku mɔi.

Filipi 1:29

domi Ilaaɔ̃ í ce nŋɛ didɔ̃ ì dasiò Kirisi naanɛ ŋa, amma kù jɛ baa iyi bɛ nŋu akã, í ce nŋɛ didɔ̃ má ì ya maa yɛò ijuukpã ŋa na iriɛ.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Zaaki 2:7

Aŋai à ya maa nya cɔɔi iri jiida iyi Ilaaɔ̃ í mu nŋɛ.

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.

Piɛɛ 1, 4:14

Iŋɛ ilu inɔ didɔ̃ ŋai bii à waa bu ŋɛ na irii Kirisi, domi Hundei Ilaaɔ̃ ilu amboe, í wa si ŋɛ.

Piɛɛ 1, 4:19

Na nŋu, inɛ ŋa iyi à waa yɛ ijuukpã si idɔɔbii Ilaaɔ̃, í sĩa a teese a maa ce jiidaɛ nɔ a leekĩ do woo taka nŋa iyi í jɛ ilu naanɛ.